完整藏文原文 · 德格版页 当前仅加载第 5 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་སྙམ་དུ་སེམས་ཏེ། ཤེས་ལྡན་དག་རེ་ཞིག་ཆོས་སྒྲོག་པ་སེར་སྐྱ་དེ་སྡེ་སྣོད་གསུམ་དང་ལྡན་པ། རིགས་པ་དང་གྲོལ་བའི་སྤོབས་པ་ཅན་དུ་གྱུར་ཏེ་སྲོག་ཆགས་བརྒྱ་སྟོང་ཕྲག་དུ་མ་དག་གི་རྣ་བའི་སྦུབས་དག་ཚིམ་པར་བྱས་ནས། ངག་གིས་ཉེས་པར་སྤྱད་པ་ཙམ་གྱིས་དུད་འགྲོའི་སྐྱེ་གནས་
D3.005.0177b01.01ངན་པར་སྐྱེས་པར་གྱུར་ན། བདག་ཅག་ད་ལྟར་དྲག་ཤུལ་ཅན། ལག་པ་དམར་བ། སྣུན་པ་དང་རབ་ཏུ་སྣུན་པ་ལ་ཞུགས་པ། གཞན་གྱི་སྲོག་འཕྲོག་པ། གཞན་གྱི་སྲོག་གཅོད་དུ་འཇུད་པ། གཞན་གྱི་སྲོག་གཅོད་པས་འཚོ་བར་བྱེད་པ་དག་ཡིན་པས། བདག་ཅག་འདི་ནས་
D3.005.0177b02.01ཤི་འཕོས་པ་རྣམས་ཀྱི་འགྲོ་བ་ནི་ཅིར་འགྱུར། སྐྱེ་བ་ནི་ཅིར་འགྱུར། ཚེ་ཕྱི་མ་ནི་ཅིར་འགྱུར། གལ་ཏེ་བདག་ཅག་རིགས་དམའ་བར་སྐྱེས་པར་མ་གྱུར་ན། བདག་ཅག་གིས་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་ཆུ་བོ་རྣམས་ལས་རྒལ་བར་བྱ་བ་
D3.005.0177b03.01དང་སྦྱོར་བ་རྣམས་ལས་ཡང་དག་པར་འདའ་བར་བྱ་བའི་ཕྱིར་སྤྲོ་བར་བྱ། འབད་པར་བྱ། བརྩལ་བར་བྱ་བ་ཞིག་ན་སྙམ་མོ། །སངས་རྒྱས་བཅོམ་ལྡན་འདས་གསོན་ཞིང་བཞུགས་ཏེ་འཚོ་ཞིང་གཞེས་པ་རྣམས་ཀྱི་ཆོས་ཉིད་ནི་གདུལ་བར་གྱུར་པའི་སྐྱེ་བོ་ལ་ཐུགས་བརྩེ་བས་ཉིན་ལན་
D3.005.0177b04.01གསུམ་མཚན་ལན་གསུམ་སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་པར་མཛད་དོ། །ཉན་ཐོས་ཆེན་པོ་རྣམས་ཀྱང་དེ་བཞིན་པས་ཚེ་དང་ལྡན་པ་ཤཱ་རིའི་བུས་ཉན་ཐོས་ཀྱི་མིག་གིས་འཇིག་རྟེན་ལ་རྣམ་པར་བལྟས་པ་ན་རིགས་ཀྱི་བུ་ལྔ་བརྒྱ་པོ་དེ་དག་ཤིན་ཏུ་ཡིད་ལ་གཅགས་
D3.005.0177b05.01ཤིང་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འཁོད་པ་དག་མཐོང་ངོ་། །མཐོང་ནས་ཀྱང་རིགས་ཀྱི་བུ་ལྔ་བརྒྱ་པོ་དེ་དག་ག་ལ་བ་དེར་སོང་སྟེ་ཕྱིན་ནས་དེ་དག་ལ་འདི་སྐད་ཅེས་སྨྲས་སོ། །བཞིན་{བཟངས་,བཟང་}དག་ཁྱེད་ཅག་ཅིའི་ཕྱིར་ལག་པ་ལ་འགྲམ་པ་གཏད་དེ་སེམས་ཁོང་
D3.005.0177b06.01དུ་ཆུད་ཅིང་འཁོད། དེ་དག་གིས་སྨྲས་པ། འཕགས་པ་འདི་ལྟར་ཆོས་སྒྲོག་པ་སེར་སྐྱ་དེ་སྡེ་སྣོད་གསུམ་དང་ལྡན་པ་རིགས་པ་དང་གྲོལ་བའི་སྤོབས་པ་ཅན་དུ་གྱུར་ཏེ་སྲོག་ཆགས་བརྒྱ་སྟོང་ཕྲག་དུ་མ་དག་གི་རྣ་བའི་སྦུབས་དག་ཚིམ་པར་བགྱིས་ན། ངག་གིས་ཉེས་པར་སྤྱད་པ་ཙམ་གྱིས་
D3.005.0177b07.01