完整藏文原文 · 德格版页 当前仅加载第 5 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་གཤེགས་སུ་གསོལ། དེས་དེའི་དང་དུ་བླངས་ནས་ཇི་ཙམ་ན་དེད་དཔོན་རྐྱལ་ཆེན་ཅན་གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་དང་། ཚོང་རྡལ་དག་ཏུ་མཐར་གྱིས་རྣམ་པར་རྒྱུ་བ་ན་རྒྱ་མཚོ་ཆེན་པོའི་འགྲམ་དུ་ཕྱིན་ནས་དེས་ལམ་
D3.005.0277a01.01གྱིས་དུབ་པ་བསལ་ཏེ་རྙིང་པ་ལྔ་བརྒྱས་གྲུ་སྦྱར་ནས་ཞོ་ཤས་འཚོ་བ་ལྔ་པོ་སྟོབས་པར་བྱེད་པ་དང་། སེལ་བར་བྱེད་པ་དང་། རྐྱལ་ཆེན་དང་། གྲུ་པ་དང་། རླུང་ཡོར་ཐོགས་པ་དག་ཁྲིད་དེ། རང་སངས་རྒྱས་དེ་ག་ལ་བ་དེར་སོང་ནས་ཕྱིན་པ་དང་། རྗེ་ས་དང་བཅས་པས་རྐང་པ་
D3.005.0277a02.01གཉིས་ལ་ཕྱག་འཚལ་ཏེ་རང་སངས་རྒྱས་ལ་འདི་སྐད་ཅེས་སྨྲས་སོ། །འཕགས་པ་བདག་ནི་རྒྱ་མཚོ་ཆེན་པོར་འཇུག་ན་ཅི་འཕགས་པ་འཇུག་གམ། དེས་སྨྲས་པ། བཞིན་{བཟངས་,བཟང་}ཁྱོད་ནི་རེ་ཞིག་ཕ་མ་དང་། བུ་དང་། ཆུང་མ་དང་། བྲན་དང་། བྲན་མོ་དང་། ལས་བྱེད་པ་དང་།
D3.005.0277a03.01ཞོ་ཤས་འཚོ་བ་དང་། དགེ་སྦྱོང་དང་། བྲམ་ཟེ་རྣམས་དང་། བཀྲེན་པ་དང་། སྡུག་ཕོངས་པའི་སྐྱེ་བོ་རྣམས་ཀྱི་དོན་དུ་རྒྱ་མཚོ་ཆེན་པོར་འཇུག་པ་ཡིན་གྱི། ཁོ་བོ་ནི་ཁྱིམ་གྱི་ལས་ཀྱི་མཐའ་སྤངས་པ། སྲིད་པ་དང་། ལོངས་སྤྱོད་ལ་མི་ཕྱོགས་པ། གཅིག་པུ་གཉིས་པ་
D3.005.0277a04.01མེད་པ་ཡིན་པས་གང་གི་དོན་དུ་རྒྱ་མཚོ་ཆེན་པོར་འཇུག །དེད་དཔོན་རྐྱལ་ཆེན་ཅན་གྱིས་བསམས་པ། བདག་གིས་འཕགས་པ་འདི་ལ་བསོད་སྙོམས་ནི་ཕུལ་ན་གོས་མ་བསྐོན་གྱིས། བདག་གིས་ད་འདི་ཟན་བྱིན་ལ་ཆེན་པོ་ལ་འོས་པའི་རས་ཡུག་ཆེན་བསྐོན་པར་བྱའོ་སྙམ་
D3.005.0277a05.01ནས་དེད་དཔོན་དེས་དེ་ཟས་བསོད་པས་ཚིམ་པར་བྱས་ནས་ཆེན་པོ་ལ་འོས་པའི་རས་ཡུག་ཆེན་བསྐོན་ནོ། །དེ་ནས་རང་སངས་རྒྱས་ཀྱིས་ཟས་ཀྱི་བྱ་བ་བྱས་ནས། དེ་ལ་སྙིང་བརྩེ་བའི་ཕྱིར་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་
D3.005.0277a06.01བ་དང་། གསལ་བ་དང་། ཆར་འབེབས་པ་དང་། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས་དེད་དཔོན་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ་རང་སངས་རྒྱས་དེའི་རྐང་པ་གཉིས་ཀྱི་དྲུང་
D3.005.0277a07.01