完整藏文原文 · 德格版页 当前仅加载第 5 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
བས་ཁྱེའུ་དེ་རང་གི་ཁྱིམ་དུ་ཁྱེར་ནས་ཆུང་མའི་དྲུང་དུ་ཡོན་ཏན་བརྗོད་དེ་སྨྲས་པ། བཟང་མོ་ཤེས་པར་གྱིས་ཤིག །ཁྱེའུ་འདི་ནི་རྐང་གཉིས་པ་བསོད་ནམས་ཀྱི་ཞིང་ཡིན་ཏེ། གང་དག་འདི་ལ་མཆོད་པ་དག་བྱེད་པ་དེ་དག་གི་མཆོད་པ་བྱས་པ་དེ་དག་ནི་ཤིན་ཏུ་འབྲས་བུ་ཆེན་
D3.005.0254a01.01པོ་དང་། ཕན་ཡོན་ཆེན་པོ་དང་། གསལ་བ་ཆེན་པོ་དང་། ཡངས་པ་ཆེན་པོར་འགྱུར་བས་དེའི་ཕྱིར་འདི་ལ་མཆོད་པ་དག་གྱིས་ཤིག །དེས་དེའི་ཡོན་ཏན་བརྗོད་པ་ཐོས་ནས་ཡིད་བདེ་བ་སྐྱེས་ཏེ་སྨྲས་པ། བྲམ་ཟེ་གལ་ཏེ་དེ་ལྟ་ན་རེ་ཞིག་གཞེས་ཤིག་དང་ཁྱིམ་གྱི་{གོ་རིམས་,གོ་རིམ་}དག་བགྱིའོ་ཞེས་དེས་
D3.005.0254a02.01ཁྱིམ་བྱུག་པས་བྱུགས་ཤིང་ཞལ་ཞལ་བྱས་ནས་རྩ་ལག་གི་སྐྱེ་བོ་སྙིང་དུ་སྡུག་ཅིང་འབྲེལ་བ་དག་མགྲོན་དུ་བོས་ནས་དེའི་འོག་ཏུ་ཁྱེའུ་དེ་བཀུར་སྟི་ཆེན་པོས་དྲིལ་ཕྱི་བྱས་ཤིང་ཁྲུས་བྱས་ཏེ། སྤོས་དང་། མེ་ཏོག་དག་གིས་བརྒྱན་ནས་སྦྲང་རྩི་དང་། འོ་མས་ལེགས་པར་བསྙོད་དོ། །དེ་
D3.005.0254a03.01ལྟར་བརྒྱན་ཅིང་གཉེན་འདབ་ཀྱིས་ཡོངས་སུ་བསྐོར་ནས་རང་གི་ཁྱིམ་དུ་ཕྱིར་ཁྲིད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང་། གྲངས་དང་། རྩིས་དང་། ལག་རྩིས་དང་། དབྱུང་བ་དང་། གཞུག་པ་དང་། གཞག་པ་ལ་ཉེ་བར་ཞུགས་ནས་དེ་ཡི་གེའི་མཐར་ཕྱིན་ཅིང་འབྱེད་པ་དང་།
D3.005.0254a04.01ཀློག་པ་དང་། མཁས་པ་དང་། སྤྱོད་པ་གསལ་བ་དང་། བརྟག་པ་བརྒྱད་པོ་འདི་ལྟ་སྟེ། རིན་པོ་ཆེ་བརྟག་པ་དང་། གཞི་བརྟག་པ་དང་། གོས་བརྟག་པ་དང་། ཤིང་བརྟག་པ་དང་། གླང་པོ་ཆེ་བརྟག་པ་དང་། རྟ་བརྟག་པ་དང་། བུད་མེད་བརྟག་པ་དང་། སྐྱེས་པ་བརྟག་པ་ལ་མཁས་པར་
D3.005.0254a05.01གྱུར་ཏོ། །རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། ལྗོངས་ཀྱི་དབང་ཕྱུག་མཐུ་དང་བརྩོན་འགྲུས་ཐོབ་པ། ས་ཆེན་པོའི་དཀྱིལ་འཁོར་མངོན་པར་རྒྱལ་བར་བྱས་ཏེ་གནས་པ་རྣམས་ཀྱི་བཟོའི་གནས་དང་། ལས་ཀྱི་གནས་ཐ་དད་པར་གྱུར་པ་གང་དག་ཡིན་པ་འདི་ལྟ་སྟེ། གླང་པོ་
D3.005.0254a06.01ཆེའི་གཉར་བཞོན་པ་དང་། རྟ་ལ་བཞོན་པ་དང་། ཤིང་རྟའི་ཐབས་དང་། རལ་གྲིའི་ཐབས་དང་། འཕོང་དང་། ཕྱིར་བསྣུར་བ་དང་། མདུན་དུ་བསྣུར་བ་དང་། ལྕགས་ཀྱུས་སྒྱུར་ཐབས་དང་། ཞགས་པ་གདབ་པ་དང་། མདའ་བོ་ཆེ་འཕེན་ཐབས་དང་། འཛིན་སྟངས་དང་། གོམས་
D3.005.0254a07.01