完整藏文原文 · 德格版页 当前仅加载第 5 函德格 246a 版页；藏文 NFD、目录标记与异常页序保留在来源切片中，重复版页行以稳定序号区分。
གལ་ཏེ་མཆིས་ན་ཇི་ལྟར་བགྱི། བཟའ་བར་མི་བྱའོ། །གལ་ཏེ་གསོལ་བར་གྱུར་ན་ནོངས་པ་ཅི་མཆིས། བྲམ་ཟེ་བཅོམ་ལྡན་འདས་ཀྱིས་སྲོག་གཅོད་པ་ཀུན་ཏུ་བསྟེན་ཅིང་གོམས་པར་བྱས་ལན་མང་དུ་བྱས་པས་ལུས་ཞིག་སྟེ་ཤི་བའི་འོག་ཏུ་ངན་སོང་དང་། ངན་འགྲོ་དང་། ལོག་
D3.005.0246a01.01པར་ལྟུང་བ་དང་། སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཞིང་། གལ་ཏེ་འདི་ལྟ་བུ་ཉིད་དུ་མི་རྣམས་དང་སྐལ་བ་མཉམ་པར་འོང་ན་ཡང་ཚེ་ཐུང་བར་འགྱུར་རོ་ཞེས་གསུངས་སོ་ཞེས་བྱ་བ་ལ་སོགས་པ་མི་དགེ་བ་བཅུ་དང་། དགེ་བ་བཅུའི་ལས་ཀྱི་ལམ་དག་རྒྱས་པར་བརྗོད་པ་དང་། བྲམ་
D3.005.0246a02.01ཟེ་དེ་མངོན་པར་དད་པར་གྱུར་ནས་རང་ཉིད་ཀྱིས་བཟའ་བ་དང་། བཅའ་བ་གཙང་ཞིང་བསོད་པས་སྣོད་བཀང་སྟེ་སྨྲས་པ། འཕགས་པ་ཐུགས་བརྩེ་བའི་སླད་དུ་འདི་བཞེས་སུ་གསོལ། ཚེ་དང་ལྡན་པ་འདུན་པས་བསམས་པ། གལ་ཏེ་བླངས་པར་གྱུར་ན་འདི་ལྟ་སྟེ་དཔེར་ན་ཤིང་ལས་བྱས་
D3.005.0246a03.01པའི་སྣོད་དུ་བསྐོལ་བ་དང་འདྲ་བར་བདག་གི་དང་པོ་འདི་ཉིད་ཐ་མར་འགྱུར་རོ་སྙམ་དུ་རིག་ནས་སྨྲས་པ། བྲམ་ཟེ་ཁོ་བོས་བསོད་སྙོམས་ཀྱི་ཕྱེ་ཉུང་ཤས་ཤིག་རྙེད་པ་འདི་ཉིད་ཡོངས་སུ་ལོངས་སྤྱད་པར་བྱའི། དད་པས་སྦྱིན་པར་བྱ་བ་བླངས་ཏེ་དོར་དུ་ག་ལ་རུང་། བྲམ་ཟེས་སྨྲས་པ། འཕགས་པ་
D3.005.0246a04.01བདག་ཅག་བྲམ་ཟེ་རྣམས་ཀྱི་ཀུན་ཏུ་སྤྱོད་པ་ནི་གལ་ཏེ་ངན་པ་རྙེད་ནས་བཟང་པོ་རྙེད་པར་གྱུར་ན་ངན་པ་སྤངས་ཏེ་བཟང་པོ་ཡོངས་སུ་ལོངས་སྤྱོད་པར་བགྱིད་པ་ལགས་ན་དེ་ཁྱེད་ཅག་ལ་ཅི་ནོངས། བྲམ་ཟེ་ཁོ་བོ་ཅག་ནི་བསླབ་པའི་གཞི་ཡང་དག་པར་བླངས་པ་ཡིན་ལ། ཁྱེད་བྲམ་ཟེ་དག་ནི་བསླབ་
D3.005.0246a05.01པའི་གཞི་ཡང་དག་པར་བླངས་པ་མ་ཡིན་པས་ཁྱེད་ཅག་བྲམ་ཟེ་དག་ནི་ཅི་དགར་འཇུག་པར་བྱེད་པ་ཡིན་ནོ། །ཁོ་བོ་ཅག་ལ་ནི་བཅོམ་ལྡན་འདས་ཀྱིས་འཕགས་པའི་རིགས་བཞི་བཀའ་སྩལ་ཏེ། བཞི་གང་ཞེ་ན། ཆོས་གོས་གང་ཡང་རུང་བས་ཆོག་ཤེས་པ་འཕགས་པའི་རིགས་དང་། བསོད་
D3.005.0246a06.01སྙོམས་གང་ཡང་རུང་བས་ཆོག་ཤེས་པ་འཕགས་པའི་རིགས་དང་། གནས་མལ་གང་ཡང་རུང་བས་ཆོག་ཤེས་པ་འཕགས་པའི་རིགས་དང་། སྤོང་བ་ལ་དགའ་བ་དང་། བསྒོམ་པ་ལ་དགའ་བ་འཕགས་པའི་རིགས་སོ། །བྲམ་ཟེ་དེ་ཤིན་ཏུ་མངོན་པར་དད་པར་གྱུར་ནས་སྨྲས་པ། འཕགས་
D3.005.0246a07.01