完整藏文原文 · 德格版页 当前仅加载第 5 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་སྐྱེལ་བར་བྱེད་ཅིང་། མངགས་པས་མངགས་པས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གཉིས་ཀྱིས་སྤྲིང་བ་མནོས་ཏེ། གཉི་གས་ཕྲིན་ཕར་ཡང་སྐྱེལ་བར་བྱེད་ཅིང་གཉི་གས་ཕྲིན་ཚུར་ཡང་སྐྱེལ་བར་བྱེད་ན་གཉི་ག་ལ་དགེ་འདུན་ལྷག་མར་
D3.005.0235b01.01འགྱུར་རོ། །དགེ་སློང་གཉིས་ཀྱིས་གཉི་གས་སྤྲིང་བ་མནོས་ཏེ། དེ་ན་གཅིག་འདི་སྐད་ཅེས་རེ་ཞིག་ཁོ་བོའི་དོན་དུ་ཕྲིན་ཕར་ཡང་སྐྱོལ་ལ་ཕྲིན་ཚུར་ཡང་སྐྱོལ་ཅིག་ཅེས་ཟེར་ནས། དེས་དེའི་དོན་དུ་ཕྲིན་ཕར་ཡང་སྐྱེལ་བར་བྱེད་ཅིང་ཕྲིན་ཚུར་ཡང་སྐྱེལ་བར་བྱེད་ན་གཉི་ག་ལ་དགེ་འདུན་ལྷག་
D3.005.0235b02.01མར་འགྱུར་རོ། །དགེ་སློང་གཉིས་ཀྱིས་གཉི་གས་སྤྲིང་བ་མནོས་ཏེ། དེ་ན་གཅིག་འདི་སྐད་ཅེས་ཁོ་བོ་ནི་ཕྲིན་ཕར་ནི་སྐྱེལ་ལོ། །ཕྲིན་ཚུར་ནི་མི་སྐྱེལ་ལོ་ཞེས་ཟེར་ན་དེ་གཉིས་ལས་གང་ཕྲིན་ཕར་ཡང་སྐྱེལ་བར་བྱེད་ཅིང་ཕྲིན་ཚུར་ཡང་སྐྱེལ་བར་བྱེད་པ་དེ་ལ་ནི་དགེ་འདུན་ལྷག་མར་འགྱུར་
D3.005.0235b03.01རོ། །གང་ཕྲིན་ཕར་ནི་སྐྱེལ་བར་བྱེད་ལ་ཕྲིན་ཚུར་ནི་སྐྱེལ་བར་མི་བྱེད་པ་དེ་ལ་ནི་ཉེས་པ་སྦོམ་པོ་གཉིས་སུ་འགྱུར་རོ། །དགེ་སློང་གཉིས་ཀྱིས་གཉི་གས་སྤྲིང་བ་མནོས་ཏེ། དེ་ན་གཅིག་འདི་སྐད་ཅེས་ཁོ་བོ་ནི་ཕྲིན་ཕར་ཡང་མི་སྐྱེལ་ལ་ཕྲིན་ཚུར་ཡང་མི་སྐྱེལ་ལོ། །ཞེས་ཟེར་ན་དེ་གཉིས་
D3.005.0235b04.01ལས་གང་ཕྲིན་ཕར་ཡང་སྐྱེལ་བར་བྱེད་ཅིང་ཕྲིན་ཚུར་ཡང་སྐྱེལ་བར་བྱེད་པ་དེ་ལ་ནི་དགེ་འདུན་ལྷག་མར་འགྱུར་ལ། གང་ཕྲིན་ཕར་ཡང་སྐྱེལ་བར་མི་བྱེད་ལ། ཕྲིན་ཚུར་ཡང་སྐྱེལ་བར་མི་བྱེད་པ་དེ་ལ་ནི་ཉེས་པ་སྦོམ་པོ་གཅིག་ཏུ་འགྱུར་རོ། །དགེ་སློང་གཉིས་ཀྱིས་གཉི་གས་སྤྲིང་བ་མནོས་
D3.005.0235b05.01ཏེ། གཉི་གས་ཕྲིན་ཕར་ནི་སྐྱེལ་བར་བྱེད་ལ། ཕྲིན་ཚུར་ནི་སྐྱེལ་བར་མི་བྱེད་ན་གཉི་ག་ལ་ཉེས་པ་སྦོམ་པོ་གཉིས་གཉིས་སུ་འགྱུར་རོ། །དགེ་སློང་གཉིས་ཀྱིས་གཉི་གས་སྤྲིང་བ་མནོས་ཏེ། དེ་ན་གཉི་ག་འདི་སྐད་ཅེས་བདག་ཅག་གཉི་ག་ཕྲིན་ཕར་ཡང་སྐྱེལ་བར་ཡང་མི་བྱེད་ལ། ཕྲིན་
D3.005.0235b06.01ཚུར་ཡང་སྐྱེལ་བར་མི་བྱེད་དོ་ཞེས་ཟེར་ན་གཉི་ག་ལ་ཉེས་པ་སྦོམ་པོ་རེ་རེར་འགྱུར་རོ། །དགེ་སློང་གཅིག་གིས་ཁྱིམ་པ་གཅིག་དང་ཁྱིམ་པ་མོ་གཅིག་འགྲོན་ལམ་དུ་འགྲོ་བ་ན་དེ་ན་གལ་ཏེ་ཁྱིམ་པ་དེ་དགེ་སློང་དེ་ལ་འདི་སྐད་ཅེས་འཕགས་པ་ཁྱོད་ཁྱིམ་པ་མོ་འདི་ལ་འདི་སྐད་ཅེས་ཁྱོད་ཁྱིམ་པ་འདིའི་
D3.005.0235b07.01