完整藏文原文 · 德格版页 当前仅加载第 5 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་ནོར་ཅན་ལན་གཉིས་ལན་གསུམ་དུ་རྒྱལ་པོའི་ཁབ་ཏུ་སྤྱོད་ཡུལ་དུ་ཞུགས་པ་དང་། རྒྱལ་པོའི་ཁབ་ཀྱི་མི་བ་ལང་རྫི་དག་དང་། ཕྱུགས་རྫི་དག་དང་། རྩྭ་ཐུན་དག་དང་། ཤིང་ཐུན་དག་དང་། ལམ་གྱིས་འཚོ་བ་དག་དང་། ལམ་གོལ་བས་འཚོ་བའི་མི་དག་
D3.005.0052a01.01གིས་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩྭ་དང་། ཤིང་ཐམས་ཅད་ཀྱང་ཁྱེར་རོ། །དེའི་འོག་ཏུ་སྔོན་རྫ་མཁན་དགེ་སློང་ནོར་ཅན་འོངས་པ་དང་། སྔོན་རྫ་མཁན་དགེ་སློང་ནོར་ཅན་གྱིས་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩྭ་དང་། ཤིང་ཐམས་ཅད་ཀྱང་ཁྱེར་བ་མཐོང་ངོ་། །
D3.005.0052a02.01དེ་ནས་སྔོན་རྫ་མཁན་དགེ་སློང་ནོར་ཅན་འདི་སྙམ་དུ་སེམས་ཏེ། འདི་ལྟར་བདག་རྒྱལ་པོའི་ཁབ་ཏུ་སྤྱོད་ཡུལ་དུ་ཞུགས་པ་དང་རྒྱལ་པོའི་ཁབ་ཀྱི་མི་བ་ལང་རྫི་དག་དང་། ཕྱུགས་རྫི་དག་དང་། རྩྭ་ཐུན་དག་དང་། ཤིང་ཐུན་དག་དང་། ལམ་གྱིས་འཚོ་བ་དག་དང་། ལམ་གོལ་བས་འཚོ་
D3.005.0052a03.01བའི་མི་དག་གིས་ལན་གསུམ་གྱི་བར་དུ་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩྭ་དང་། ཤིང་ཐམས་ཅད་ཀྱང་ཁྱེར་བ་ནི་ཀྱེ་མའོ་སྡུག་བསྔལ། ཀྱེ་མའོ་མི་བཟད་དེ། བདག་ཕའི་བཟོའི་གནས་དང་། ལས་ཀྱི་གནས་ལ་མཁས་ཀྱིས་བདག་གིས་གནས་ཁང་ཐམས་ཅད་ས་ལས་བྱས་པ་
D3.005.0052a04.01ཞིག་བྱའོ་སྙམ་མོ། །དེ་ནས་སྔོན་རྫ་མཁན་དགེ་སློང་ནོར་ཅན་གྱིས་ལུས་ཀྱིས་ས་དག་བསྐྱས་ཤིང་བསྐྱས་ཤིང་སྲོག་ཆགས་མེད་པའི་ཆུས་སྦངས་ཏེ། དེ་གནས་ཁང་གི་གཞིའི་རྨང་དང་། ཐོག་དང་། ཀ་བ་དང་། སྟེང་རིམ་རྩིག་པར་བྱེད་ཅིང་། ཆོས་གོས་ཀྱི་གདང་ཁུང་དང་། ཆོས་གོས་ཀྱི་
D3.005.0052a05.01གདང་དང་། སྟེགས་དང་། ཁྲི་དང་། ཁྲིའུ་དང་། ཨན་ཁྲིའུ་དང་། སྒོ་སྐྱེས་དག་ཀྱང་བྱེད་དོ་དེ་སྐམས་པར་རིག་ནས་ཁ་དོག་ཅན་གྱིས་སྐུད་པར་བྱེད་ཅིང་ཁ་དོག་ཅན་གྱིས་བསྐུས་ནས་ཤིང་དང་། ལྕི་བ་དང་། རྩྭ་སྐམ་པོ་དག་བཅེར་ཏེ་སོ་གཏོང་བར་བྱེད་དོ། །དེའི་གནས་ཁང་དེ་ཚོས་པ་ཤིན་ཏུ་
D3.005.0052a06.01ཚོས་པ། གྲུབ་པ་མཆོག་ཏུ་གྲུབ་པ། དམར་བ། མདོག་དམར་བ། འོད་དམར་བ་འདི་ལྟ་སྟེ། དཔེར་ན་མེ་ཏོག་བན་དྷུ་ཛི་བ་ཀ་འདྲའོ། །དེ་ནས་སྔོན་རྫ་མཁན་དགེ་སློང་ནོར་ཅན་འདི་སྙམ་དུ་སེམས་ཏེ། བདག་གི་གནས་ཁང་ཚོས་པ་ཤིན་ཏུ་ཚོས་པ། གྲུབ་པ་མཆོག་ཏུ་གྲུབ་པ། དམར་བ།
D3.005.0052a07.01