完整藏文原文 · 德格版页 当前仅加载第 5 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་གིས་སར་ཕྱིན་པའི་ཤོ་གམ་བཟླ་བར་མི་བྱའོ་ཞེས་བསླབ་པའི་གཞི་བཅའ་བ་མཛད་པས་བདག་ཅག་གིས་བཟླ་བར་མི་བྱའོ། །ཚོང་པ་རྣམས་ཀྱིས་འཕགས་པ་འདི་དག་ནི་མི་མཐུན་པར་བྱེད་པ་ཡིན་པས་བཟླ་བར་མི་བྱེད་ཀྱིས་ཐབས་ཀྱི་རྣམ་པ་བྱའོ་སྙམ་དུ་ཤེས་ཤིང་རིག་ནས་དེ་དག་གིས་
D3.005.0074b01.01ཕན་ཚུན་གྲོས་བྱས་ཏེ་སྨྲས་པ། འཕགས་པ་དག་དེང་བདག་ཅག་བྲེལ་བས་ཁྱེད་ཅག་ལ་བསོད་སྙོམས་དབུལ་བའི་རྔོ་མི་ཐོག་གིས་བཞུད་ལ་གྲོང་དུ་བསོད་སྙོམས་ལ་འཇུག་པར་མཛོད་ཅིག །དགེ་སློང་དེ་དག་གྲོང་དུ་བསོད་སྙོམས་ལ་ཞུགས་པ་དང་ཚོང་པ་དེ་དག་གིས་དགེ་སློང་བསོད་སྙོམས་
D3.005.0074b02.01ལ་ཞུགས་པ་དེ་དག་གི་གཏུར་བུ་དག་དང་། ལྷུང་བཟེད་ཀྱི་སྣོད་དག་དང་། བར་བུར་སྣོད་དག་ཏུ་ཤོ་གམ་གཞལ་དགོས་པའི་རྫས་བཅུག་གོ། །དགེ་སློང་དག་བསོད་སྙོམས་བརྒྱུས་ནས་གྲོང་ནས་ཕྱིར་བྱུང་སྟེ། དེ་དག་ཟས་ཀྱི་བྱ་བ་བྱས་ནས་གང་གི་ཚེ་ཤོ་གམ་གྱི་གནས་ནས་འདས་པ་
D3.005.0074b03.01དེའི་ཚེ་ཚོང་པ་དེ་དག་གིས་དགེ་སློང་དེ་དག་གི་སྣོད་ལ་ནོམ་པར་བརྩམས་པ་དང་། དགེ་སློང་རྣམས་ཀྱིས་སྨྲས་པ། བཞིན་{བཟངས་,བཟང་}དག་ཅིའི་ཕྱིར་ཁོ་བོ་ཅག་གི་སྣོད་དག་ལ་ནོམ་པར་བྱེད། ཚོང་པ་དག་གིས་སྨྲས་པ། འཕགས་པ་དག་བདག་ཅག་གིས་འདིར་ཤོ་གམ་གཞལ་འཚལ་
D3.005.0074b04.01བའི་རྫས་བཅུག་པ་དེ་འབྱིན་ཏོ། །དགེ་སློང་དག་གིས་སྨྲས་པ། བཞིན་{བཟངས་,བཟང་}དག་ཁྱེད་ཀྱིས་ཆེད་དུ་བསམས་ཏེ་ཁོ་བོ་ཅག་ལྟུང་བ་དང་བཅས་པར་བྱས་མོད། ཚོང་པ་དག་གིས་སྨྲས་པ། འཕགས་པ་དག་འདི་ལ་ཁྱེད་ཀྱི་ལུས་ཀྱི་ལས་ཀྱང་མ་མཆིས། ངག་གི་ལས་ཀྱང་མ་མཆིས་ན་ཇི་
D3.005.0074b05.01ལྟར་ཁྱེད་ཅག་ལྟུང་བ་དང་བཅས་པ་ལགས། དགེ་སློང་དེ་དག་བདག་ཅག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས་དེ་དག་མཐར་གྱིས་མཉན་ཡོད་དུ་ཕྱིར་ཕྱིན་པ་དང་། དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ་འོངས་
D3.005.0074b06.01པ་ལེགས་སོ། །ཇི་ལྟ་བདེ་བར་བརྒྱུས་སམ། ཁྱེད་ཅག་ཤོ་གམ་པ་དག་དང་། ལ་གཅན་པ་དག་དང་། གྲུ་བཙས་གཅོད་པ་དག་གིས་ཡོངས་སུ་གཙེས་པར་མ་གྱུར་ཏམ། དེ་དག་གིས་སྨྲས་པ། ཚེ་དང་ལྡན་པ་དག་བདག་ཅག་དེ་དག་གིས་ཡོངས་སུ་གཙེས་པར་མ་གྱུར་མོད་ཀྱི་
D3.005.0074b07.01