完整藏文原文 · 德格版页 当前仅加载第 5 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
སམ་ཞེས་ཅོ་འདྲི་བར་བྱེད་ཀྱིས་དེ་དག་མི་དགའ་བར་བྱ་ཞིང་གནས་ཀྱི་ཤིང་ལྗོན་པ་དེ་གཅོད་དུ་བཅུག་སྟེ་ཕྱོགས་དེར་གཙུག་ལག་ཁང་རྩིག་ཏུ་བཅུག་ན་དེས་ན་ཕྱིན་ཆད་ཡང་དང་ཡང་དུ་ཅོ་འདྲི་བར་མི་བྱེད་དོ་ཞེས་དེ་དག་གིས་གྲོས་བྱས་ནས་ཀཱར་ཥཱ་པ་ཎ་དག་ཁྱེར་ཏེ་གླ་མིའི་
D3.005.0248a01.01སྲང་དུ་དོང་ནས་བཞིན་{བཟངས་,བཟང་}དག་གླ་སྦྱིན་གྱིས་གཙུག་ལག་ཁང་དུ་ལས་གྱིས་ཤིག་ཅེས་སྨྲས་ནས། དེ་དག་གིས་གླ་མི་དག་བསྒྲུབས་སོ། །དྲུག་སྡེ་དག་གིས་གླ་མི་དེ་དག་ཁྱེའུ་སུས་བྱིན་ཏེ་ལུས་བསྐུ་བ་དང་། མགོ་བསྐུ་བ་ཡང་བྱིན་པ་དང་། དེ་དག་མགུ་ནས་སྨྲས་པ། འཕགས་པ་
D3.005.0248a02.01དག་བཞུད་ལ་བདག་ཅག་ལ་སུག་ལས་དག་ཕོག་ཤིག །དྲུག་སྡེ་དག་གིས་སྨྲས་པ། ལས་ཀྱང་འབྱུང་བར་འགྱུར་གྱིས་རེ་ཞིག་སྡོད་ཅིག་ཅེས་དེ་དག་གིས་དེ་དག་རེ་ཞིག་བགགས་པ་དང་། ཇི་ཙམ་ན་ཉི་མ་ནུབ་ནས་དེ་དག་གིས་སྨྲས་པ། འཕགས་པ་དག་བདག་ཅག་ད་སླར་མཆི་ཡིས་
D3.005.0248a03.01དེང་གི་གླ་སྩོལ་ཅིག །དྲུག་སྡེ་དག་གིས་སྨྲས་པ། ཁྱེད་ཅག་གིས་ལས་མང་པོ་ཞིག་བྱས་པས་དེའི་ཕྱིར་གླ་དེད་དམ། དེ་དག་གིས་སྨྲས་པ། འཕགས་པ་དག་ཁྱེད་ཅག་གིས་བདག་ཅག་ལ་བཀའ་སྩལ་པ་གང་ཞིག་བདག་ཅག་གིས་མ་བགྱིས་བཞིན་{བཟངས་,བཟང་}དག་སྟ་རེ་དང་། གཞོར་
D3.005.0248a04.01དང་། གླེ་བ་དག་ལོང་ཤིག་དང་ལས་བྱེད་དུ་འདོང་ངོ་། །གླ་མི་དེ་དག་དྲུག་སྡེ་དག་དང་ལྷན་ཅིག་སྟ་རེ་དང་། གཞོར་དང་། གླེ་བ་དག་ཐོགས་ཏེ། མིག་ལམ་ཆད་པ་དང་གནས་ཀྱི་ཤིང་ལྗོན་པ་དེའི་གན་དུ་སོང་ནས་དྲུག་སྡེ་དག་གིས་སྨྲས་པ། ཤེས་ལྡན་དག་གནས་ཀྱི་ཤིང་ལྗོན་པ་འདི་
D3.005.0248a05.01ཆོད་ཅིག །དེ་དག་གིས་སྨྲས་པ། འཕགས་པ་དག་འདི་ནི་གནས་ཀྱི་ཤིང་ལྗོན་པ་ལགས་པས། ཅིག་བདག་ཅག་ལ་མགོ་བོ་གཉིས་མཆིས་སམ་མི་གཅོད་དོ། །བཀྲེན་པ་དག་ས་གཞི་ནི་རྒྱལ་པོ་དབང་བས་དེས་ཁོ་བོ་ཅག་ལ་རྒྱལ་པོའི་ཕོ་བྲང་འབའ་ཞིག་མ་གཏོགས་པ་གང་དུ་འདོད་
D3.005.0248a06.01པ་དེར་གཙུག་ལག་ཁང་རྩིག་ཏུ་ཆུག་ཅེས་དམ་པ་བྱིན་པས་སུ་ཞིག་ཁྱོད་ཀྱི་མགོ་གཅོད་པར་བྱེད་བག་ཚ་བ་མེད་པར་ཆོད་ཅིག །དེ་དག་གིས་གནས་ཀྱི་ཤིང་ལྗོན་པ་དེ་བཅད་ནས་ཤིང་དེ་ཐམས་ཅད་ཀྱང་རྩ་བ་ནས་ཕྱུང་། ས་ཕྱོགས་དེ་ཡང་ཅི་ནས་ཀྱང་གནས་ཀྱི་ཤིང་ལྗོན་པ་དེ་ཕྱོགས་གང་
D3.005.0248a07.01