完整藏文原文 · 德格版页 当前仅加载第 5 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི་འདི་ལྟར་ལས་དགེ་བ་དང་། མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་
D3.005.0276b01.01དང་། ཁམས་དང་། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་འདས་པའི་དུས་ན་རི་
D3.005.0276b02.01བྲགས་ཤིག་ན་དེད་དཔོན་རྒྱལ་ཆེན་ཅན་ཞེས་བྱ་བ་ཞིག་འདུག་སྟེ། དེ་རྒྱ་མཚོ་ཆེན་པོར་འགྲོ་བའི་ཟོང་ཐོགས་ཏེ་དོན་མཐུན་དང་ལྷན་ཅིག་རྒྱ་མཚོ་ཆེན་པོར་འཕགས་སོ། །སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང་བཀྲེན་པ་ལ་རྗེས་སུ་སྙིང་བརྩེ་བ། བས་
D3.005.0276b03.01མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ་། །དེ་ནས་རང་སངས་རྒྱས་ཤིག་དེད་དཔོན་དེ་ཉིད་དང་ལྷན་ཅིག་ལྗོངས་རྒྱུར་འཕགས་ནས་དེ་མཚན་མོ་མེའི་ཁམས་ལ་སྙོམས་པར་ཞུགས་སོ། །མི་གཙོ་བོ་
D3.005.0276b04.01དག་གི་ཀུན་ཏུ་སྤྱོད་པ་ནི་མི་མེལ་ཚེ་བ་མཚན་མོ་རེས་ཀྱིས་རེས་ཀྱིས་མེལ་ཚེ་བྱེད་པས་ཇི་ཙམ་ན་མི་ཞིག་ལ་རེས་བབ་སྟེ། མེལ་ཚེ་བྱེད་པ་དེས་དེ་མེའི་ཕུང་པོ་བཞིན་དུ་འབར་བ་མཐོང་ནས་དེས་ཡ་མཚན་གྱིས་བསྡུས་པའི་ཡིད་ཀྱིས་མཚན་མོ་ནམ་ནངས་པ་དང་དེད་དཔོན་རྐྱལ་ཆེན་ཅན་ལ་
D3.005.0276b05.01སྨྲས་པ། དེད་དཔོན་རབ་ཏུ་བྱུང་བ་དེད་དཔོན་དང་ཐབས་ཅིག་འཕགས་པ་འདི་ནི་བརྟུལ་ཞུགས་གྲུབ་པ་བདག་ཉིད་ཆེན་པོ་ཞིག་ལགས་ཏེ། བདག་གིས་མཚན་མོ་ཞུགས་ཀྱི་ཕུང་པོ་ལྟར་འབར་བ་མཐོང་ངོ་། །དེད་དཔོན་གྱིས་སྨྲས་པ། ཀྱེ་ནང་རྗེ་དེ་ཕྱོགས་གང་ན་འདུག །དེད་
D3.005.0276b06.01དཔོན་ག་གེ་མོ་ཞིག་ནའོ། །དེད་དཔོན་དེ་དགའ་བ་སྐྱེས་ནས་དེའི་གན་དུ་སོང་སྟེ་རྐང་པ་གཉིས་ལ་ཕྱག་འཚལ་ནས་སྨྲས་པ། འཕགས་པ་ཁྱོད་ནི་བསོད་སྙོམས་བཞེད་པ་ལགས་ལ། བདག་ཀྱང་བསོད་ནམས་འཚལ་བ་ལགས་པས་བདག་གི་བསོད་སྙོམས་གསོལ་
D3.005.0276b07.01