完整藏文原文 · 德格版页 当前仅加载第 5 函德格 69a 版页；藏文 NFD、目录标记与异常页序保留在来源切片中，重复版页行以稳定序号区分。
རོ་སྙམ་པས་རྫབ་ཏུ་འཛུད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་བདེ་བ་མེད་པར་བྱ་བའི་བསམ་པས་དེ་ཡིར་ཡང་མ་གྱུར་ལ།
D3.005.0069a01.01བདག་གིར་ཡང་མ་གྱུར་ཅིག་སྙམ་པས་རྫབ་ཏུ་འཛུད་པར་བྱེད་ན་ཉེས་པ་སྦོམ་པོར་འགྱུར་རོ། །འདི་ལྟར་མི་རྣམས་ཀྱི་ཁྱིམ་དག་གམ། ཆུའི་གནས་དག་ཏུ་རྫིང་བུ་སྣ་ཚོགས་དག་བྱས་ཤིང་རྫིང་བུ་དེ་དག་ཏུ་རྩེད་མོའི་བྱ་སྣ་ཚོགས་འདི་ལྟ་སྟེ། ངང་པ་དག་དང་། ཀཱ་རཎྜ་བ་ཀ་དག་དང་།
D3.005.0069a02.01ངུར་པ་དག་བཞག་པར་གྱུར་ལ། དེ་དག་ཀྱང་རྒྱན་སྣ་ཚོགས་འདི་ལྟ་སྟེ། མགུལ་གདུབ་དག་དང་། གདུ་བུ་རྒྱན་ཅན་དག་དང་། དཔུང་རྒྱན་དག་དང་། དོ་ཤལ་དག་དང་། སེ་མོ་དོ་དག་དང་། མུ་ཏིག་གི་ཆུན་པོ་དག་གིས་བརྒྱན་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་
D3.005.0069a03.01བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། གོས་འཆིང་བར་བྱེད། ཆུར་འཇུག་པར་བྱེད། གཏིང་དུ་འཇུག་པར་བྱེད། བྱ་འཛིན་པར་བྱེད་ཅིང་ཇི་སྲིད་དུ་རྒྱན་ལ་ནོམ་པར་མི་བྱེད། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད། ཉུག་པར་བྱེད་
D3.005.0069a04.01ཅིང་ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གལ་ཏེ་དེ་འདི་སྙམ་དུ་བྱ་ལས་བརྐུ་བར་བྱའི་མི་ལས་མ་ཡིན་ནོ་སྙམ་དུ་སེམས་ན་ཉེས་བྱས་སུ་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་
D3.005.0069a05.01ཐང་བརྩི་བར་བྱ་ཞིང་དངོས་པོ་ཚང་ན་ཉེས་པ་སྦོམ་པོར་འགྱུར་ལ། དངོས་པོ་མ་ཚང་ན་ཉེས་བྱས་སུ་འགྱུར་རོ། །གལ་ཏེ་འདི་སྙམ་དུ་མི་ལས་བརྐུ་བར་བྱའི་བྱ་ལ་རྒྱན་ག་ལ་ཡོད་སྙམ་དུ་སེམས་ན། དེ་ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་
D3.005.0069a06.01རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །རྫིང་བུ་དེ་དག་ཏུ་ཕྲེང་བ་རྒྱུ་ཆུ་ནས་སྐྱེ་བ་སྣ་ཚོགས་འདི་ལྟ་སྟེ། ཨུཏྤ་ལ་དང་། ཀུ་
D3.005.0069a07.01