完整藏文原文 · 德格版页 当前仅加载第 5 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་དགེ་སློང་རབ་ཏུ་མང་པོ་ཉལ་བ་དག་གི་རྨི་ལམ་ན་མི་གཙང་བ་ཤོར་ཅིང་ཁུ་བ་ཕྱུང་བར་གྱུར་ཏེ་དེ་དག་ལ་འདུ་ཤེས་ཀྱང་
D3.005.0203b01.01ཡོད། སེམས་པ་ཡང་ཡོད་པས་དེ་དག་འགྱོད་པ་སྐྱེས་པར་གྱུར་ནས། འདི་ལྟར་བཅོམ་ལྡན་འདས་ཀྱིས་བསམས་བཞིན་དུ་ཁུ་བ་ཕྱུང་ན་དགེ་འདུན་ལྷག་མའོ་ཞེས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་ན། བདག་ཅག་དགེ་སློང་རབ་ཏུ་མང་པོ་ཉལ་བ་དག་གི་
D3.005.0203b02.01རྨི་ལམ་ན་མི་གཙང་བ་ཤོར་ཞིང་ཁུ་བ་བྱུང་བར་གྱུར་ཏེ། བདག་ཅག་ལ་འདུ་ཤེས་ཀྱང་ཡོད། སེམས་པ་ཡང་ཡོད་པས་བདག་ཅག་ལ་དགེ་འདུན་ལྷག་མའི་ལྟུང་བ་བྱུང་བར་མ་གྱུར་ཏམ། ཚུར་ཤེག་བདག་ཅག་ཚེ་དང་ལྡན་པ་ཀུན་དགའ་བོ་ག་ལ་བ་དེར་འདོང་ཞིང་ཕྱིན་ནས་ཚེ་དང་ལྡན་
D3.005.0203b03.01པ་ཀུན་དགའ་བོ་ལ་བརྗོད་པར་བྱ་ཞིང་བདག་ཅག་ལ་ཚེ་དང་ལྡན་པ་ཀུན་དགའ་བོས་ཇི་སྐད་ལུང་སྟོན་པར་འགྱུར་བ་དེ་དེ་ཁོ་ན་བཞིན་དུ་གཟུང་བར་བྱའོ་སྙམ་མོ། །དེ་ནས་དགེ་སློང་རབ་ཏུ་མང་པོ་དག་ཚེ་དང་ལྡན་པ་ཀུན་དགའ་བོ་ག་ལ་བ་དེར་དོང་སྟེ་ཕྱིན་ནས་ཚེ་དང་ལྡན་པ་ཀུན་དགའ་བོ་ལ་འདི་
D3.005.0203b04.01སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་མཁྱེན་པར་མཛོད་ཅིག །འདི་ལྟར་བཅོམ་ལྡན་འདས་ཀྱིས་བསམས་བཞིན་དུ་ཁུ་བ་ཕྱུང་ན་དགེ་འདུན་ལྷག་མའོ་ཞེས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་ན། བདག་ཅག་དགེ་སློང་རབ་ཏུ་མང་པོ་ཉལ་བ་དག་
D3.005.0203b05.01གི་རྨི་ལམ་ན་མི་གཙང་བ་ཤོར་ཅིང་ཁུ་བ་བྱུང་བར་གྱུར་ཏེ། བདག་ཅག་ལ་འདུ་ཤེས་ཀྱང་མཆིས། སེམས་པ་ཡང་མཆིས་པས་བདག་ཅག་ལ་དགེ་འདུན་ལྷག་མའི་ལྟུང་བ་བྱུང་བར་མ་གྱུར་ཏམ། དེ་ནས་ཚེ་དང་ལྡན་པ་ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཁྲིད་དེ་བཅོམ་ལྡན་
D3.005.0203b06.01འདས་ག་ལ་བ་དེར་སོང་ནས་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་
D3.005.0203b07.01