完整藏文原文 · 德格版页 当前仅加载第 5 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་བ། ཕན་ཚུན་གཏམ་འདྲེས་པ། ཕེབས་པར་སྨྲ་བ། འགྲོགས་བཤེས། སྨོས་འདྲིན་གཉིས་ཤིག་འཁོད་དོ། །
D3.005.0149b01.01ཇི་ཙམ་དུས་གཞན་ཞིག་ན་དེ་གཉིས་ནོར་ཟད་པ་དང་། ལོངས་སྤྱོད་ཟད་པར་གྱུར་ནས་དེ་གཉིས་ཀྱིས་གྲོས་བྱ་བར་བརྩམས་པ། བདག་ཅག་གཉིས་འདི་ཉིད་དུ་མཐོས་པ་དང་དམས་པར་གྱུར་པས་རྣམ་པ་འདི་ལྟ་བུའི་འཚོ་བ་ཟ་ཞིང་ལོངས་སྤྱོད་པས་ཅི་བྱ། རབ་ཏུ་འབྱུང་དུ་འདོང་ངོ་
D3.005.0149b02.01ཞེས་དེ་གཉིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ་། །དེ་ན་གཅིག་ན་བར་གྱུར་ནས་ཅིག་ཤོས་དེའི་ནད་གཡོག་བྱེད་དོ། །ནད་པ་དེ་ཉམ་དམས་ཤིང་སོས་པར་མ་གྱུར་ནས། ནད་གཡོག་དེས་ནད་པ་ལ་སྨྲས་པ། ཚེ་དང་ལྡན་པ་ཁྱོད་ལ་སྔོན་ཁྱིམ་པའི་ཚེ་
D3.005.0149b03.01ན་ལན་འགའ་ནད་འདི་ལྟ་བུ་བྱུང་ངམ། སྔོན་ཡང་བྱུང་ངོ་། །འོ་ན་ཇི་ཞིག་གིས་ཞི་བར་གྱུར། ལན་ཚྭའི་སྨན་རྩབས་ཀྱིས་སོ། །འོ་ན་ད་ཅིའི་ཕྱིར་ལན་ཚྭའི་སྨན་རྩབས་མི་འཐུང་ཞེས་ནད་གཡོག་དེས་ལན་ཚྭའི་སྨན་རྩབས་བསླངས་ཏེ་ནད་པ་ལ་བླུད་པ་དང་། ནད་པ་དེས་དུས་ཀྱི་ཆོས་
D3.005.0149b04.01དང་ལྡན་པར་གྱུར་ནས་དགེ་སློང་དེ་བདག་གིས་འདི་ལ་སྨན་མ་ཡིན་པ་བྱིན་པར་མ་གྱུར་ཏམ་སྙམ་དུ་འགྱོད་པ་སྐྱེས་ནས། དེས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
D3.005.0149b05.01དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་གིས་སྨན་པ་ལ་མ་དྲིས་པར་རང་གི་བློས་ནད་པ་ལ་སྨན་སྦྱིན་པར་མི་བྱའོ། །གལ་ཏེ་སྨན་པ་མེད་ན་སྨན་པ་རབ་ཏུ་བྱུང་བ་ལ་དྲི་བར་བྱའོ་སྨན་པ་རབ་ཏུ་བྱུང་བ་མེད་ན་སྨན་པས་བཀོལ་བ་ལ་དྲི་བར་བྱའོ། །སྨན་པས་བཀོལ་བ་མེད་ན་
D3.005.0149b06.01ནད་ཀྱིས་ཐེབས་པ་ལ་དྲི་བར་བྱའོ། །ནད་ཀྱིས་ཐེབས་པ་མེད་ན་དགེ་སློང་རྒན་པ་རྒན་པ་དག་ལ་དྲི་བར་བྱའོ། །དགེ་སློང་གིས་སྨན་པ་ལ་མ་དྲིས་སམ། ཇི་སྐད་བསྟན་པའི་རིམ་པ་བཞིན་མ་བྱས་པར་རང་གི་བློས་ནད་པ་ལ་སྨན་སྦྱིན་ན་འགལ་ཚབས་ཅན་དུ་འགྱུར་རོ། །དགེ་སློང་
D3.005.0149b07.01