完整藏文原文 · 德格版页 当前仅加载第 5 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བྱུང་བ་ཡིན་གྱི་རེ་ཞིག་སངས་རྒྱས་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །
D3.005.0118a01.01མཉན་ཡོད་ན་དགེ་སློང་ཞིག་འདུག་པ་དེའི་སྣམ་སྦྱར་རྙིངས་ཤིང་དྲི་མས་གོས་ལ། རྡོལ་བར་གྱུར་ནས་དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་ཁྱོད་ཀྱི་སྣམ་སྦྱར་འདི་རྙིངས་ཤིང་དྲི་མས་གོས་ལ། རྡོལ་བར་གྱུར་ན་ཅིའི་ཕྱིར་འདི་མི་ཁྲུ། མི་འཚེམ། ཁ་
D3.005.0118a02.01སྒྱུར་བར་མི་བྱེད། དེས་སྨྲས་པ། འདི་ལ་ཟངས་དང་། ཆུ་དང་། ཤིང་དང་། སྐུད་པ་དང་། ཚོན་དང་། ཡོ་བྱད་གཞན་ཡང་མང་དུ་དགོས་སོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཅི་སྣམ་སྦྱར་མེད་པས་འགྲུབ་པར་འགྱུར་རམ། དེས་སྨྲས་པ། ཁོ་བོ་སྣམ་
D3.005.0118a03.01སྦྱར་མེད་པས་འགྲུབ་པར་མི་འགྱུར་ཏེ། འདི་ལྟར་ཁང་ཁྱིམ་ཆེ་གེ་མོ་ཞིག་ན་དགེ་སློང་ཞིག་ནད་ཀྱིས་བཏབ་ཅིང་སྡུག་བསྔལ་བ་ན་ཚབས་ཆེ་བ། ཡུན་མི་རིང་བར་དུས་བྱེད་པར་འགྱུར་བ་དེའི་སྣམ་སྦྱར་ཉི་རིམ་དམར་སེར་ཚོན་སར་པས་ཁ་བསྒྱུར་བ། ལོངས་སྤྱད་པར་བཟོད་
D3.005.0118a04.01པ་དེ་བླང་བར་བྱའོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཁྱོད་སྣམ་སྦྱར་གྱི་ཕྱིར་གདོལ་པ་དང་འདྲ་བར་དྲག་ཤུལ་གྱི་སེམས་འདི་ལྟ་བུ་བསྐྱེད་དུ་རུང་ངམ། དེ་ངོ་ཚ་བར་གྱུར་ནས་ཅང་མི་སྨྲ་བར་འདུག་གོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་
D3.005.0118a05.01འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་གིས་སྣམ་སྦྱར་གྱི་ཕྱིར་གདོལ་པ་དང་འདྲ་བར་དྲག་ཤུལ་གྱི་སེམས་དེ་ལྟ་བུ་བསྐྱེད་པར་མི་བྱའོ། །དགེ་སློང་གིས་སྣམ་སྦྱར་གྱི་ཕྱིར་གདོལ་པ་དང་
D3.005.0118a06.01འདྲ་བར་དྲག་ཤུལ་གྱི་སེམས་དེ་ལྟ་བུ་སྐྱེད་པར་བྱེད་ན་འགལ་ཚབས་ཅན་དུ་འགྱུར་རོ། །གཞན་ཡང་དགེ་སློང་གིས་སྣམ་སྦྱར་པགས་པ་བཞིན་དུ་ཡོངས་སུ་བསྐྱང་བར་བྱ་སྟེ། བཀྲུ་བར་འོས་པ་ནི་བཀྲུ་བར་བྱ། བཙེམ་པར་འོས་པ་ནི་བཙེམ་པར་བྱ། ཁ་བསྒྱུར་བར་འོས་པ་ནི་
D3.005.0118a07.01