完整藏文原文 · 德格版页 当前仅加载第 5 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
དག་གང་ཟག་གསུམ་པོ་འདི་དག་ནི་དེ་མ་སྤངས་ན་ངན་སོང་དུ་འགྲོ་བ། སེམས་ཅན་དམྱལ་བར་འགྲོ་བ་དག་ཡིན་ཏེ། གསུམ་གང་ཞེ་ན། འདི་ལ་གང་ཟག་འདོད་པ་དག་ཀྱང་སྟེན་པར་བྱེད་ལ་སྡིག་པའི་ལས་ཀྱང་བྱེད་པ་འདི་ནི་གང་ཟག་དེ་མ་སྤངས་ན་ངན་སོང་དུ་འགྲོ་བ། སེམས་ཅན་
D3.005.0274a01.01དམྱལ་བར་འགྲོ་བ་དང་པོ་ཡིན་ནོ། །གཞན་ཡང་གང་ཟག་བདག་ཉིད་ཚུལ་ཁྲིམས་འཆལ་ཅིང་གཞན་ལ་ཚུལ་ཁྲིམས་ཀྱི་དབང་དུ་བྱས་ཏེ་སྨྲ་བ་འདི་ནི་གང་ཟག་དེ་མ་སྤངས་ན་ངན་སོང་དུ་འགྲོ་བ། སེམས་ཅན་དམྱལ་བར་འགྲོ་བ་གཉིས་པ་ཡིན་ནོ། །གཞན་ཡང་གང་ཟག་བདག་ཉིད་མི་ཚངས་པར་
D3.005.0274a02.01སྤྱོད་ཅིང་གཞན་ལ་གཞི་མེད་པར་མི་ཚངས་པར་སྤྱོད་པ་ཕམ་པར་འགྱུར་བའི་ཆོས་ཀྱིས་སྐུར་བ་འདེབས་པར་བྱེད་པ་འདི་ནི་གང་ཟག་དེ་མ་སྤངས་ན་ངན་སོང་དུ་འགྲོ་བ་སེམས་ཅན་དམྱལ་བར་འགྲོ་བ་གསུམ་པ་ཡིན་ནོ། །བཅོམ་ལྡན་འདས་ཀྱིས་དེ་སྐད་བཀའ་སྩལ་ཏེ། བདེ་བར་གཤེགས་
D3.005.0274a03.01པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །ཚིག་གིས་ཉེས་སྨྲས་རྗོད་བྱེད་ན། །སྐྱེས་བུ་སྐྱེས་པའི་ཁ་ནས་ནི། །སྟ་རེ་སྐྱེ་ཞིང་དེ་ཡིས་ནི། །བདག་ཉིད་གཅོད་པར་བྱེད་པར་འགྱུར། །གང་ཞིག་སྨད་བྱ་སྟོད་བྱེད་ཅིང་། །བསྟོད་བྱ་རྣམ་
D3.005.0274a04.01པར་སྨོད་བྱེད་པ། །དེ་ནི་ཁ་ནས་འཐབ་ཀྲོལ་སྐྱེད། །འཐབ་ཀྲོལ་ཅན་གྱིས་བདེ་མི་མྱོང་། །གང་འདིར་ཆོ་ལོས་རང་ནོར་ཕམ་བྱེད་པ། །འཐབ་ཀྲོལ་དེ་ནི་ཅུང་ཟད་ཙམ་དུ་ཟད། །གང་ཞིག་བདེ་གཤེགས་ཡིད་རབ་ཁྲོ་བྱེད་པ། །དེ་འདིར་འཐབ་ཀྲོལ་ཤིན་ཏུ་ཆེན་པོ་ཡིན། །
D3.005.0274a05.01འཕགས་པས་སྨད་པ་གང་ཡིན་སྡིག་བརྟེན་ནས། །བྱེ་བ་བརྒྱ་ཕྲག་སྟོང་དང་དུང་ཕྱུར་ཕྲག །སུམ་བཅུ་དྲུག་དང་ལྔ་པོ་ཇི་སྙེད་པར། །སེམས་ཅན་དམྱལ་བ་རྣམས་སུ་འགྲོ་བར་འགྱུར། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་
D3.005.0274a06.01སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་
D3.005.0274a07.01