完整藏文原文 · 德格版页 当前仅加载第 5 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
འཇམ་ཞིང་མུ་གཅིག་པ་ཡིན་ན་ཕྱོགས་གཅིག་པར་བརྗོད་པར་བྱའོ། །གལ་ཏེ་གྱོང་གྲུགས་སམ། གས་པའམ། མཚམས་ཅན་ནམ། ཡི་གེ་བྲིས་པའམ། ཚོན་སྣ་ཚོགས་བཀྲ་བ་ཡིན་ན་ཕྱོགས་ཐ་དད་པར་བརྗོད་པར་བྱའོ། །རྡོ་ལ་ཇི་ལྟ་བ་བཞིན་དུ་
D3.005.0066a01.01སྤང་ལེབ་དང་། རྩིག་རྨང་དང་། རྩིག་པ་དང་། སྟེང་དང་། གཡོགས་མ་དང་། རིམ་པ་དང་། ཆོས་གོས་ཀྱི་གདང་ཁུང་དང་། ཆོས་གོས་ཀྱི་གདང་དང་། ཟུང་དང་། ལྕགས་སྒྱེད་དང་། ཁྲི་དང་། ཁྲིའུ་དང་། ཨན་ཁྲིའུ་དང་། སྒོ་སྐྱེས་དང་། ཤིང་ལྗོན་པ་གསུམ་པོ་མེ་ཏོག་
D3.005.0066a02.01གི་ཤིང་ལྗོན་པ་དང་། འབྲས་བུའི་ཤིང་ལྗོན་པ་དང་། བདུག་པའི་ཤིང་ལྗོན་པ་ལ་ཡང་དེ་བཞིན་ཏེ། དགེ་སློང་གིས་མེ་ཏོག་གི་ཤིང་ལྗོན་པ་ཕྱུང་སྟེ་རྐུ་ན་མེ་ཏོག་གི་ཤིང་ལྗོན་པའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་
D3.005.0066a03.01འགྱུར་རོ། །མེ་ཏོག་གི་ཤིང་ལྗོན་པ་ལ་ཇི་ལྟ་བ་བཞིན་དུ་འབྲས་བུའི་ཤིང་ལྗོན་པ་དང་། བདུག་པའི་ཤིང་ལྗོན་པ་ལ་ཡང་དེ་བཞིན་ནོ།། །།སྡོམ་ལ། བཞོན་དང་སྲང་གི་ཁང་པ་དང་། །གླང་ཆེན་བཞོན་དང་རྟ་བཞོན་དང་། །ཤིང་རྟའི་བཞོན་དང་རྐང་འགྲོ་དང་། །ཟུང་
D3.005.0066a04.01ཁྱོགས་བཞོན་དང་ཤིང་རྟ་དང་། །ཁྱོགས་སྤྱིལ་བྱིས་པའི་བཞོན་པ་ཡིན། །འདི་ལྟར་མི་རྣམས་ཀྱི་ཡོ་བྱད་ལྕི་བ་འདི་ལྟ་སྟེ། མགུལ་གདུབ་དག་དང་། གདུ་བུ་རྒྱན་ཅན་དག་དང་། དཔུང་རྒྱན་དག་དང་། དོ་ཤལ་དག་དང་། སེ་མོ་དོ་དག་དང་། མུ་ཏིག་གི་ཆུན་པོ་དག་བཞོན་པའི་
D3.005.0066a05.01སྟེང་ན་འདུག་པ་ལ་དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། བཞོན་པ་ལ་ཞོན་པར་བྱེད་ཅིང་ཇི་སྲིད་དུ་ནོམ་པར་མི་བྱེད། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད། ཉུག་པར་བྱེད་ཅིང་ཇི་སྲིད་དུ་
D3.005.0066a06.01གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་
D3.005.0066a07.01