完整藏文原文 · 德格版页 当前仅加载第 5 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
རངས་པར་ལས་མི་བྱ་བར་འདི་ལྟར་ལན་གཅིག་བྱའོ། །དགེ་སློང་དག་སོ་ག་ནི་ཕྱི་དྲོ་ལས་བྱེད་ལ། དགུན་ནི་སྔ་དྲོ་ལས་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། སོ་ག་ནི་སྔ་དྲོ་ལས་བྱ་ལ། དགུན་ནི་ཕྱི་དྲོ་ལས་བྱའོ། །དེ་དག་དུས་རྟིང་ལ་ཐུག་པ་ན་གཏོང་ཞིང་འཇིམ་རྫབ་ཀྱིས་གོས་པའི་
D3.005.0147b01.01ལུས་ཀྱིས་དེ་བཞིན་རིངས་པ་རིངས་པར་བསོད་སྙོམས་ལ་འཇུག་པ་ན་མ་དད་པ་དག་འཕགས་པ་དག་ཁྱེད་ཅག་གིས་གླ་མི་དག་ཀྱང་ཕམ་པར་བྱས་ཏེ། དེ་དག་ཀྱང་ཟས་ཀྱི་དུས་ཡོངས་སུ་སྤོང་བར་བྱེད་ན། ཁྱེད་ཅག་ཟས་ཀྱི་དུས་ཀྱང་སྤོང་བར་མི་བྱེད་དོ་ཞེས་ཅོ་འདྲི་བར་བྱེད་པའི་
D3.005.0147b02.01སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བསོད་སྙོམས་པ་གང་དག་ཡིན་པ་དེ་དག་གིས་ནི་སྟ་གོན་བྱས་ནས་གྲོང་དུ་བསོད་སྙོམས་ལ་འཇུག་ཁོམ་པ་དང་། གང་དག་དགེ་འདུན་གྱི་རྙེད་པ་དབང་བ་
D3.005.0147b03.01དེ་དག་གིས་ནི་སྟ་གོན་བྱས་ནས་དགེ་འདུན་གྱི་དབུས་སུ་འཇུག་ཁོམ་པ་དེ་ལྟར་དུས་ཤེས་པར་བྱས་ཏེ་གཏང་བར་བྱའོ། །བཅོམ་ལྡན་འདས་ཀྱིས་སྟ་གོན་བྱས་ནས་གྲོང་དུ་བསོད་སྙོམས་ལ་འཇུག་པར་བྱ་ཞིང་དགེ་འདུན་གྱི་དབུས་སུ་ཡང་འཇུག་པར་བྱའོ་ཞེས་བཀའ་སྩལ་ནས།
D3.005.0147b04.01དགེ་སློང་རྣམས་ཀྱིས་ཇི་ཙམ་གྱིས་ན་སྟ་གོན་བྱས་པར་བརྗོད་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཇི་ཙམ་གྱིས་ལག་པ་གཉིས་དང་། རྐང་པ་གཉིས་བཀྲུས་པ་དང་། ལྷུང་བཟེད་བཀྲུས་པར་གྱུར་པ་དེ་ཙམ་གྱིས་སྟ་གོན་བྱས་པར་བརྗོད་པར་
D3.005.0147b05.01བྱའོ། །གཞན་ཡང་ངས་དགེ་སློང་མཁར་ལེན་བྱེད་པ་དག་གི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་མཁར་ལེན་བྱེད་པས་དུས་ཇི་ལྟ་བ་བཞིན་དུ་སྔ་དྲོ་ནི་ཁྱེའུ་སུས་དག་སྦྱོར་དུ་གཞུག་པར་བྱའོ། །ཕྱི་དྲོ་ནི་སྐོམ་དང་། ལག་པ་དང་། རྐང་པའི་སྐུ་མཉེ་རྒྱུ་དག་སྦྱོར་དུ་གཞུག་
D3.005.0147b06.01པར་བྱའོ། །དགེ་སློང་མཁར་ལེན་བྱེད་པས་ཀུན་དུ་སྤྱོད་པའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །འབྲོག་གནས་སུ་བསོད་སྙོམས་པས་བསྲོ་ཁང་བྱེད་དུ་བཅུག་པ་ཇི་ལྟ་བ་བཞིན་དུ་མེ་ཁང་གི་གླེང་གཞི་ཡང་དེ་ཁོ་ན་བཞིན་དུ་
D3.005.0147b07.01