完整藏文原文 · 德格版页 当前仅加载第 5 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་ལོངས་སྤྱད་པར་བྱ། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱ་བ་དང་། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་ཡང་སོང་། སུམ་བཅུ་རྩ་གསུམ་པའི་རིས་ཀྱི་ལྷ་རྣམས་ཀྱི་ནང་དུ་ཡང་སོང་སྟེ། ལྷའི་བདུད་
D3.005.0289a01.01རྩི་དག་གིས་ལྷུང་བཟེད་བཀང་སྟེ་ཁྱེར་ནས། བདག་ཉིད་ཀྱང་ཡོངས་སུ་ལོངས་སྤྱད་པར་བྱ། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱ་བ་དང་། ཡུལ་གང་དག་འབྱོར་པ། རྒྱས་པ། བདེ་བ། ལོ་ལེགས་པ། སྐྱེ་བོ་དང་། མི་མང་པོས་གང་བ་དེ་
D3.005.0289a02.01དག་ནས་བཅའ་བ་དང་། བཟའ་བ་གཙང་བ་བསོད་པ་དག་གིས་ལྷུང་བཟེད་བཀང་སྟེ་ཁྱེར་ནས། བདག་ཉིད་ཀྱང་ཡོངས་སུ་ལོངས་སྤྱད་པར་བྱ། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱ་བས་ཅི་ཞིག་བྱས། བདག་གིས་མ་ག་དྷཱའི་ཞིང་འདི་ན་མི་གཙོ་
D3.005.0289a03.01བོ་གང་ཡིན་པ། རྗེས་སུ་འཇུག་པར་བྱ་ན། མ་ག་དྷཱའི་ཞིང་འདི་ན་གང་རྗེས་སུ་འཇུག་པར་བྱས་ན། ཚེགས་ཆུང་ངུས་སྐྱེ་བོ་ཕལ་པོ་ཆེའི་ཚོགས་ཀྱང་རྗེས་སུ་འཇུག་པར་འགྱུར་བའི་མི་གཙོ་བོ་རྗེས་སུ་འཇུག་པར་བྱ་བ་གང་ཡོད་སྙམ་མོ། །དེ་ནས་ལྷས་བྱིན་འདི་སྙམ་
D3.005.0289a04.01དུ་སེམས་ཏེ། གཞོན་ནུ་མ་སྐྱེས་དགྲ་འདི་ནི་ཕ་འདས་ནས། ཕའི་རྒྱལ་སྲིད་ཀྱི་དབང་ཕྱུག་གི་བདག་པོ་ལ་གནས་པར་འགྱུར་བ་ཡིན་གྱིས། བདག་གིས་གཞོན་ནུ་མ་སྐྱེས་དགྲ་རྗེས་སུ་འཇུག་པར་བྱ་སྟེ། དེ་རྗེས་སུ་ཞུགས་པ་ན། ཚེགས་ཆུང་ངུས་སྐྱེ་བོ་ཕལ་པོ་ཆེའི་
D3.005.0289a05.01ཚོགས་ཀྱང་རྗེས་སུ་འཇུག་པར་འགྱུར་རོ་སྙམ་མོ། །དེ་ནས་ལྷས་བྱིན་གྱིས་གླང་པོ་ཆེན་པོ་མཐུ་དང་ལྡན་པའི་བུ་རིགས་བཙུན་པར་བསྒྱུར་ནས་གཞོན་ནུ་མ་སྐྱེས་དགྲའི་ཁྱིམ་དུ་སྒོ་ནས་ཞུགས་ཏེ། སྒེའུ་ཅུང་ནས་ཕྱིར་བྱུང་ཞིང་སྒེའུ་ཅུང་ནས་ཞུགས་ཏེ་སྒོ་ནས་ཕྱིར་བྱུང་ངོ་། །
D3.005.0289a06.01རྟ་མཐུ་དང་ལྡན་པའི་བུ་རིགས་བཙུན་པར་བསྒྱུར་ནས་སྒོ་ནས་ཞུགས་ཏེ་སྒེའུ་ཅུང་ནས་ཕྱིར་བྱུང་ཞིང་། སྒེའུ་ཆུང་ནས་ཞུགས་ཏེ་སྒོ་ནས་ཕྱིར་བྱུང་ངོ་། །དེ་ནས་དགེ་སློང་མགོ་བྲེགས་པ་སྣམ་སྦྱར་གྱོན་པར་བསྒྱུར་ནས་གཞོན་ནུ་མ་སྐྱེས་དགྲའི་ཁྱིམ་དུ་སྒོ་ནས་ཞུགས་ཏེ། སྒེའུ་ཅུང་
D3.005.0289a07.01