完整藏文原文 · 德格版页 当前仅加载第 5 函德格 248b 版页；藏文 NFD、目录标记与异常页序保留在来源切片中，重复版页行以稳定序号区分。
ན་འདུག་འདུག་པར་གྱུར་ཅེས་བྱ་བར་མི་ཤེས་པ་དེ་ལྟར་མཉམ་པར་བྱས་སོ། །དྲུག་སྡེ་དག་གིས་ཕྱོགས་དེར་མིག་གིས་བརྟག་པར་བརྩམས་ཏེ། དགའ་བོ་ཉེ་དགའ་ཕྱོགས་འདིར་ནི་བཅོམ་ལྡན་འདས་ཀྱི་དྲི་གཙང་ཁང་བརྩིག་པར་བྱའོ། །ཕྱོགས་འདིར་ནི་སྒོ་ཁང་བྱའོ། །ཕྱོགས་
D3.005.0248b01.01འདིར་ནི་མེ་ཁང་བྱའོ། །ཕྱོགས་འདིར་ནི་རུང་བའི་ཁང་པ་བྱའོ། །ཕྱོགས་འདིར་ནི་ཉེ་བར་གནས་པའི་ཁང་པ་བྱའོ། །ཞེས་མཚན་མ་བྱས་ཏེ་དོང་ངོ་། །བྲམ་ཟེའི་ཁྱེའུ་དེ་དག་གི་ཀུན་ཏུ་སྤྱོད་པ་ནི་རེས་ཀྱིས་རེས་ཀྱིས་གནས་ཀྱི་ཤིང་ལྗོན་པ་དེའི་དྲུང་དུ་ཆག་ཆག་འདེབས་པར་བྱེད། ལེགས་
D3.005.0248b02.01པར་སྐུད་པར་བྱེད། བ་ལང་གི་ལྕི་བ་སར་པའི་བྱུག་པས་ཉུག་པར་བྱེད་པས་ཇི་ཙམ་ན་བྲམ་ཟེའི་ཁྱེའུ་ཞིག་ལ་རེས་བབ་ནས་དེ་ནང་པར་སྔར་ལངས་ཏེ་སོང་བ་དང་། དེས་གནས་ཀྱི་ཤིང་ལྗོན་པ་དེ་མ་མཐོང་ནས་དེ་མཁན་པོའི་གན་དུ་འོངས་ནས་སྨྲས་པ། མཁན་པོ་གནས་ཀྱི་ཤིང་ལྗོན་པ་དེ་
D3.005.0248b03.01མ་མཆིས་སོ། །བྲམ་ཟེས་སྨྲས་པ། ཀྭའི་བྲམ་ཟེའི་ཁྱེའུ་ཅི་ལོག་པར་མ་སོང་ངམ། མཚན་མོ་གཞན་གྱིས་ཤིང་ལྗོན་པ་དེ་གར་སོང་། བྲམ་ཟེའི་ཁྱེའུ་གཞན་ཞིག་ཀྱང་དེ་དང་ལྷན་ཅིག་གད་མོས་འདེབས་ཤིང་དེས་སྨྲས་པ། མཁན་པོ་བྲམ་ཟེའི་ཁྱེའུ་འདིས་མདང་སུམ་འབྲས་བུའི་རྩབས་
D3.005.0248b04.01འཚལ་བས་དེས་ན་མ་མཐོང་ངོ་ཞེས་མཆིའོ། །བྲམ་ཟེས་བྲམ་ཟེའི་ཁྱེའུ་ཆེས་སྒྲིན་པ་གཞན་ཞིག་བཏང་ན། དེས་ཀྱང་དེ་ཁོ་ན་བཞིན་དུ་མ་མཐོང་ནས། དེ་ཡང་འོངས་ཏེ་སྨྲས་པ། མཁན་པོ་དེ་དེ་བཞིན་ཏེ་གནས་ཀྱི་ཤིང་ལྗོན་པ་དེ་ཡེ་མ་མཆིས་སོ། །དེ་ནས་ཐམས་ཅད་འདུས་ཏེ་དོང་
D3.005.0248b05.01བ་དང་། དེ་དག་གིས་དེ་ཁོ་ན་བཞིན་དུ་མ་མཐོང་ནས། བྲམ་ཟེའི་ཁྱེའུ་དྲན་པ་དང་ལྡན་པ་ཞིག་ཡོད་པ་དེ་ན་རེ་ཕྱོགས་འདི་ན་ནི་མཁན་པོ་གསང་ཚིག་འདོན་པར་མཛད་མཛད་དོ། །ཕྱོགས་འདི་ན་ནི་བདག་སྤྱོད་སྤྱོད་ན་དེ་ཅི་ནོངས་ཇི་ལྟར་གྱུར་པ་མ་འཚལ་ཏོ་ཞེས་ཟེར་རོ། །དེ་དག་དེ་
D3.005.0248b06.01ལྟར་སེམས་ཁོང་དུ་ཆུད་ཅིང་འདུག་པ་ན་མི་ཞིག་འོངས་ནས་དེས་སྨྲས་པ། བྲམ་ཟེ་ཅིའི་ཕྱིར་འཁོར་དང་བཅས་པ་དེ་ལྟར་སེམས་ཁོང་དུ་ཆུད་ཅིང་འཁོད། ཀྱེ་ནང་པོ་ཕྱོགས་འདི་ན་གནས་ཀྱི་ཤིང་ལྗོན་པ་ཞིག་འདུག་པར་གྱུར་པ་དེ་མཚན་མོ་གཞན་གྱིས་གར་སོང་མ་ཤེས་སོ། །བྲམ་ཟེ་
D3.005.0248b07.01