完整藏文原文 · 德格版页 当前仅加载第 5 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
པར་རྫས་བླང་བར་མི་བྱ་བར་ལེན་པ་ཉིད་ན་འདི་ན་ཤོ་གམ་གཞལ་དགོས་པའི་རྫས་ཅུང་ཟད་མེད་དམ་ཞེས་དྲི་བར་བྱའོ། །མ་དྲིས་པར་ལེན་ན་འགལ་ཚབས་ཅན་དུ་འགྱུར་རོ། །གཞན་ཡང་དགེ་སློང་གིས་ཤོ་གམ་གཞལ་དགོས་པའི་རྫས་ལམ་དུ་བཟླ་བར་མི་བྱའོ། །ཟླ་བར་བྱེད་ན་འགལ་
D3.005.0080b01.01ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ཤོ་གམ་གཞལ་དགོས་པའི་རྫས་ལམ་དུ་བཟླ་བར་མི་བྱའོ་ཞེས་བཀའ་སྩལ་པ་ན། དགེ་སློང་དྲུག་བཅུ་ལྗོངས་རྒྱུ་ཞིང་འདོང་བའི་ཚེ་རི་བྲགས་ཤིག་ཏུ་ཕྱིན་པ་དང་། རི་བྲགས་དེ་ན་ཁྱིམ་བདག་ཕྱུག་པ། ནོར་མང་བ། ལོངས་
D3.005.0080b02.01སྤྱོད་ཆེ་བ་ཞིག་འདུག་ཅིང་དེ་ཡང་དད་པ་དང་ལྡན་པ་ཡིན་པས་དེས་དགེ་སློང་དེ་དག་མགྲོན་དུ་བོས་ཏེ་ཟས་བྱིན་ནས་རེ་རེ་ལ་གོས་ཕྲུགས་རེ་བསྐོན་པར་བྱས་པ་དང་། དགེ་སློང་རྣམས་ཀྱིས་སྨྲས་པ། ཁྱིམ་བདག་བཅོམ་ལྡན་འདས་ཀྱིས་ཤོ་གམ་གཞལ་དགོས་པའི་རྫས་ལམ་དུ་བཟླ་བར་
D3.005.0080b03.01མི་བྱའོ་ཞེས་དགག་པ་མཛད་པས་དེའི་ཕྱིར་བདག་ཅག་གིས་ཇི་ལྟར་བླང་བར་བྱ། ཁྱིམ་བདག་དེ་ཅང་མི་སྨྲ་བར་འདུག་པ་དང་། དགེ་སློང་རྣམས་ཀྱིས་ཡོན་བཤད་པ་བྱས་ཏེ་དོང་ནས་མཐར་གྱིས་མཉན་ཡོད་དུ་ཕྱིར་ཕྱིན་པ་དང་། དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་
D3.005.0080b04.01ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། དེ་དག་གིས་སྨྲས་པ། བདེ་བར་བརྒྱུས་མོད་ཀྱི། འོན་ཀྱང་ཁྱིམ་བདག་ཅིག་གིས་བདག་ཅག་ལ་ཟན་བྱིན་ཏེ་གོས་ཕྲུགས་རེ་བསྐོན་པར་བྱས་ན། དེ་ལ་བདག་ཅག་གིས་ཁྱིམ་བདག་
D3.005.0080b05.01བཅོམ་ལྡན་འདས་ཀྱིས་དགེ་སློང་གིས་ཤོ་གམ་གཞལ་དགོས་པའི་རྫས་ལམ་དུ་བཟླ་བར་མི་བྱའོ། །ཞེས་དགག་པ་མཛད་པས་དེའི་ཕྱིར་བདག་ཅག་གིས་ཇི་ལྟར་བླང་བར་བྱ་ཞེས་མ་བླངས་སོ། །དགེ་སློང་རྣམས་ཀྱིས་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་
D3.005.0080b06.01འདས་ཀྱིས་བཀའ་སྩལ་པ། བླང་བར་བྱ་ཞིང་བླངས་ནས་རུང་བར་བྱས་ཏེ་ལམ་དུ་བཟླ་བར་བྱའོ། །དགེ་སློང་དག་ཚོན་རྩི་དང་། ཤིང་དང་། ཟངས་དང་། བུམ་པ་དག་ཚོལ་བ་ན་ལམ་གྱིས་དུབ་ཅིང་སྒྱིད་ལུག་པ་དང་དོན་མཐུན་དང་བྲལ་བར་གྱུར་ནས་དེ་དག་སེང་གེ་དག་དང་། སྟག་
D3.005.0080b07.01