完整藏文原文 · 德格版页 当前仅加载第 5 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཅོམ་ལྡན་འདས་ལ་གསོལ་ནས། དེ་ནས་བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། དགེ་སློང་ཁྱོད་ཀྱིས་རེག་པ་བདག་གིར་མ་བྱས་སམ། དེས་གསོལ་པ། བཙུན་པ་བདག་གིས་རེག་པ་བདག་གིར་མ་བགྱིས་ཏེ། བདག་དང་པོ་ཉིད་ནས་
D3.005.0048a01.01འདོད་པ་ལས་འདོད་ཆགས་དང་བྲལ་བས་བདག་རེག་པ་བདག་གིར་ག་ལ་བགྱིད། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་སློང་རེག་པ་བདག་གིར་མི་བྱེད་པ་འདི་ལ་ནི་ལྟུང་བ་མེད་མོད་ཀྱི་འོན་ཀྱང་ངས་དགེ་སློང་དགོན་པ་པའི་ཀུན་དུ་སྤྱོད་
D3.005.0048a02.01པའི་ཆོས་དག་བཅའ་བར་བྱ་སྟེ། དགེ་སློང་དགོན་པ་པ་ཉིན་པར་གློས་ཕབ་སྟེ། གཉིད་ལོག་པས་ཕྱོགས་དེ་ཡལ་ག་དག་གམ། སེག་དག་གམ། རེ་ལྡེ་དག་གིས་བསྐོར་བར་བྱ་བའམ། སྲུང་མ་དགེ་སློང་གཞག་པར་བྱ་བའམ། གོས་བཅིང་བར་བྱའོ། །ཕྱོགས་དེ་ཡལ་ག་དག་
D3.005.0048a03.01གམ། སེག་དག་གམ། རེ་ལྡེ་དག་གིས་བསྐོར་བར་མི་བྱེད་དམ། སྲུང་མ་དགེ་སློང་འཇོག་པར་མི་བྱེད་དམ། གོས་འཆིང་བར་མི་བྱེད་པར་དེ་བཞིན་དུ་གློས་ཕབ་སྟེ། གཉིད་ལོག་པར་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་
D3.005.0048a04.01གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གལ་ཏེ་དགེ་སློང་འདི་རེ་ཞིག་འདོད་པ་ལས་འདོད་ཆགས་དང་བྲལ་བ་ལགས་ན་ཅིའི་སླད་དུ་དེའི་ཡན་ལག་གི་རྣམ་པ་ལས་སུ་རུང་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདོད་ཆགས་དང་མ་བྲལ་
D3.005.0048a05.01བའི་ཡན་ལག་གི་རྣམ་པ་ནི་རྒྱུ་ལྔས་ལས་སུ་རུང་བར་འགྱུར་ལ། འདོད་ཆགས་དང་བྲལ་བའི་ནི་རྒྱུ་བཞིས་སོ། །འདོད་ཆགས་དང་མ་བྲལ་བའི་རྒྱུ་ལྔ་གང་ཞེ་ན། བཤང་བས་ཉེ་བར་ནོན་པ་དང་། གཅི་བས་ཉེ་བར་ནོན་པ་དང་། རླུང་གིས་ཉེ་བར་ནོན་པ་དང་། སྲོག་ཆགས་ཨུད་ཙ་ཏིང་གས་ཟིན་པ་
D3.005.0048a06.01དང་། འདོད་པ་ལ་འདོད་ཆགས་ཀྱིས་ཀུན་ནས་དཀྲིས་པ་ཉིད་ནི་ལྔ་པ་སྟེ། འདོད་ཆགས་དང་མ་བྲལ་བའི་རྒྱུ་ལྔ་པོ་དེ་དག་གིས་སོ། །འདོད་ཆགས་དང་བྲལ་བའི་རྒྱུ་བཞི་པོ་གང་ཞེ་ན། བཤང་བས་ཉེ་བར་ནོན་པ་དང་། གཅི་བས་ཉེ་བར་ནོན་པ་དང་། རླུང་གིས་ཉེ་བར་ནོན་པ་དང་། སྲོག་ཆགས་
D3.005.0048a07.01