完整藏文原文 · 德格版页 当前仅加载第 5 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་དོ། །གཞན་ཡང་མིའི་སྐྱེ་དགུ་རྣམས་ལ་ཁྱེའུའམ། བུ་མོ་བཙས་པར་ཟད་ཀྱི། གཞན་མཚན་ཅི་ཞིག་ཏུ་འགྱུར། ཅི་ཁྱི་ཞིག་གམ། འོན་ཏེ་སྤྲེའུ་ཞིག་ཏུ་འགྱུར་སྙམ་མམ། དེ་དག་སྤོབས་པ་མེད་པར་གྱུར་ཏེ། ཅང་མི་སྨྲ་བར་འཁོད་པ་དང་། དྲུག་སྡེ་དག་
D3.005.0198a01.01གིས་སྨྲས་པ། དགའ་བོ་ཉེ་དགའ་དེ་དག་ལ་གོ་བར་བྱས་ཟིན་མོད་ཀྱི་དོན་ཉུང་ངུ་དེ་ལ་ལྟུང་བ་བྱུང་གིས་ཚུར་ཤེག །དེའི་གན་དུ་འདོང་ལ་འཆགས་སུ་གཞུག་གོ། །ཞེས་དེ་དག་ཟས་ཀྱི་བྱ་བ་བྱས་ནས་ཕྱག་འཚལ་ཏེ་ཚེ་དང་ལྡན་པ་མཽད་གལ་གྱི་བུ་ཆེན་པོ་ག་ལ་བ་དེར་དོང་ནས་ཕྱིན་པ་
D3.005.0198a02.01དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །གནས་བརྟན་ཕྱག་འཚལ་ལོ། །ཚེ་དང་ལྡན་པ་དག་ཨ་རོག་གྱ་ནད་མེད་པར་གྱུར་ཅིག །གནས་བརྟན་ཇེ་སྐབས་ཕྱེ་ཤིག །ཚེ་དང་ལྡན་པ་དག་ལྟུང་བ་སྡེ་ལྔ་པོ་དག་ལ་སྐབས་ཕྱེའོ། །གནས་བརྟན་གྱིས་ཅི་
D3.005.0198a03.01གཅེར་བུ་པའི་ཉན་ཐོས་ཀྱི་ཆུང་མའི་མངལ་ན་ཁྱེའུ་ཡོད་དོ་ཞེས་ལུང་བསྟན་ཏམ། ལུང་བསྟན་ཏོ། །བཞུད་ཅིག་དང་དགའ་བ་འཕེལ་བ་ཉམས་སུ་མྱོང་ཞིང་འབྲུ་མར་དང་བུ་རམ་ཡང་ཐོབ་པར་འགྱུར་རོ། །ཁྱོད་ལྷུང་བཟེད་ནག་པོས་འཚོ་བར་མི་བྱེད་པས་དེས་ན་ཀུན་ཤེས་པ་བརྡ་སྤྲོད་པར་བྱེད་ཅིང་
D3.005.0198a04.01དེ་ཡང་འབྲས་བུ་མེད་པར་གྱུར་ཏེ། ཁྱོད་ཀྱིས་སྤྱོད་ཡུལ་བསྲེགས་པས་ཁོ་བོ་ཅག་གིས་བསོད་སྙོམས་ཀྱང་མི་ཐོབ་ཀྱིས་ཁྱོད་ལ་ལྟུང་བ་བྱུང་བ་དེ་ཆོས་བཞིན་དུ་སླར་མཛོད་ཅིག །ཚེ་དང་ལྡན་པ་དག་ལྟུང་བ་མ་མཐོང་ངོ་། །དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་
D3.005.0198a05.01ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ་ཞེས་གསུངས་པས་དེའི་ཕྱིར་འདི་ལ་ཅིའི་ཕྱིར་ལྷག་པར་བཏང་སྙོམས་སུ་བྱ། ཁང་སྐྱོང་སུ་ཡིན། ཆེ་གེ་མོ་ཞིག་གོ། །བོས་ཤིག །བོས་སོ། །ཚེ་དང་ལྡན་པ་གཎྜཱི་རྡུངས་ཤིག །མཽད་གལ་གྱི་བུ་ཆེན་པོ་དོན་ཉུང་ངུ་ལ་ལྟུང་བ་བྱུང་བ་ཆོས་
D3.005.0198a06.01བཞིན་དུ་ཕྱིར་མི་བྱེད་པས་དེ་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ། །ཁང་སྐྱོང་དགེ་འདུན་གྱི་གནས་བརྟན་གྱི་གན་དུ་སོང་བ་དང་། དྲུག་སྡེ་དག་ཀྱང་དེ་དང་ལྷན་ཅིག་དོང་ངོ་། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་དེ། དེ་རྟག་ཏུ་གཎྜཱི་བརྡུངས་པ་ན་ཚེ་
D3.005.0198a07.01