完整藏文原文 · 德格版页 当前仅加载第 5 函德格 168a 版页；藏文 NFD、目录标记与异常页序保留在来源切片中，重复版页行以稳定序号区分。
ཤེད་བུ་དེས་བྲམ་ཟེ་དེའི་དྲུང་དུ་རིག་བྱེད་བཀླག་པར་བྱ་བར་བརྩམས་སོ། །ཤེད་བུ་རྣམས་ཀྱི་ཀུན་ཏུ་སྤྱོད་པ་ནི་འདི་ཡིན་ཏེ། གང་གི་ཚེ་མི་ཀློག་པར་གྱུར་པ་དེའི་ཚེ་ན་ལན་འགའ་ནི་ཆུ་ངོགས་སུ་ཉེ་རེག་བྱེད་དུ་འདོང་ངོ་། །ལན་འགའ་ནི་གྲོང་ཁྱེར་ལྟར་འདོང་ངོ་། །ལན་འགའ་
D3.005.0168a01.01ནི་ཡམ་སྲེག་ཤིང་ཐུར་འདོང་ངོ་། །ཇི་ཙམ་དུས་གཞན་ཞིག་ན་དེ་དག་མི་ཀློག་པར་གྱུར་ནས་དེའི་ཚེ་དེ་དག་ཡམ་སྲེག་ཤིང་ཐུར་དོང་བ་དང་། དེ་དག་ལ་ལམ་གྱི་བར་དུ་བར་སྐབས་ཀྱི་གཏམ་རྗོད་པ་འདི་ལྟ་བུ་འདི་བྱུང་སྟེ། ཀྱེ་ཀུད་སའི་རིགས་དག །བད་སའི་རིགས་དག །ཤན་དི་ལའི་རིགས་
D3.005.0168a02.01དག །བར་དྭ་ཛའི་རིགས་དག །ལྔ་པའི་རིགས་དག །ཉེ་ལྔའི་རིགས་དག་ཇེ་ཁྱེད་ཅག་ལས་གང་ནི་ཡུལ་ག་ལས་འོངས་པ་དྲི་བར་བྱའོ། །དེ་ན་ཤེད་བུ་གཅིག་གིས་སྨྲས་པ། ཁོ་བོ་ནི་ཡུལ་ཤར་ནས་སོ། །གཞན་ཞིག་གིས་སྨྲས་པ། ཁོ་བོ་ནི་ལྷོ་ལམ་ནས་སོ། །ཡང་གཞན་ཞིག་གིས་
D3.005.0168a03.01སྨྲས་པ། ཁོ་བོ་ནི་ནུབ་ཀྱི་ས་ནས་སོ། །ཡང་གཞན་ཞིག་གིས་སྨྲས་པ། ཁོ་བོ་ནི་བྱང་ལམ་ནས་སོ། །ཤེད་བུ་དེས་སྨྲས་པ། ཁོ་བོ་ནི་ཡུལ་དབུས་ནས་སོ། །དེ་དག་གིས་སྨྲས་པ། ཤེས་ལྡན་དག་བདག་ཅག་གིས་ཡུལ་ཐམས་ཅད་མཐོང་ཞིང་ཐོས་ན་ཡུལ་དབུས་ནི་མ་མཐོང་མ་ཐོས་སོ། །ཤར་
D3.005.0168a04.01ན་བློ་ཅན་གནས་པ་སྟེ། །ལྷོ་ལམ་ན་ནི་ཡོན་བྱེད་འདུག །ནུབ་ཀྱི་ཡུལ་ན་ཕྲ་མ་ཅན། །བྱང་ལམ་ན་ནི་ཚིག་རྩུབ་བོ། །ཞེས་ཚིགས་སུ་བཅད་པ་ཡང་སྨྲས་སོ། །དེ་ནས་དྲིས་པ། ཤེད་བུ་ཡུལ་དབུས་ཅི་འདྲ། ཤེས་ལྡན་དག་ཡུལ་དབུས་ནི་ཡུལ་རྣམས་ཀྱི་མཆོག་ཡིན་ཏེ། སཱ་ལུ་དང་། བུ་རམ་ཤིང་གི་ཕྲེང་བ་དང་བ་ལང་
D3.005.0168a05.01དང་། མ་ཧེ་ཕུན་སུམ་ཚོགས་པ། སློང་མོ་བ་བརྒྱས་ཁྱབ་པ། དབུས་པའི་སྐྱེ་བོས་གང་བ་མཐའ་འཁོབ་པའི་སྐྱེ་བོས་སྤངས་པ། སྐྱེ་བོ་མཁས་པས་བསྟེན་པ། དེ་ན་ཆུ་ཀླུང་གང་གཱ་ཁ་རྗེ་དང་། བསོད་ནམས་དང་། བཀྲ་ཤིས་དང་། གཙང་བ་དང་། གཙང་བ་ཉིད་ཀྱི་གནས་སུ་གྲགས་པ། འགྲམ་
D3.005.0168a06.01གཉིས་ནས་རླན་འཕྱོ་བ། དྲང་སྲོང་རྣམས་ཀྱི་བསྟི་གནས་ཞེས་བྱ་བ་ཆུ་དགུར་{བཅྭ་,བཅོ་}བརྒྱད་འབབ་པ་ཡོད་དེ། དེར་དྲང་སྲོང་རྣམས་ཀྱིས་དཀའ་ཐུབ་སྤྱད་ན་རང་གི་ལུས་ཉིད་ཀྱིས་མཐོ་རིས་སུ་འདོང་བ་ཡིན་ནོ། །ཀྱེ་ཤེད་བུ་དེ་ནི་མཇལ་གྱིས་གཞན་འདི་དྲིའོ། །ཡུལ་དབུས་ན་མཁས་པར་
D3.005.0168a07.01