完整藏文原文 · 德格版页 当前仅加载第 5 函德格 105a 版页；藏文 NFD、目录标记与异常页序保留在来源切片中，重复版页行以稳定序号区分。
ངས་ཁྱེད་ཅག་ལ་སང་ནང་པར་སྔར་ཤོག་ཤིག་ཅེས་མ་བསྒོ་འམ། ཁྱེད་གར་དོང་དོང་། དེ་དག་གིས་སྨྲས་པ། འཕགས་པ་གལ་ཏེ་བདག་ཅག་ལ་འཕགས་པ་པི་ལིན་དའི་བུས་མ་དགོངས་སུ་ལགས་ན། བདག་ཅག་དེང་ཁོ་ནར་སྟོན་ཟླ་ཐ་
D3.005.0105a01.01{ཆུངས་ཀྱི་,ཆུང་གི་}གཡོན་ཅན་དག་གིས་ཚུལ་མ་ལགས་པས། སྡུག་བསྔལ་བསྒྲུབས་པར་འགྱུར་རོ། །ཉེ་{དགའས་,དགས་}གཤེ་ཞིང་སྨྲས་པ། ཁྱེད་ཅག་རེ་ཞིག་གང་གི་མཐུས་སྙེམས་པ་དེ་ལ་ཡང་ཇེ་ཁྲིམས་བཅའ་བར་བྱའོ་ཞེས་རིག་ནས་དྲུག་སྡེ་དག་སྦྲན་ཏེ། ཚེ་དང་ལྡན་པ་པི་ལིན་
D3.005.0105a02.01དའི་བུ་ག་ལ་བ་དེར་དོང་ནས་ཕྱིན་པ་དང་། ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །གནས་བརྟན་ལ་ཕྱག་འཚལ་ལོ། །ཚེ་དང་ལྡན་པ་དག་ཨ་རོག་གྱ། གནས་བརྟན་ཇེ་སྐབས་ཕྱེ་ཤིག །ལྟུང་བ་སྡེ་ལྔ་པོ་དག་ལ་སྐབས་ཕྱེའོ། །གནས་བརྟན་གྱིས་བ་
D3.005.0105a03.01ཞབས་འབྲིང་བ་དག་གི་ནོར་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་གིས་བརྐུས་པ་ཐར་བར་བགྱིས་སམ། དེ་བཞིན་ཏེ་ཐར་བར་བྱས་སོ། །གནས་བརྟན་བདག་ཅག་གིས་གནས་བརྟན་གོ། །བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམ་པར་
D3.005.0105a04.01འཇུག་པ་དག་གི་བདེ་བ་ཉམས་སུ་མྱོང་བར་མཛད་ཅིང་བཞུགས་པར་འཚལ་གྱི། བདག་ཅག་གིས་ཐུགས་རྗེ་ཕྱོགས་གཅིག་པ་དང་ལྡན་ཞིང་ཞབས་འབྲིང་བ་དག་ལ་ཐུགས་རྗེ་བར་མཛད་ལ། སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་དག་ལ་མི་མཛད་པར་མ་འཚལ་ཏོ། །གཞན་
D3.005.0105a05.01དག་གིས་བདག་གིར་བགྱིས་པའི་ནོར་དག་ཐར་བར་བགྱིས་པའི་ལྟུང་བ་བྱུང་བ་ཆོས་བཞིན་དུ་སླར་མཛོད་ཅིག །ལྟུང་བ་མ་མཐོང་ངོ་། །ཚེ་དང་ལྡན་པ་དག་བཅོམ་ལྡན་འདས་ཀྱིས་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ་ཞེས་གསུངས་ཀྱིས། ཁང་སྐྱོང་
D3.005.0105a06.01སུ་སྣང་། གཎྜཱི་རྡུངས་ཤིག །འདི་གནས་ནས་དབྱུང་བའི་ལས་བྱའོ་ཞེས་དེ་དག་ཁང་སྐྱོང་གི་དྲུང་དུ་དོང་ནས་སྨྲས་པ། ཚེ་དང་ལྡན་པ་གཎྜཱི་རྡུངས་ཤིག །ཅིའི་ཕྱིར་དོན་ཉུང་ངུ་ལ་ལྟུང་བ་བྱུང་བ་ཆོས་བཞིན་དུ་ཕྱིར་མི་འཆོས་པས་དེ་གནས་ནས་དབྱུང་བའི་ལས་བྱའོ། །དེའི་
D3.005.0105a07.01