完整藏文原文 · 德格版页 当前仅加载第 5 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་སུ་ལ་མངོན་པར་དད་སྙམ་དུ་རྣམ་པར་དཔྱད་པར་བརྩམས་པ་དང་། དེ་འདི་སྙམ་དུ་སེམས་ཏེ། རེ་ཞིག་འཇིག་རྟེན་ལྷ་དང་བཅས་པ་ན་བཅོམ་ལྡན་འདས་ལ་མངོན་པར་དད་པ་ཡིན། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ཀུན་ཤེས་ཀཽཎྜི་ནྱ་ལ། ཁྱིམ་ཆེ་གེ་མོ་ཞིག་ནི་ཚེ་
D3.005.0245a01.01དང་ལྡན་པ་འོད་སྲུང་ཆེན་པོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ཤཱ་རིའི་བུ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་མ་འགགས་པ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་རྟ་ཐུལ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་
D3.005.0245a02.01པ་བཟང་ལྡན་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་རླངས་པ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་མིང་ཆེན་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་གང་པོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་དྲི་མ་མེད་པ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་བ་ལང་བདག་ལ། ཁྱིམ་
D3.005.0245a03.01ཆེ་གེ་མོ་ཞིག་ནི་ཚེ་དང་ལྡན་པ་ཀུན་དགའ་བོ་ལ། ཁྱིམ་ཆེ་གེ་མོ་ཞིག་ནི་བཅོམ་ལྡན་འདས་ཀྱི་གཅུང་སྲུའི་སྲས་ཚེ་དང་ལྡན་པ་མཛེས་དགའ་ལ། ཁྱིམ་ཆེ་གེ་མོ་ཞིག་ནི་བཅོམ་ལྡན་འདས་ཀྱི་སྲས་ཚེ་དང་ལྡན་པ་སྒྲ་ཅན་ཟིན་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་གྱད་བུ་ནོར་ལ། ཁྱིམ་ཆེ་
D3.005.0245a04.01གེ་མོ་ཞིག་ནི་ཚེ་དང་ལྡན་པ་དགའ་བོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ཉེ་དགའ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་འགྲོ་མགྱོགས་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་འཆར་ཀ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ནབ་སོ་ལ་མངོན་པར་དད་པ་ཡིན་པས་དེའི་ཕྱིར་དེ་
D3.005.0245a05.01དག་སྦྱོར་དུ་གཞུག་ཏུ་མི་ནུས་ཀྱིས། འདི་ལྟར་ཀཽ་ཤཱམྦཱི་ན་བྲམ་ཟེ་ཕྱུག་པ། ནོར་མང་བ་ལོངས་སྤྱོད་ཆེ་བ་ཡོངས་སུ་གཟུང་བ་ཡངས་ཤིང་རྒྱ་ཆེ་བ་ཞིག་འདུག་ན་དེ་ནི་སེར་སྣ་ཅན་མིག་ཕྲ་བ། བྱ་རོག་ལ་ཡང་གཏོར་མ་མི་སྟེར་བ། ཡོ་བྱད་ཀུན་འཛིན་པ་ཡིན་ལ། དེ་ལ་དབྱིག་དང་། གསེར་
D3.005.0245a06.01མང་པོ་བདོག་པས་གལ་ཏེ་དེ་རྗེས་སུ་འཇུག་པར་བྱེད་ནུས་ན་དགེ་འདུན་གྱི་གཙུག་ལག་ཁང་འགྲུབ་པར་འགྱུར་རོ་སྙམ་ནས། དེ་དེ་ལྟར་སེམས་པ་ལ་ཞུགས་པས། ཚེགས་ཆེན་པོས་ནམ་ནངས་པར་བྱས་ནས། སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ། ཀཽ་ཤཱམྦཱིར་བསོད་
D3.005.0245a07.01