完整藏文原文 · 德格版页 当前仅加载第 5 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་བུ་མོའི་འདུ་ཤེས་ཀྱིས་བསྐྱང་བར་བགྱིའོ། །ཁྱིམ་བདག་དེ་ཆུང་མ་དེས་གཡོའི་ཀུན་དུ་སྤྱོད་པས་སྨྲས་པ་ན་བུ་མོ་ཚོལ་བར་རྩོམ་མོ། །ཇི་ཙམ་ན་རི་བྲགས་ཤིག་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་
D3.005.0278b01.01བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པ་དེ་ལ་བུ་གཉིས་དང་བུ་མོ་གཅིག་བཙས་ནས་དེས་དེ་དག་བསྲིངས་ཤིང་བསྐྱེད་ནས་ཁྱིམ་བདག་དེ་དུས་ལ་བབ་བོ། །དེ་ནས་བུ་མོ་ཚོལ་བའི་ཁྱིམ་བདག་དེས་དེ་གཉིས་ལས་བུ་མོ་དེ་
D3.005.0278b02.01བསླངས་ནས་དཔལ་དང་ལྡན་པའི་ཡོ་ལང་ཆེན་པོས་བག་མར་བླངས་སོ། །ཆོས་ཉིད་ཀྱིས་ན་སར་པ་ཐམས་ཅད་ཀྱིས་རྙིང་པ་ཟིལ་གྱིས་གནོན་པ་ཡིན་པས་ཁྱིམ་བདག་དེ་བག་མ་སར་པ་དེ་ལ་ཤིན་ཏུ་ལྟོས་པ་དང་ལྡན་ཞིང་སེམས་འབྲེལ་བར་གྱུར་ཏོ། །དེ་ནས་དེའི་ཆུང་མ་སྔ་མ་དེ་ཕྲག་
D3.005.0278b03.01དོག་གི་རང་བཞིན་གྱིས་མངལ་གྱི་གནས་རྣམ་པར་དག་ཅིང་དེའི་མངལ་དུ་སེམས་ཅན་ཞུགས་པར་གྱུར་ཏོ། །དེ་ནས་དེ་མཆོག་ཏུ་དགའ་བ་སྐྱེས་ནས་ཁྱིམ་ཐབ་ལ་སྨྲས་པ། རྗེའི་སྲས་བདག་ལ་སེམས་ཅན་ཞུགས་ཀྱིས་དགྱེས་པ་སྐྱེད་ཅིག །ཁྱིམ་བདག་གིས་སྨྲས་པ། བཟང་
D3.005.0278b04.01མོ་ལེགས་ཏེ་གལ་ཏེ་ཁྱེའུར་སྐྱེ་བར་འགྱུར་ན་ཁོ་བོ་འདས་ནས་ཁྱིམ་གྱི་བདག་པོར་འགྱུར་རོ། །ཆུང་མས་སྨྲས་པ། རྗེའི་སྲས་གལ་ཏེ་ཁྱོད་ཀྱི་བག་སར་གྱི་མངལ་ན་གནས་པ་རླུགས་པར་བགྱི་བའི་ཚུལ་གྱིས་རླུགས་པར་མ་བགྱིས་ན་ཁྱེའུ་འདི་ཁྱིམ་གྱི་བདག་པོར་འགྱུར་རོ། །ཁྱིམ་བདག་
D3.005.0278b05.01གིས་སྨྲས་པ། བཟང་མོ་ཁོ་བོས་དང་པོ་དང་པོ་ཉིད་ནས་དོན་དེ་ཁྱོད་ལ་གོ་བར་མ་བྱས་སམ་ད་དུང་ཅིར་ཡང་མ་གྱུར་པ་ནས་ཁྱོད་ཀྱིས་བརྩམས་སོ། །ཆུང་མ་དེ་སྤོབས་པ་མེད་པར་གྱུར་ནས་ཅང་མི་སྨྲ་བར་འདུག་གོ། །དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་ཁྱེའུ་ཞིག་བྱུང་ནས་
D3.005.0278b06.01དེ་བཙས་པའི་བཙས་སྟོན་བྱས་ཏེ་ཁྱིམ་དང་མཐུན་པའི་མིང་བཏགས་ནས་དེ་འོ་མ་དང་། ཞོ་དང་། མར་དང་། ཞུན་མར་དང་། མར་གྱི་སྙིང་ཁུ་དང་། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་མྱུར་
D3.005.0278b07.01