完整藏文原文 · 德格版页 当前仅加载第 5 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་འཚལ་ཞེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས་དཔུང་གི་ཚོགས་ཡན་ལག་བཞི་པ་གླང་པོ་ཆེ་བའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ཏེ་མྱུར་བ་མྱུར་བར་སཱ་ལའི་དགོན་པར་སོང་
D3.005.0151a01.01ངོ་། །དེའི་བར་སྐབས་ན་ཆོམ་རྐུན་པ་དག་སཱ་ལའི་དགོན་པ་ཤིན་ཏུ་སྟུག་པོའི་ནང་ན་ཞུགས་ནས་བག་ཕབ་སྟེ་རྐུན་རྫས་བགེད་པར་བྱེད་དོ། །འཕགས་སྐྱེས་པོས་ཀྱང་དེ་དག་གི་སྟེང་དུ་བརྫིས་ནས་དེ་ན་ཆོམ་རྐུན་པ་ཁ་ཅིག་ནི་བསད། ཁ་ཅིག་ནི་བྱེར། ཆོམ་རྐུན་པ་དྲུག་བཅུ་ནི་གསོན་པོར་
D3.005.0151a02.01བཟུང་ངོ་། །དེ་ནས་གཡུལ་ལས་རྣམ་པར་རྒྱལ་ཞིང་ཆོམ་རྐུན་པ་དང་རྐུན་རྫས་ཁྱེར་ཏེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་དྲུང་དུ་སོང་ནས་རྐང་པ་གཉིས་ལ་ཕྱག་འཚལ་ཏེ་སྨྲས་པ། ལྷ་ཆོམ་རྐུན་པ་ནི་འདི་དག་ལགས། རྐུན་རྫས་ནི་འདི་དག་ལགས་སོ། །རྒྱལ་པོས་ཆོམ་རྐུན་
D3.005.0151a03.01པ་དག་ལ་སྨྲས་པ། ཤེས་ལྡན་དག་ངས་འདི་སྐད་ཅེས་ངའི་ཡུལ་དུ་གང་གིས་ཀྱང་ཆོམ་རྐུན་མི་བྱའོ། །གང་ངའི་ཡུལ་དུ་ཆོམ་རྐུན་བྱེད་པ་དེ་ངས་བསད་པའི་གྱོད་ལ་བསྒྲིན་པར་བྱའོ། །བཅོམ་པ་རྣམས་ཀྱི་རྐུན་རྫས་ནི་ངའི་མཛོད་དང་བང་བ་ནས་སྦྱིན་ནོ་ཞེས་དྲིལ་གྱི་སྒྲ་བསྒྲགས་པ་
D3.005.0151a04.01བྱས་པ་དེ་ཁྱེད་ཀྱིས་མ་ཐོས་སམ། ལྷ་ཐོས་སོ། །འོ་ན་ཁྱེད་ཀྱིས་ཅིའི་ཕྱིར་ཚོང་པ་འདི་དག་བཅོམ། ལྷ་བདག་ཅག་འཚོ་བ་མ་མཆིས་སོ། །གལ་ཏེ་དེ་ལྟ་ན་ཡང་ཅིའི་ཕྱིར་གཞན་བསད་པར་གྱུར། ལྷ་འཇིགས་པ་བསྟན་པའི་སླད་དུའོ། །ངས་ཀྱང་ཁྱེད་ལ་སྔོན་སུས་ཀྱང་མ་
D3.005.0151a05.01བསྟན་པ་དེ་ལྟ་བུའི་འཇིགས་པ་བསྟན་པར་བྱའོ། །རྒྱལ་པོ་དེ་གཏུམ་པས་དེས་བློན་པོ་རྣམས་ལ་བསྒོ་བ། ཤེས་ལྡན་དག་དེང་ལ་ཆོས་རྐུན་པ་འདི་དག་བསད་སར་ཁྲིད་ལ། ལག་པ་དང་། རྐང་པ་ཆོད་ཅིག །ཚོང་པ་འདི་དག་གི་ཅི་ཕྲོགས་པ་ངའི་བང་བ་དང་མཛོད་
D3.005.0151a06.01ནས་བྱིན་ཅིག །བློན་པོ་དེ་དག་གིས་ཆོམ་རྐུན་པ་དེ་དག་དུར་ཁྲོད་དུ་ཁྲིད་དེ་ལག་པ་དང་རྐང་པ་བཅད་ནས་ཚོང་པ་རྣམས་ལ་རྐུན་རྫས་རྒྱལ་པོའི་བང་བ་དང་མཛོད་ནས་བྱིན་ནོ། །བཅོམ་ལྡན་འདས་ཀྱིས་དགེ་སློང་དག་བདག་གི་རྒུད་པ་དང་། གཞན་གྱི་རྒུད་པ་ལ་ཡང་དང་ཡང་དུ་
D3.005.0151a07.01