完整藏文原文 · 德格版页 当前仅加载第 5 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཅུང་ཟད་བལྟ་བ་དང་། རྣམ་པར་བལྟ་བ་དང་། བསྐུམ་པ་དང་། བརྐྱང་བ་དང་། སྣམ་སྦྱར་དང་། ཆོས་གོས་དང་། ལྷུང་བཟེད་ཐོགས་པ་མཛེས་པས་སྡིག་བྱུང་ན་བསོད་སྙོམས་ལ་རྒྱུ་བ་ཐག་རིང་པོ་ཁོ་ན་ནས་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ།
D3.005.0262a01.01སྡིག་བྱུང་འདིར་རབ་ཏུ་བྱུང་བ་ཇི་སྙེད་ཅིག་ལྷགས་ཤིང་གནས་པ་དག་ལས་འདི་ལྟ་སྟེ། རབ་ཏུ་བྱུང་བ་འདིའི་སྤྱོད་ལམ་ལྟ་བུ་ནི་བདག་གིས་སྔོན་ཆད་འགའ་ཡང་མ་མཐོང་ངོ་སྙམ་ནས། ཡང་འདི་སྙམ་དུ་སེམས་ཏེ། རབ་ཏུ་བྱུང་བ་དག་ལ་ནི་གང་དག་གྲོང་དུ་སྤྱོད་ལམ་འཆོས་ལ་དགོན་
D3.005.0262a02.01པར་ཅི་དགར་སྤྱོད་པ་དག་ཀྱང་ཡོད་པས་བདག་གིས་དགོན་པར་འདིའི་སྤྱོད་ལམ་བརྟག་པར་བྱའོ་སྙམ་དུ་རིག་ནས་མི་ཞིག་ལ་སྨྲས་པ། ཀྭའི་ནང་རྗེ་ཚུར་ཤོག་རབ་ཏུ་བྱུང་བ་འདིའི་ཕྱི་བཞིན་ཕྱི་བཞིན་དུ་རྗེས་སུ་སོང་ལ་འདི་ཇི་ལྟར་གྲོང་དུ་སྤྱོད་ལམ་ཞི་བ་ལྟར་དགོན་པར་ཡང་དེ་བཞིན་ནམ།
D3.005.0262a03.01འོན་ཏེ་མ་ཡིན་པ་རྟོགས་ཤིག །མི་དེས་གཞོན་ནུ་བཀའ་བཞིན་འཚལ་ཞེས་གྱད་བུ་ནོར་ལས་མཉན་ནས་ཚེ་དང་ལྡན་པ་རྟ་ཐུལ་གྱི་ཕྱི་བཞིན་ཕྱི་བཞིན་རྗེས་སུ་སོང་ངོ་། །དེ་ནས་ཚེ་དང་ལྡན་པ་རྟ་ཐུལ་སྡིག་བྱུང་དུ་བསོད་སྙོམས་བརྒྱུས་ནས། པད་པའི་ནགས་ཁྲོད་ག་ལ་བ་དེར་སོང་སྟེ་ཕྱིན་
D3.005.0262a04.01པ་དང་། ལྷུང་བཟེད་དང་། ཆུ་ཚགས་མཐའ་གཅིག་ཏུ་བཞག་ནས་སྣམ་སྦྱར་སྤྲུགས་ཏེ་རྐང་པ་གཉིས་བཀྲུས་ནས་ལག་པ་གཉིས་བསྙལ་ཏེ་ཆུ་བཙགས་ནས་ལོ་མ་ལྷགས་པ་དག་བླངས་ཏེ་འདུག་ནས་ཟས་ཀྱི་བྱ་བ་བྱས་ཏེ་ལོ་མ་ལྷགས་པ་དག་བོར་ནས། ལག་པ་གཉིས་བསྙལ་
D3.005.0262a05.01ཏེ་ལྷུང་བཟེད་དང་ཆུ་ཚགས་མཐའ་གཅིག་ཏུ་བཞག་ནས་རྐང་པ་གཉིས་བཀྲུས་ཏེ་ཤིང་ལྗོན་པ་ཞིག་གི་དྲུང་དུ་བརྟེན་ནས། བྲང་འགྲོའི་རྒྱལ་པོ་ཉལ་བའི་ལུས་བསྐྱིལ་པ་ལྟར་སྐྱིལ་མོ་ཀྲུང་བཅས་ཏེ་སྤྱོད་ལམ་ཞི་བས་འདུག་གོ། །དེ་ནས་མི་དེ་ཚེ་དང་ལྡན་པ་རྟ་ཐུལ་གྱི་སྤྱོད་ལམ་ཞི་བས་
D3.005.0262a06.01ལྷ་དང་མིའི་སེམས་སྡུད་པར་བྱེད་པས་ཡིད་བསྡུས་ནས་གྱད་བུ་ནོར་ག་ལ་བ་དེར་སོང་སྟེ་ཕྱིན་ནས་གྱད་བུ་ནོར་ལ་འདི་སྐད་ཅེས་སྨྲས་སོ། །གཞོན་ནུ་མཁྱེན་པར་མཛོད་ཅིག །ཁྱོད་ཀྱིས་རབ་ཏུ་བྱུང་བ་དེ་སྤྱོད་ལམ་ཇི་ལྟ་བུས་གྲོང་དུ་བསོད་སྙོམས་རྒྱུ་བ་གཟིགས་པ་དེ་བས་བརྒྱ་སྟོང་གིས་
D3.005.0262a07.01