完整藏文原文 · 德格版页 当前仅加载第 5 函德格 45b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱིམ་གྱི་སོ་ཚིས་དག་བྱེད་དོ། །དེས་སྨྲས་པ། ཁྱོད་ཅིའི་ཕྱིར་རང་ཉིད་ཀྱིས་ཁྱིམ་གྱི་སོ་ཚིས་བྱེད། ཁྱིམ་བདག་གིས་སྨྲས་པ། ཁོ་བོས་ཆུང་མ་གཅིག་བླངས་པ་དང་དེ་རང་གི་ལས་དག་གིས་དུས་ལ་བབ་བོ། །གཉིས་པ་བླངས་པ་དང་དེ་ཡང་དུས་ལ་བབ་བོ། །དེ་བཞིན་དུ་ཆུང་མ་བདུན་
D3.005.0045b01.01པའི་བར་དུ་བླངས་པ་དང་དེ་ཡང་དུས་ལ་བབ་བོ། །དེས་སྨྲས་པ། གཞན་དག་ཅིའི་ཕྱིར་མི་སློང་། ཁྱིམ་བདག་གིས་སྨྲས་པ། བསླངས་ན་མི་སྟེར་ཅིང་ངེད་ཀྱིས་ཅིའི་ཕྱིར་བུ་མོ་ཡོངས་སུ་གཏང་མི་སྦྱིན་ནོ་ཞེས་ཟེར་རོ། །དེས་སྨྲས་པ། ཡུགས་ས་མོ་དག་ཅིའི་ཕྱིར་མི་སློང་། །
D3.005.0045b02.01ཁྱིམ་བདག་གིས་སྨྲས་པ། བསླངས་ཏེ་དེ་དག་ཀྱང་ཁོ་མོ་ཅག་གིས་ཅིའི་ཕྱིར་བདག་ཡོངས་སུ་གཏང་ན་ཁྱོད་ཀྱི་ཁྱིམ་དུ་འཇུག་ཅེས་ཟེར་རོ། །ཁྱིམ་བདག་དེའི་ཁྱིམ་གྱི་ཧ་ཅང་ཡང་མི་རིང་བ་ན་ཚོགས་ཅན་མ་རྒན་མོ་ཞིག་འདུག་ནས་ཆུང་པོ་གྲོགས་དེས་ཁྱིམ་བདག་ལ་སྨྲས་པ།
D3.005.0045b03.01ཚོགས་ཅན་མ་རྒན་མོ་དེ་ཅིའི་ཕྱིར་འཇུག་ཏུ་མི་གཞུག །ཁྱིམ་བདག་གིས་སྨྲས་པ། ཅི་ཁོ་བོས་འཇུད་མཐུན་མའི་ཁྱིམ་བྱའམ། དེས་སྨྲས་པ། ཚོགས་ཅན་མ་དེ་སྡིག་པ་ཅན་དམ་པ་མ་ཡིན་པའི་ཆོས་དེ་ལས་ཕྱིར་ལོག་གིས་འཇུག་ཏུ་ཆུག་ཤིག །ཁྱིམ་བདག་དེ་ཆུང་པོ་གྲོགས་དེས་ནན་
D3.005.0045b04.01གྱིས་མནན་པ་ན་ཚོགས་ཅན་མ་དེའི་གན་དུ་སོང་སྟེ་བདེ་ལེགས་བདེ་ལེགས་ཞེས་སྨྲས་པ་དང་། རྒན་མོས་སྨྲས་པ། བྱོན་པ་(ལགས་,ལེགས་)སོ་ཅི་བཞེད། ཁྱིམ་བདག་གིས་སྨྲས་པ། ཁྱོད་འཚལ་ན་ཁྱོད་སུའི། རྒན་མོས་སྨྲས་པ། བདག་ལ་ཟས་དང་གོས་སྦྱིན་པ་གང་ལགས་པའིའོ། །
D3.005.0045b05.01ཁྱིམ་བདག་གིས་སྨྲས་པ། ཁྱོད་སྔོན་གྱི་ཉོན་མོངས་པ་དག་ཀུན་དུ་མི་སྤྱོད་དམ། རྒན་མོས་སྨྲས་པ། ཅི་བདག་གིས་སྐྱེས་པ་མི་མཐོང་ངམ། བདག་སྡིག་པ་ཅན་དམ་པ་མ་ལགས་པའི་ཆོས་དེ་ལས་ནི་ཕྱིར་ལོག་གོ། །ཁྱིམ་བདག་གིས་སྨྲས་པ། ཚུར་སྤྱོན་བཞུད་བདག་གིས་ཁྱོད་ཀྱི་ན་
D3.005.0045b06.01བཟའ་དང་བཤོས་གསོལ་གྱིས། ཁྱོད་ཀྱིས་བདག་གི་ཁྱིམ་གྱི་སོ་ཚིས་དག་མཛོད་ཅིག །ཁྱིམ་བདག་དེས་ཚོགས་ཅན་མ་རྒན་མོ་དེ་ཁྱིམ་དུ་བཅུག་སྟེ། ལྡེ་མིག་དང་ལྡེ་མིག་ཀྱོག་པོ་དག་གཏད་ནས་སྨྲས་པ། འདི་ཁྱོད་ཀྱི་ཁྱིམ་ཡིན་གྱིས་ཁྱོད་ཀྱིས་བྱིན་པས་ཁོ་བོ་བྱ་བ་བྱེད་དོ། །ཚོགས་
D3.005.0045b07.01