完整藏文原文 · 德格版页 当前仅加载第 5 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
མོ། །བདག་ཅག་བཅོམ་མོ་ཞེས་ཀུ་ཅོ་འདོན་ཅིང་དེ་དག་ནོར་དང་བྲལ་བ་ལས་བྱུང་བའི་ཡིད་མི་བདེ་བ་དང་ལྡན་ཞིང་ཐམས་ཅད་འདུས་ནས་ལྷ་འབངས་ཀྱི་སྡུམ་པ་ཀུན་ཏུ་བྱུལ་བར་བརྩམས་པ་དང་། ཕྱོགས་གཅིག་ན་རྫས་ཐམས་ཅད་སྤུངས་ཏེ་བཞག་པ་མཐོང་ངོ་། །དེ་
D3.005.0104b01.01ནས་དགའ་བ་དང་ཡིད་བདེ་བ་སྐྱེས་ཏེ་རང་རང་གི་རྫས་བླངས་ནས་ཁྱིམ་ཁྱིམ་དུ་དོང་ངོ་། །དེ་དག་གིས་སོ་སོའི་ཁྱིམ་སྲུང་བ་བཞག་སྟེ། གཉིད་ལོག་པ་ན་ལྷ་དེས་དེ་དག་གི་རྨི་ལམ་དུ་སྦྲན་པ། ཤེས་ལྡན་དག་ཁྱེད་ཅག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་མ་བཅོམ་
D3.005.0104b02.01པ་འདི་དག་ཐམས་ཅད་ནི་འཕགས་པ་པི་ལིན་དའི་བུའི་མཐུ་ཡིན་ནོ། །དེ་ནས་མཚན་མོ་ནམ་ནངས་པ་དང་། ཐམས་ཅད་འདུས་ཏེ་སྨྲས་པ། ཤེས་ལྡན་དག་ལྷས་རྨི་ལམ་དུ་ཁྱེད་ཅག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་མ་བཅོམ་པ་འདི་དག་ཐམས་ཅད་ནི་འཕགས་
D3.005.0104b03.01པ་པི་ལིན་དའི་བུའི་མཐུ་ཡིན་ནོ་ཞེས་བསྟན་ཏོ། །དེ་ནི་དེ་ཁོ་ན་བཞིན་ཡིན་གྱིས་གཞན་དུ་ན་འཕགས་པ་པི་ལིན་དའི་བུ་མ་གཏོགས་པར་གཞན་སུ་ཞིག་བདག་ཅག་ལ་སྙིང་རྗེ་བར་འགྱུར། དེའི་ཚེ་དེ་དག་ཇེ་བྱི་དོར་བྱས་ལ་ཕྱིས་གཙུག་ལག་ཁང་དུ་འདོང་ངོ་ཞེས་དེ་དག་
D3.005.0104b04.01ཁྲུས་བྱས་ཤིང་གོས་དཀར་པོ་དང་། དྲི་དང་། ཕྲེང་བ་རྒྱུས་བརྒྱན་ཏེ། བྱི་དོར་བྱས་ཏེ་གཙུག་ལག་ཁང་དུ་དོང་ངོ་། །ཉེ་དགའ་ཡང་ནང་པར་སྔར་ལངས་ནས་ལྡེ་མིག་དང་ལྡེ་མིག་ཀྱོག་པོ་ཐོགས་ནས་གཙུག་ལག་ཁང་གི་སྒོ་ཕྱེ་སྟེ། མར་མེའི་ཀོང་བུ་བསལ་ནས་གཙུག་
D3.005.0104b05.01ལག་ཁང་དུ་ཆག་ཆག་དང་བྱུག་པ་བྱས་ཏེ། གནས་མལ་བཤམས་ནས་མཆོད་རྟེན་གྱི་འཁོར་སར་བདུག་སྤོས་བྲིམས་ནས་ཁང་སྟེང་དུ་འཛེགས་ཏེ། གཎྜཱི་རྡུང་ཞིང་ཕྱོགས་བཞིར་རྣམ་པར་ལྟའོ། །དེས་དེ་དག་གོས་དཀར་པོ་དང་། དྲི་དང་། ཕྲེང་བ་རྒྱུས་བརྒྱན་
D3.005.0104b06.01པ་དག་མཐོང་ནས། དེ་འདི་དག་ནོར་ཅན་དག་གམ། ཚོང་དཔོན་དག་གམ། དེད་དཔོན་གཙུག་ལག་ཁང་ལྟར་འོང་བ་སུ་ཞིག་ཡིན་སྙམ་དུ་སེམས་སོ། །གང་གི་ཚེ་མཆོད་རྟེན་གྱི་འཁོར་སར་ཞུགས་པ་དེའི་ཚེ་དེས་དེ་དག་ངོ་ཤེས་ནས་ཉེ་{དགའས་,དགས་}གཤེ་ཞིང་སྨྲས་པ།
D3.005.0104b07.01