完整藏文原文 · 德格版页 当前仅加载第 5 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དེ་དག་བདག་ཅག་གིས་ཞིང་རྣམས་ཀྱི་བདག་པོར་བསྐོས་ནས། བདག་ཅག་ལས་གང་ཆད་པས་གཅད་པར་བྱ་བ་ཡང་ཆད་པས་གཅོད་པར་འགྱུར་ཞིང་། ཕན་གདགས་པར་བྱ་བ་ལ་ཡང་ཕན་འདོགས་པར་འགྱུར་ལ། བདག་ཅག་གི་ཞིང་དག་ལས་ཅི་འབྱུང་བར་འགྱུར་
D3.005.0111b01.01བ་དེ་ལས་ཆོས་དང་ལྡན་པའི་ཐོག་ཤས་ཀྱང་དབུལ་བར་བྱའོ་སྙམ་ནས་སེམས་ཅན་དེ་དག་འདུས་ཤིང་ལྷགས་ནས་དེ་དག་གི་ནང་ནས་སེམས་ཅན་གང་ཆེས་གཟུགས་བཟང་བ། ཆེས་བལྟ་ན་སྡུག་པ། ཆེས་མཛེས་པ། ཆེས་ལུས་ཆེ་བ་དེ་ཞིང་རྣམས་ཀྱི་བདག་པོར་བསྐོ་ཞིང་འདི་
D3.005.0111b02.01སྐད་ཅེས། ཀྱེ་སེམས་ཅན་ཁྱོད་ཚུར་སྤྱོན། ཁྱོད་ཀྱིས་བདག་ཅག་ལས་གང་ཆད་པས་གཅད་པར་བྱ་བ་ཡང་ཆད་པས་ཆོད་ཅིག་ཕན་གདགས་པར་བྱ་བ་ལ་ཡང་ཕན་ཐོགས་ཤིག །བདག་ཅག་གི་ཞིང་དག་ལས་ཅི་འབྱུང་བ་དེ་ལས་ཀྱང་བདག་ཅག་གིས་ཁྱོད་ལ་ཆོས་དང་
D3.005.0111b03.01མཐུན་པའི་ཐོག་ཤས་དབུལ་ལོ་ཞེས་སྨྲས་ཏེ། དེ་ལྟར་སྐྱེ་བོ་མང་པོས་བཀུར་ཅིང་སྐྱེ་བོ་མང་པོས་བཀུར་བས་དེ་མང་པོས་བཀུར་བ་མང་པོས་བཀུར་བ་ཞེས་བྱ་བའི་མིང་དུ་གྱུར་ཏོ། །ཞིང་རྣམས་ཀྱི་བདག་པོ་དང་། སྨས་པ་ལས་སྐྱོང་བར་བྱེད་པས་རྒྱལ་རིགས་རྒྱལ་རིགས་
D3.005.0111b04.01ཞེས་བྱ་བའི་མིང་དུ་གྱུར་ཏོ། །ཚུལ་ཁྲིམས་ཀྱི་སྤྱོད་པ་ཀུན་ཏུ་སྤྱོད་པ་དང་། ཤེས་རབ་ཀྱི་སྤྱོད་པ་ཀུན་ཏུ་སྤྱོད་པས་ཆོས་ཀྱིས་སྐྱེ་དགུ་དགའ་བར་བྱེད་པས་རྒྱལ་པོ་རྒྱལ་པོ་ཞེས་བྱ་བའི་མིང་དུ་གྱུར་ཏོ། །དགེ་སློང་དག་འདི་ནི་རྒྱལ་རིགས་ཀྱི་དཀྱིལ་འཁོར་འཇིག་རྟེན་དུ་འབྱུང་
D3.005.0111b05.01བའི་དང་པོ་རྩོམ་པ་ཡིན་ཏེ། དེ་ཡང་ཆོས་ཀྱིས་ཡིན་གྱི་ཆོས་མ་ཡིན་པས་ནི་མ་ཡིན་ནོ། །དེ་ལ་ཆོས་ནི་འདི་ཡིན་ཏེ། རྒྱལ་བ་དབང་པོ་རྣམས་ཀྱི་ཆོས་མཆོག་ཡིན་ནོ། །དགེ་སློང་དག་བྲམ་ཟེའི་དཀྱིལ་འཁོར་འཇིག་རྟེན་དུ་འབྱུང་བའི་དང་པོ་རྩོམ་པ་གང་ཞེ་ན། དགེ་
D3.005.0111b06.01སློང་དག་དེ་ནས་སེམས་ཅན་ཁ་ཅིག་གིས་ཡོངས་སུ་འཛིན་པ་ནི་ནད་དོ། །ཡོངས་སུ་འཛིན་པ་ནི་འབྲས་སོ། །ཡོངས་སུ་འཛིན་པ་ནི་ཟུག་རྔུའོ། །ཡོངས་སུ་འཛིན་པ་ནི་སྡུག་བསྔལ་གྱི་རྩ་བའོ་ཞེས་བྱ་བར་རིག་ནས། གྲོང་ནས་དགོན་པའི་གནས་སུ་དོང་སྟེ། ཡལ་
D3.005.0111b07.01