完整藏文原文 · 德格版页 当前仅加载第 5 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཡིད་དགའ་ཞིང་ཡིད་དགའ་ནས་བདག་ཅག་གི་ཡུལ་ན་འཕགས་པ་དེ་ལྟར་རྫུ་འཕྲུལ་ཆེ་བ། དེ་ལྟར་མཐུ་ཆེ་བ་ཚེ་འདིའི་དོན་དང་། ཚེ་ཕྱི་མའི་དོན་དང་། ཚེ་འདི་དང་ཚེ་ཕྱི་མའི་དོན་ལ་སྐྱབས་མཛད་པ་བཞུགས་པ་དེ་ནི་བདག་ཅག་གིས་རྙེད་པ་ལེགས་པར་རྙེད་དོ་
D3.005.0097b01.01ཞེས་ཆེད་དུ་བརྗོད་པ་ཆེད་དུ་རྗོད་པར་བྱེད་དོ། །དེ་བསྔགས་པ་བརྗོད་ཅིང་མཉན་ཡོད་དུ་འཇུག་པ་ན་དྲུག་སྡེ་དག་ཀྱང་ཕྱིར་བྱུང་ཞིང་དྲུག་སྡེ་དག་གིས་སྨྲས་པ། ཁྱོད་སུའི་བསྔགས་པ་བརྗོད། འཕགས་སྐྱེས་པོས་སྨྲས་པ། ཁྱེད་ཀྱིའོ། །ངེད་ཀྱིས་ཅི་བྱས། འཕགས་
D3.005.0097b02.01པ་མཽད་གལ་གྱི་བུ་ཆེན་པོས་ཁྱིམ་བདག་མགོན་མེད་ཟས་སྦྱིན་གྱི་བུ་དག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་ཕྲོགས་པ་ཐར་བར་བྱས་སོ། །བཀྲེན་པ་དག་ཁོ་བོ་ཅག་དེ་འདྲ་ཡང་འོན་ཀྱང་འདི་ན་ལ་ལ་བྱི་བོ་གཅེར་བུ་དག་ལ་མངོན་པར་དད་དེ། གལ་ཏེ་གཅེར་བུ་
D3.005.0097b03.01དག་གིས་མཐོང་བར་གྱུར་དུ་ཟིན་ན། དེ་དག་གིས་ལམ་ཡང་ཉེ་བར་བསྟན་པར་འགྱུར་རོ། །དེ་དག་ཅང་མི་སྨྲ་བར་འཁོད་པ་དང་། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་དེ་དག་ལ་གོ་བར་བྱས་སོ། །དོན་ཉུང་ངུ་ལ་ལྟུང་བ་བྱུང་གིས་དོང་ལ་འཆགས་སུ་གཞུག་གོ། །
D3.005.0097b04.01དྲུག་སྡེ་དག་གཙུག་ལག་ཁང་དུ་དོང་སྟེ་ཟས་ཀྱི་བྱ་བ་བྱས་ནས་རྒན་རིམས་ཀྱིས་ཕྱག་འཚལ་ཏེ། ཚེ་དང་ལྡན་པ་མཽད་གལ་གྱི་བུ་ཆེན་པོ་ག་ལ་བ་དེར་དོང་ནས་ཕྱིན་པ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །གནས་བརྟན་ཕྱག་འཚལ་ལོ། །
D3.005.0097b05.01ཚེ་དང་ལྡན་པ་དག་ཨ་རོག་གྱ་གནས་བརྟན་ཇེ་སྐབས་ཕྱེ་ཤིག །ལྟུང་བ་སྡེ་ལྔ་པོ་དག་ལ་སྐབས་ཕྱེའོ། །གནས་བརྟན་གྱིས་ཁྱིམ་བདག་མགོན་མེད་ཟས་སྦྱིན་གྱི་བུ་དག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་ཕྲོགས་པ་ཐར་བར་བགྱིས་སམ། དེ་བཞིན་ཏེ་ཐར་བར་བྱས་སོ། །
D3.005.0097b06.01གནས་བརྟན་བདག་ཅག་གིས་གནས་བརྟན་གོ། །བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་བདེ་བ་དག་ཉམས་སུ་མྱོང་བར་མཛད་ཅིང་བཞུགས་པར་འཚལ་གྱི་བདག་ཅག་གིས་ཐུགས་རྗེ་ཕྱོགས་གཅིག་པ་དང་ལྡན་ཞིང་ཉེ་
D3.005.0097b07.01