德格《甘珠尔》D3

མ་མཆིས། གྲོང་མི་ཟོང་མནོས་ཏེ་ཡུལ་གཞན་དུ་མཆི་བ་དག་ཀྱང་མ་མཆིས་ཏེ། ཁྱོད་ལྟ་བུ་དག་གི་དྲུང་ནས་གང་ཐོབ་པ་དེས་བདག་འཚོ་བར་འགྱུར་བ་ཁོ་ནར་བས་ན་ཡང་ན་ནི་ཀཱར་ཥཱ་པ་ཎ་དག་སྩོལ་ཅིག །ཡང་ན་ནི་སྐྱེས་པ་གཞན་གྱིས་སྐབས་དབྱེ་བ་མཛོད་ཅིག །མཛེས་{དགའས་,དགས་}

སྨྲས་པ། བཟང་མོ་ཁྱོད་ལ་སྡུག་པ་འགའ་ཡང་མེད་དམ། བཟང་མོས་སྨྲས་པ། རྗེའི་སྲས་ཁྱོད་ཀྱིས། ཚོགས་ཅན་རྣམས་ལ་སྡུག་པ་མེད། །དེ་དག་རང་བཞིན་རིང་མི་གནས། །བྱ་རྣམས་འབྲས་མེད་ལྗོན་པ་བཞིན། །དེ་དག་རྙིང་པ་རྣམ་པར་སྤོང་། །ཞེས་བགྱི་བ་མ་གསན་

ཏམ། མཛེས་{དགའས་,དགས་}སྨྲས་པ། བཟང་མོ་ཁྱོད་ལ་ཇི་སྲིད་དུ་ནོར་སྦྱིན་པར་བྱེད་པ་དེ་སྲིད་དུ་ཁྱོད་སྐྱེས་པའི་དབང་དུ་འགྱུར་རམ། བཟང་མོས་སྨྲས་པ། རྗེའི་སྲས་ཁྱོད་ཀྱིས། ཇི་སྲིད་བརྒྱ་བྱིན་ཆར་འབེབས་པ། །དེ་སྲིད་རི་ཀླུང་ཆུ་འབེབས་ལྟར། །ཇི་སྲིད་ནོར་ནི་སྦྱིན་བྱེད་པ། །དེ་

སྲིད་འཇུད་མཐུན་སྐྱེས་བུ་དབང་། །ཞེས་བགྱི་བ་མ་གསན་ཏམ། མཛེས་{དགའས་,དགས་}སྨྲས་པ། བཟང་མོ་ཁྱོད་སུ་ལ་ཡང་ཡིད་འབེབས་པར་མི་བྱེད་དམ། བཟང་མོས་སྨྲས་པ། རྗེའི་སྲས་ཁྱོད་ཀྱིས། འཇུད་མཐུན་དགོངས་ཀར་རང་ལུས་བཞིན། །གཅུགས་དང་གཏམ་གྱིས་

དགའ་བར་བྱེད། །དེ་ནས་ནམ་ཕྱེད་དབུས་གནས་ཤིང་། །ནམ་ནངས་ཕན་ཆད་རྩྭ་བཞིན་སྤོང་། །ཞེས་བགྱི་བ་མ་གསན་ཏམ། མཛེས་{དགའས་,དགས་}སྨྲས་པ། བཟང་མོ་ཁྱོད་ནོར་དང་བཅས་པའི་མི་དག་ལ་སྤྱོད་པར་བྱེད་དམ། བཟང་མོས་སྨྲས་པ། རྗེའི་སྲས་ཁྱོད་ཀྱིས། ནོར་

དང་བཅས་པའི་མི་དག་དང་། །ནོར་མ་སྤྱད་པ་རྣམས་ལ་ཡང་། །སར་པའི་རྩྭ་ལ་བ་ལང་བཞིན། །བདག་ཅག་རྣམས་ཀྱིས་སྤྱད་པར་བྱ། །ཞེས་བགྱི་བ་མ་གསན་ཏམ། མཛེས་{དགའས་,དགས་}འབྱུང་བར་བརྩམས་པ་དང་། བཟང་མོས་བསམས་པ། མཛེས་དགའ་འདི་ནི་

གཟུགས་བཟང་བ། བལྟ་ན་སྡུག་པ། མཛེས་པ་ཡིན་པས་ཤིན་ཏུ་ཐག་རིང་བར་སོང་ཡང་སྐྱེས་བུ་འདི་ལྟ་བུ་དང་ལྷན་ཅིག་རྩེ་བར་བྱ། དགའ་བར་བྱ། དགའ་མགུར་སྤྱད་པར་བྱ་བ་ཡིན་པས་དེའི་ཕྱིར་ཇི་སྲིད་དུ་གཞན་ཀཱར་ཥཱ་པ་ཎ་དག་ཐོགས་ཏེ་མི་འོང་བ་དེ་སྲིད་དུ་འདི་དང་ལྷན་