完整藏文原文 · 德格版页 当前仅加载第 5 函德格 78b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་འཚལ་དུ་འགྲོ་འདོད་ཀྱིས་དེའི་ཕྱིར་བདག་ལ་བྱམས་པས་བསྐྱང་བ་གྱིས་ཤིག །ཁྱིམ་བདག་དེས་སྨྲས་པ། འཕགས་པ་བཀའ་བཞིན་འཚལ་མ་ནོངས་ཀྱིས་གཤེགས་སོ། །དགེ་སློང་དེ་དེད་དཔོན་དེ་དང་ལྷན་ཅིག་འཕགས་པ་དང་། དེད་དཔོན་དེས་སྨྲས་པ། འཕགས་པ་
D3.005.0078b01.01ཁྱེད་ནི་བསོད་སྙོམས་བཞེད་པ་ལགས་ལ་བདག་ནི་བསོད་ནམས་འཚལ་བ་ལགས་ཀྱིས། རྒྱལ་པོའི་ཁབ་ནས་མཉན་ཡོད་ཀྱི་བར་ཇི་སྲིད་པར་ཆོས་གོས་དང་། བསོད་སྙོམས་དང་། གནས་མལ་དང་། ནད་པའི་རྐྱེན་དང་། སྨན་གྱི་ཡོ་བྱད་དག་གིས་ཐུགས་ལས་ཆུང་ངུར་མཛད་དུ་
D3.005.0078b02.01གསོལ། དགེ་སློང་དེས་དང་དུ་བླངས་ནས་ཇི་ཙམ་ན་ཤོ་གམ་གྱི་གནས་ཀྱི་དྲུང་དུ་ཕྱིན་པ་དང་། དེད་དཔོན་གྱི་རྫས་ཤོ་གམ་བཅད་ནས་དེད་དཔོན་དེས་བདག་གི་རྫས་ཤོ་གམ་བཅད་ཅིང་། འཕགས་པའི་རས་ཡུག་ཆེན་ནི་ཤོ་གམ་མ་བཅད་པས་བདག་ཁོ་ནས་ཤོ་གམ་གཞལ་དགོས་པར་
D3.005.0078b03.01འགྱུར་བའི་གནས་དེ་ལྟ་བུ་ཡོད་པས་བདག་ཉིད་ཀྱི་སྣོད་དུ་གཞུག་པར་བྱའོ་སྙམ་དུ་ཤེས་ནས། དེད་དཔོན་དེས་དགེ་སློང་དེ་ལ་སྨྲས་པ། འཕགས་པ་རས་ཡུག་ཆེན་སླར་སྩོལ་ཅིག །དགེ་སློང་དེས་སྨྲས་པ། བཞིན་{བཟངས་,བཟང་}ཅི་ཟེར་ཁྱོད་འགྱོད་པ་སྐྱེས་པར་མ་གྱུར་ཏམ། དེད་
D3.005.0078b04.01དཔོན་གྱིས་སྨྲས་པ། འཕགས་པ་བདག་ལ་འགྱོད་པ་མ་མཆིས་ཏེ། འདི་ལྟར་བདག་གི་རྫས་ནི་ཤོ་གམ་བཀུམ་ལ། ཁྱོད་ཀྱི་རས་ཡུག་ཆེན་འདི་ནི་ཤོ་གམ་མ་བཀུམ་པས་གལ་ཏེ་ཤོ་གམ་པ་དག་རས་ཡུག་ཆེན་གྱི་ཤོ་གམ་འཚལ་ན་དོན་གྱིས་བདག་ཁོ་ནས་གཞལ་བར་བགྱི་བ་ལགས་
D3.005.0078b05.01པས་ཤོ་གམ་གྱི་གནས་ནས་བཟླས་ཏེ་དབུལ་བར་བགྱིའོ། །དགེ་སློང་དེས་སྨྲས་པ། བཞིན་{བཟངས་,བཟང་}བཅོམ་ལྡན་འདས་ཀྱིས་དགེ་སློང་གིས་ཤོ་གམ་གཞལ་དགོས་པའི་རྫས་ཤོ་གམ་གྱི་གནས་ནས་བཟླ་བར་མི་བྱའོ་ཞེས་བསླབ་པའི་གཞི་བཅའ་བ་མཛད་པས་བདག་ལྟུང་བ་དང་བཅས་པར་
D3.005.0078b06.01གྱུར་ན་མི་རུང་བས་མི་སྦྱིན་ནོ། །དེད་དཔོན་དེས་འཕགས་པ་དག་ནི་མི་མཐུན་པར་བྱེད་པ་ཡིན་པས་འདི་ལ་བདག་གིས་དུས་ཤེས་པར་འགྱུར་རོ་སྙམ་དུ་ཤེས་ནས་དེད་དཔོན་དེས་དགེ་སློང་དེ་ལ་སྨྲས་པ། འཕགས་པ་དེང་བདག་བྲེལ་བས་ཁྱོད་ཀྱི་བསོད་སྙོམས་འགའ་ཡང་བསྒྲུབ་པར་རྔོ་མི་
D3.005.0078b07.01