完整藏文原文 · 德格版页 当前仅加载第 5 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུང་མ་འམ། མཛའ་ན་མོ་འམ། སྨོས་འདྲིན་གྱིས་ཤིག་ཅེས་སྨྲ་ནུས་སམ་ཞེས་(ཟར་,ཟེར་)རམ། ཡང་ན་ཁྱིམ་པ་མོ་དེ་དགེ་སློང་དེ་ལ་འདི་སྐད་ཅེས་འཕགས་པ་ཁྱོད་ཁྱིམ་པ་འདི་ལ་འདི་སྐད་ཅེས་ཁྱོད་ཁྱིམ་པ་མོ་འདིའི་ཁྱོ་འམ། མཛའ་ན་པོ་འམ། སྨོས་འདྲིན་གྱིས་
D3.005.0236a01.01ཤིག་ཅེས་སྨྲ་ནུས་སམ་ཞེས་ཟེར་བ་ལ་དགེ་སློང་དེས་སྤྲིང་བ་རྣམ་པ་དེ་ལྟ་བུ་དེ་མནོས་ཏེ། ཕྲིན་ཕར་སྐྱེལ་བར་བྱེད་དམ། ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །འགྲོ་བ་ལ་ཇི་ལྟ་བ་བཞིན་དུ་སྡོད་པ་དང་། འདུག་པ་དང་། ཉལ་བ་དག་ལ་ཡང་དེ་བཞིན་ནོ། །
D3.005.0236a02.01དགེ་སློང་གཅིག་དང་། ཁྱིམ་པ་གཅིག་དང་། ཁྱིམ་པ་མོ་གཅིག་ལ་ཇི་ལྟ་བ་བཞིན་དུ་དགེ་སློང་གཉིས་དང་། ཁྱིམ་པ་གཉིས་དང་། ཁྱིམ་པ་མོ་གཉིས་དང་། དགེ་སློང་རབ་ཏུ་མང་པོ་དང་། ཁྱིམ་པ་རབ་ཏུ་མང་པོ་དང་། ཁྱིམ་པ་མོ་རབ་ཏུ་མང་པོ་ལ་ཡང་དེ་བཞིན་དུ་ཅི་རིགས་པར་
D3.005.0236a03.01རྒྱས་པར་སྦྱར་རོ། །དགེ་སློང་མདུན་དུ་འགྲོ་བའི་དགེ་སྦྱོང་དང་། ཕྱི་བཞིན་འབྲང་བའི་དགེ་སྦྱོང་གཉིས་ལས་མདུན་དུ་འགྲོ་བའི་དགེ་སྦྱོང་གིས་སྤྲིང་བ་མནོས་ཏེ། མདུན་དུ་འགྲོ་བའི་དགེ་སློང་གིས་ཕྲིན་ཕར་ཡང་སྐྱེལ་བར་བྱེད་ཅིང་མདུན་དུ་འགྲོ་བའི་དགེ་སྦྱོང་གིས་ཕྲིན་ཚུར་ཡང་སྐྱེལ་བར་བྱེད་
D3.005.0236a04.01ན། མདུན་དུ་འགྲོ་བའི་དགེ་སྦྱོང་ལ་དགེ་འདུན་ལྷག་མར་འགྱུར་རོ། །མདུན་དུ་འགྲོ་བའི་དགེ་སྦྱོང་གིས་སྤྲིང་བ་མནོས་ཏེ། མདུན་དུ་འགྲོ་བའི་དགེ་སྦྱོང་གིས་ཕྲིན་ཕར་སྐྱེལ་བར་བྱེད་ཅིང་ཕྱི་བཞིན་འབྲང་བའི་དགེ་སྦྱོང་གིས་ཕྲིན་ཚུར་སྐྱེལ་བར་བྱེད་ན། མདུན་དུ་འགྲོ་བའི་དགེ་སྦྱོང་ལ་ཉེས་པ་
D3.005.0236a05.01སྦོམ་པོ་གཉིས་སུ་འགྱུར་ལ། ཕྱི་བཞིན་འབྲང་བའི་དགེ་སྦྱོང་ལ་ནི་ཉེས་པ་སྦོམ་པོ་གཅིག་ཏུ་འགྱུར་རོ། །མདུན་དུ་འགྲོ་བའི་དགེ་སྦྱོང་གིས་སྤྲིང་བ་མནོས་ཏེ། ཕྱི་བཞིན་འབྲང་བའི་དགེ་སྦྱོང་གིས་ཕྲིན་ཕར་སྐྱེལ་བར་བྱེད་ཅིང་མདུན་དུ་འགྲོ་བའི་དགེ་སློང་གིས་ཕྲིན་ཚུར་སྐྱེལ་བར་བྱེད་
D3.005.0236a06.01ན། མདུན་དུ་འགྲོ་བའི་དགེ་སྦྱོང་ལ་ཉེས་པ་སྦོམ་པོ་གཉིས་སུ་འགྱུར་ལ། ཕྱི་བཞིན་འབྲང་བའི་དགེ་སྦྱོང་ལ་ནི་ཉེས་པ་སྦོམ་པོ་གཅིག་ཏུ་འགྱུར་རོ། །མདུན་དུ་འགྲོ་བའི་དགེ་སྦྱོང་གིས་སྤྲིང་བ་མནོས་ཏེ། ཕྱི་བཞིན་འབྲང་བའི་དགེ་སྦྱོང་གིས་ཕྲིན་ཕར་ཡང་སྐྱེལ་བར་བྱེད་ཅིང་ཕྱི་བཞིན་
D3.005.0236a07.01