完整藏文原文 · 德格版页 当前仅加载第 5 函德格 160a 版页；藏文 NFD、目录标记与异常页序保留在来源切片中，重复版页行以稳定序号区分。
གསར་བུ་དེས་སྨྲས་པ། དེ་བདག་གིས་བསད་དོ། །དགེ་སློང་དེ་དག་གིས་སྨྲས་པ། བུ་འོ་ན་ཁྱོད་ཀྱིས་མཚམས་མེད་པའི་ལས་གང་ཡིན་པ་ཡང་བྱས་ལ་ཕམ་པར་འགྱུར་བའི་ལྟུང་བ་གང་ཡིན་པ་ཡང་བྱུང་བས་ཡུན་རིང་པོར་སེམས་ཅན་དམྱལ་བ་ཆེན་པོ་མནར་
D3.005.0160a01.01མེད་པར་གནས་པར་འགྱུར་བས་ད་ངུ་བའི་རིགས་སོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་ལམ་དུ་ཞུགས་པས་དགེ་སློང་
D3.005.0160a02.01ལམ་གྱིས་དུབ་པ་ཕུལ་བར་མི་བྱའོ། །ངས་དགེ་སློང་ལམ་དུ་ཞུགས་པའི་ཀུན་དུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་ལམ་དུ་ཞུགས་པས་དགེ་སློང་ལམ་གྱིས་དུབ་པ་ངལ་སོར་གཞུག་པར་བྱ། ཆོས་གོས་གསུམ་དང་། ལྷུང་བཟེད་དང་། ཆུ་ཚགས་དང་། ལྷུང་བཟེད་
D3.005.0160a03.01ཀྱི་སྣོད་དང་། བར་བུར་སྣོད་ཀྱི་རྫས་བླང་བར་བྱའོ། །དུས་ཤེས་པར་བྱ་སྟེ། གལ་ཏེ་འགྲོ་ནུས་ན་དེ་ལྟ་ན་ལེགས། གལ་ཏེ་འགྲོ་མི་ནུས་ན་ཆེས་སྔར་སོང་སྟེ། ལྷུང་བཟེད་བཀྲུ་བར་བྱ། གོ་གཞག་པར་བྱ། སྣོད་དག་བྱིན་ལེན་བྱེད་དུ་བཅུག་ནས་སོ་སོར་བརྟག་པར་བྱའོ། །འོན་ཏེ་འོང་མི་
D3.005.0160a04.01ནུས་པ་ན་ཟན་མནོས་ཏེ་བསུ་བར་བྱའོ། །དུས་མ་ཡིན་ན་སྐོམ་གྱིས་བསུ་བར་བྱའོ། །དགེ་སློང་ལམ་དུ་ཞུགས་པས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་དག་ཡང་དག་པར་བསླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་
D3.005.0160a05.01ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་རྒན་ཞུགས་ཀྱི་བུ་འདིས། ཕ་སྲོག་དང་ཕྲལ་ཡང་མཚམས་མ་མཆིས་པའི་ཁ་ན་མ་ཐོ་བས་ཀྱང་མ་རེག་ལ། ཕམ་པར་འགྱུར་བའི་ལྟུང་བ་ཡང་མ་བྱུང་བ་ལ་གཟིགས། བཅོམ་ལྡན་
D3.005.0160a06.01འདས་ཀྱིས་བཀའ་སྩལ་པ། དགེ་སློང་དག་ད་ལྟར་འབའ་ཞིག་ཏུ་མ་ཟད་དེ་འདི་ལྟར་འདས་པའི་དུས་ན་ཡང་འདིས་ཕ་སྲོག་དང་ཕྲལ་ཡང་མཚམས་མེད་པའི་ཁ་ན་མ་ཐོ་བས་མ་རེག་སྟེ་དེ་ཉོན་ཅིག །དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན་བཙོ་བླག་མཁན་ཞིག་
D3.005.0160a07.01