完整藏文原文 · 德格版页 当前仅加载第 5 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
ཐོས་ལ་ཀུན་ཤེས་པ་བརྡ་སྤྲོད་པ་དག་ཐོས་པ་དང་། ཆོས་ཀྱི་ལོངས་སྤྱོད་དང་། ཟང་ཟིང་གི་ལོངས་སྤྱོད་ཡོད་པ་དང་། སངས་རྒྱས་ཀྱི་རྒྱུ་བ་ལ་གནོད་པ་ཉུང་བ་ཡིན་གྱིས། བདག་ཀྱང་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོས་ཕྱིར་ལྡོག་པར་བྱའོ་སྙམ་ནས།
D3.005.0149a01.01ཚེ་དང་ལྡན་པ་འཆར་ཀ་ཕྱིར་ལོག་གོ། །དེའི་བར་སྐབས་སུ་གཏུམ་མོའི་ཁྱིམ་དུ་བུ་མོ་ཞིག་ལ་ཁྱེའུ་ཞིག་བཙས་ནས་གཏུམ་མོས་ཁྱེའུ་དེའི་མ་ལ་སྨྲས་པ། བུ་མོ་ཁྱེའུ་འདི་ཁྲུས་གྱིས་ལ་གོས་དཀར་པོས་དཀྲིས་ཏེ་དྲང་སྲོང་གི་སྟན་འདི་ལ་སྙོལ་ཅིག་དང་ཡུན་རིང་དུ་འཚོ་བར་འགྱུར་ཞིང་ཚེ་རིང་དུ་སྐྱོང་བར་འགྱུར་
D3.005.0149a02.01རོ། །བུ་མོ་དེས་ཁྱེའུ་དེ་ཁྲུས་བྱས་ཏེ་གོས་དཀར་པོས་དཀྲིས་ནས་དྲང་སྲོང་གི་སྟན་དེ་ལ་རྟག་ཏུ་བསྙལ་ལོ། །ཚེ་དང་ལྡན་པ་འཆར་ཀ་ཡང་ཉི་མ་གཞན་ཞིག་ན་བསོད་སྙོམས་ལ་ཞུགས་ནས་གཏུམ་མོའི་ཁྱིམ་ག་ལ་བ་དེར་སོང་ངོ་། །དགྲ་བཅོམ་པ་དག་ནི་མ་བསམས་པར་ཤེས་པ་
D3.005.0149a03.01དང་མཐོང་བ་མི་འཇུག་པས། ཚེ་དང་ལྡན་པ་འཆར་ཀ་དེ་བཞིན་དུ་དྲང་སྲོང་གི་སྟན་དེ་ལ་འདུག་པ་དང་། བུད་མེད་ཀྱི་ཡུལ་དེ་བརྟད་པ་དང་བཅས་ཤིང་འཕགས་པ་ཁྱེའུ་འཕགས་པ་ཁྱེའུ་ཞེས་ཟེར་ནས་ཚེ་དང་ལྡན་པ་འཆར་ཀ་མྱུར་དུ་ལངས་ཏེ་བལྟས་ན་ཁྱེའུ་དུས་ལ་བབ་པ་མཐོང་ངོ་། །ཁྱིམ་
D3.005.0149a04.01མི་དག་གིས་ཆོ་ངེས་གདབ་པར་བརྩམས་པ་དང་། ཚེ་དང་ལྡན་པ་འཆར་ཀས་སྨྲས་པ། སྲིང་མོ་མ་ངུ་ཤིག །སེམས་ཅན་འདིས་ཚེ་ཐུང་བར་འགྱུར་བའི་ལས་བྱས་ཏེ། བཅོམ་ལྡན་འདས་ཀྱིས་ཀྱང་འདུ་བྱེད་ཐམས་ཅད་ནི་མི་རྟག་གོ། །ཞེས་གསུངས་སོ། །དེ་ལྟ་མོད་ཀྱི་
D3.005.0149a05.01འདི་ལ་ཁོ་བོས་ངུད་མོས་གདབ་པར་བྱ་བ་ཡིན་ཏེ། འདི་ལྟར་ཁོ་བོས་དགྲ་བཅོམ་པ་ཉིད་ཐོབ་ཀྱང་ཁོ་བོ་ལས་བརྟེན་ཏེ་བཅོམ་ལྡན་འདས་ཀྱིས་འདུལ་བ་ལ། ཉན་ཐོས་རྣམས་ཀྱིས་བསླབ་པའི་གཞི་འཆའ་བར་འགྱུར་རོ། །དེས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་
D3.005.0149a06.01ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་འཆར་ཀ་ལ་ནི་ལྟུང་བ་མེད་དེ། ཡང་དགེ་སློང་གིས་ཁྱིམ་གཞན་དུ་སྟན་ལ་མ་བརྟགས་པར་འདུག་པར་མི་བྱའོ། །འདུག་ན་འགལ་ཚབས་ཅན་དུ་འགྱུར་རོ། །སངས་རྒྱས་
D3.005.0149a07.01