德格《甘珠尔》D3

པ་མཽད་གལ་གྱི་བུ་ཆེན་པོས་རྫུ་འཕྲུལ་གྱིས་འཕགས་སྐྱེས་པོའི་དཔུང་མངོན་པར་སྤྲུལ་ཏེ། ཕྱོགས་བཞིར་རྔ་པ་ཊ་ཧ་བརྡུངས་པ་དང་། སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་ཤེས་ལྡན་དག་བདག་ཅག་དམག་དཔོན་འཕགས་སྐྱེས་པོས་ཕྱོགས་བཞི་

ནས་བསྐོར་གྱིས་ཟིན་པར་གྱུར་ན་མི་རུང་གིས་བོར་ལ་འདོང་ངོ་སྙམ་དུ་བསམས་ནས་དེ་དག་གིས་ཁྱེའུ་དེ་དག་བོར་ཏེ་བྱེར་རོ། །ཚེ་དང་ལྡན་པ་མཽད་གལ་གྱི་བུ་ཆེན་པོས་ཀྱང་རྫུ་འཕྲུལ་མངོན་པར་འདུ་བྱ་བ་དེ་ཕྱིར་བརྟུལ་ནས་ལམ་དང་ཉེ་བར་ཤིང་ལྗོན་པའི་དྲུང་དུ་འདུག་གོ། །ཁྱེའུ་

དེ་དག་ཀྱང་འོངས་པ་དང་། འཕགས་པ་མཽད་གལ་གྱི་བུ་ཆེན་པོས་སྨྲས་པ། ཁྱེའུ་དག་ཁྱེད་ཅག་གར་དོང་དོང་། འཕགས་པ་བདག་ཅག་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་བརྐུས་སོ། །འོ་ན་སུས་ཐར་བར་བྱས། དམག་དཔོན་འཕགས་སྐྱེས་པོས་སོ། །

ཁྱེའུ་དག་དེ་རིང་ཁྱེད་ཅག་གི་ཕ་མ་དག་ཡིད་མི་བདེ་བར་འཁོད་ཀྱིས་དེང་ལ་སང་ལྷོགས་ཤིག །ཁྱེའུ་དེ་དག་ཁྱིམ་དུ་འཕགས་པ་དང་། དམག་དཔོན་འཕགས་སྐྱེས་པོ་ཡང་དཔུང་གི་ཚོགས་ཡན་ལག་བཞི་པ་གླང་པོ་ཆེ་པའི་ཚོགས་དང་། རྟ་པའི་ཚོགས་དང་།

ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ཏེ་མཉན་ཡོད་ནས་བྱུང་ངོ་། །འཕགས་སྐྱེས་པོས་ཁྱེའུ་དེ་དག་མཐོང་ནས་སྨྲས་པ། ཁྱེའུ་དག་ཁྱེད་ཅག་གར་དོང་དོང་། དེ་དག་གིས་སྨྲས་པ། རྒྱལ་བྱེད་ཀྱི་ཚལ་དུ་འདོང་བ་ན་བདག་ཅག་སྟོན་ཟླ་ཐ་{ཆུངས་ཀྱི་,ཆུང་གི་}

གཡོན་ཅན་དག་གིས་བརྐུས་སོ། །འོ་ན་ཁྱེད་ཅག་སུས་ཐར་བར་བྱས། དམག་དཔོན་འཕགས་སྐྱེས་པོས་སོ། །འཕགས་སྐྱེས་པོས་བདག་ད་ལྟར་འགྲོ་བས་བདག་གིས་ཇི་ལྟར་འདི་དག་ཐར་བར་བྱས། འཕགས་པ་རྫུ་འཕྲུལ་ཆེ་བ། མཐུ་ཆེ་བ་འགའ་ཞིག་གིས་འདི་

དག་ཐར་བར་བྱས་གོར་མ་ཆག་སྙམ་དུ་བསམས་ཤིང་རིག་ནས་སྨྲས་པ། ཁྱེའུ་དག་ཁྱེད་ཅག་གིས་ཕྱོགས་དེ་ན་སུ་མཐོང་། འཕགས་པ་མཽད་གལ་གྱི་བུ་ཆེན་པོའོ། །འཕགས་སྐྱེས་པོས་དེས་འདི་དག་ཐར་བར་བྱས་ཀྱི་གཞན་སུ་ཞིག་གིས་ནུས་སྙམ་དུ་བསམས་ཤིང་རིག་