完整藏文原文 · 德格版页 当前仅加载第 5 函德格 197b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ཙམ་ན་བུ་མོར་མཐོང་ནས་དེ་བཞིན་སྒྱུར་བར་བྱེད། ལག་པ་གཉིས་འདྲིལ་བར་བྱེད་དོ། །ཁྱིམ་བདག་དེས་གཅེར་བུ་པ་དེ་ལ་དྲིས་པ། ཅིའི་ཕྱིར་བཞིན་སྒྱུར་བར་བྱེད། ལག་པ་གཉིས་འདྲིལ་བར་བྱེད། གཅེར་བུ་པས་སྨྲས་པ། ཁོ་བོས་བུ་མོར་མཐོང་གི་ཁྱེའུར་མ་མཐོང་ངོ་། །ཁྱིམ་
D3.005.0197b01.01བདག་དེས་སྤྱོས་ནས་འཕྲལ་བར་འཕྲལ་རྩ་གསུམ་བསྒྲེང་ཞིང་ཁྲོ་གཉེར་བྱས་ཏེ་སྨྲས་པ། གཅེར་བུ་པ་སྒྲེ་བྱི་ཁྱེད་ཅི་ཤེས། ཁྱོད་པས་འཕགས་པ་མཽད་གལ་གྱི་བུ་ཆེན་པོའི་མཁྱེན་པ་ཆེས་དྲི་མ་ཅན་ཡིན་ནམ། འཕགས་པ་མཽད་གལ་གྱི་བུ་ཆེན་པོས་ཁྱེའུའོ་ཞེས་ལུང་བསྟན་ན། ཁྱོད་བུ་མོའོ་
D3.005.0197b02.01ཞེས་ཟེར་རམ། དེ་དེ་ལྟར་ཚར་བཅད་ནས་ཡང་བརྩི་བར་བརྩམས་པ་དང་། བུ་མོ་ཉིད་དུ་མཐོང་ནས་དེ་ཀུན་ནས་དཀྲིས་པས་སྨྲས་པ། གལ་ཏེ་དགེ་སྦྱོང་ཤཱཀྱའི་བུ་ཉིད་ཀྱིས་ལུང་བསྟན་དུ་ཟིན་ཀྱང་། དེ་ལྟ་ན་ཡང་འདི་ནི་བུ་མོ་ཉིད་ཡིན་གྱི་ཁྱེའུ་མ་ཡིན་ནོ། །ཇི་ཙམ་ན་དེ་ཟླ་བ་དགུ་འདས་ཏེ་
D3.005.0197b03.01བཙས་པ་ལས་བུ་མོ་ཞིག་སྐྱེས་ནས། ཁྱིམ་བདག་དེ་ནང་མི་དང་བཅས་པ་གཅེར་བུ་པ་དག་དམ་པ་ཡིན་གྱི། ཤཱཀྱའི་བུའི་དགེ་སྦྱོང་རྣམས་ནི་དེ་ལྟ་མ་ཡིན་ཏེ། འཕགས་པ་མཽད་གལ་གྱི་བུ་ཆེན་པོས་ཁྱེའུའོ་ཞེས་ལུང་བསྟན་ན། འདི་བུ་མོར་གྱུར་ཏོ་ཞེས་སྨོད་པར་བྱེད། ཕྱར་ཀ་གཏོང་
D3.005.0197b04.01བར་བྱེད། ཁ་ཟེར་བར་བྱེད་དོ། །ཐོས་པ་གཅིག་ནས་གཅིག་ཏུ་བརྒྱུད་པས་ཡངས་པ་ཅན་ན་གནས་པའི་སྐྱེ་བོའི་ཚོགས་ཀྱང་ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་དག་ན་སྨོད་པ་ལ་ཞུགས་པར་གྱུར་ཏོ། །དེ་དག་སྨོད་པར་བྱེད་པ་ན་དྲུག་སྡེ་དག་སྔ་དྲོ་ཤམ་ཐབས་བགོས་
D3.005.0197b05.01ལྷུང་བཟེད་དང་ཆོས་གོས་ཐོགས་ཏེ་ཡངས་པ་ཅན་དུ་བསོད་སྙོམས་ལ་ཞུགས་པ་དང་། དེ་དག་གིས་དེ་དག་སྨོད་པ་ཐོས་སོ། །ཐོས་ནས་སྨྲས་པ་ཤེས་ལྡན་དག་ཁྱེད་ཅག་སུ་ལ་སྨོད། ཁྱེད་ཅག་ལའོ། །ངེད་ཀྱིས་ཅི་བྱས། འཕགས་པ་མཽད་གལ་གྱི་བུ་ཆེན་པོས་གཅེར་བུ་པའི་ཉན་
D3.005.0197b06.01ཐོས་ཀྱི་ཆུང་མའི་མངལ་ན་ཁྱེའུ་ཡོད་དོ་ཞེས་ལུང་བསྟན་ན། དེ་ལས་དབུ་མོ་བཙས་སོ། །དྲུག་སྡེ་དག་གིས་སྨྲས་པ། ཤེས་ལྡན་དག་འཇིག་རྟེན་ཐམས་ཅད་ཤེས་པ་རྒྱ་མཚོ་ལ་འཁྲུལ་པ་ཡོད་ཀྱི། བཅོམ་ལྡན་འདས་ཉག་གཅིག་ཆོས་རྣམས་ལ་སྐྱོབ་པ་ཡིན་གྱི། སྐྱོབ་པ་གཞན་
D3.005.0197b07.01