完整藏文原文 · 德格版页 当前仅加载第 5 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ། ཡོན་ཏན་དང་ལྡན་པ། མ་རྒལ་བ་རྒལ་བར་བྱ་བ། མ་གྲོལ་བ་གྲོལ་བར་བྱ་བ། དབུགས་མ་ཕྱིན་པ་དབུགས་དབྱུང་བར་བྱ་བ། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་འདའ་བར་བྱ་བ་གང་ཡིན། དེ་ནས་དགེ་སློང་ཞིག་རྣག་གི་
D3.005.0134a01.01ལུས་འདིས་སྒྱིད་ལུག་པ་དང་། མུས་བྱུང་བ་དང་། ཐེ་ཚོམ་ཟ་བ་དང་། སྨོད་པ་ན་གནས་ནས་ཕྱིར་བྱུང་སྟེ། {རི་དགས་,རི་དྭགས་}ཟློག་དགེ་སྦྱོང་སྦེད་ལ་འདི་སྐད་ཅེས་སྨྲས་སོ། །བཞིན་{བཟངས་,བཟང་}བདག་མ་རྒལ་བ་ཡིན་གྱིས་སྒྲོལ་ཅིག །བདག་མ་གྲོལ་བ་ཡིན་གྱིས་ཁྲོལ་ཅིག །བདག་དབུགས་
D3.005.0134a02.01མ་ཕྱིན་པ་ཡིན་གྱིས་དབུགས་ཕྱུང་ཤིག །བདག་ཡོངས་སུ་མྱ་ངན་ལས་མ་འདས་པ་ཡིན་གྱིས་ཡོངས་སུ་མྱ་ངན་ལས་ཟློས་ཤིག །དེ་ནས་{རི་དགས་,རི་དྭགས་}ཟློག་དགེ་སྦྱོང་སྦེད་ཀྱིས་དགེ་སློང་དེ་སྲོག་དང་བྲལ་བར་བྱས་ཏེ། དེ་བཞིན་དུ་གཉིས་དང་། གསུམ་ནས་དགེ་སློང་དྲུག་བཅུའི་བར་
D3.005.0134a03.01དག་སྲོག་དང་བྲལ་བར་བྱས་སོ། །དེའི་ཚེ་དགེ་སློང་དག་ཉུང་ངུར་གྱུར། ཉམས་པར་གྱུར། རྔ་རྔོར་གྱུར་ཅིང་། དགེ་སློང་གི་དགེ་འདུན་སྲབས་པར་གྱུར་ཏོ། །དེ་ནས་བཅོམ་ལྡན་འདས་དེ་ཉིད་ཀྱི་ཚེས་{བཅྭ་,བཅོ་}ལྔའི་གསོ་སྦྱོང་ལ་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་
D3.005.0134a04.01ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་འཁོར་ཐམས་ཅད་ལ་རྣམ་པར་གཟིགས་ཏེ། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གང་གིས་ད་ལྟར་དགེ་སློང་དག་ཉུང་ངུར་གྱུར། ཉམས་པར་གྱུར། རྔ་རྔོར་གྱུར་ཅིང་དགེ་སློང་གི་དགེ་འདུན་
D3.005.0134a05.01སྲབས་པར་གྱུར་པའི་རྒྱུ་ནི་གང་ཡིན། རྐྱེན་ནི་གང་ཡིན། བཙུན་པ་དུས་གཅིག་ན་བཅོམ་ལྡན་འདས་དགེ་སློང་གི་དགེ་འདུན་ལ་དགེ་སློང་དག་མི་སྡུག་པ་སྒོམས་ཤིག །མི་སྡུག་པ་བསྟེན་ཅིང་གོམས་པར་བྱས་ལན་མང་དུ་བྱས་ན། འབྲས་བུ་ཆེན་པོ་དང་ཕན་ཡོན་ཆེན་པོར་འགྱུར་རོ་ཞེས་
D3.005.0134a06.01མི་སྡུག་པ་སྟོན་པར་མཛད་ཅིང་མི་སྡུག་པ་བསྒོམ་པའི་བསྔགས་པ་རྗོད་པར་ཡང་མཛད་དོ། །དེའི་ཚེ་ན་དགེ་སློང་དག་མི་སྡུག་པ་སྒོམ་པར་བགྱིད་དེ། དེ་དག་མི་སྡུག་པ་སྒོམ་པར་བགྱིད་པའི་ཚེ་རྣག་གི་ལུས་འདིས་སྒྱིད་ལུག་པ་དང་། མུས་བྱུང་བ་དང་། ཐེ་ཚོམ་ཟ་བ་དང་། སྨོད་
D3.005.0134a07.01