完整藏文原文 · 德格版页 当前仅加载第 5 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་གིས་སྐྱེས་པ་དང་། བུད་མེད་དང་། མ་ནིང་ལ་གསད་པའི་སེམས་ཀྱིས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། ཏིལ་བྲེའུ་ཆུང་གང་ངམ། ཡུངས་ཀར་བྲེའུ་ཆུང་གང་གཏུན་དུ་བླུགས་ཏེ་གཏུན་བུའི་རྩེ་མོས་རྡུང་བར་བྱེད། གསང་
D3.005.0144a01.01སྔགས་རྗོད་པར་བྱེད་ཅིང་། འབྲུ་འདི་དག་ཀྱང་འདྲེས་པར་གྱུར་ཅིག་སྐྱེས་པའམ། བུད་མེད་དམ། མ་ནིང་ཆེ་གེ་མོ་ཞིག་གི་སྲོག་ཀྱང་ཉེ་བར་འགག་པར་གྱུར་ཅིག་སྙམ་པ་ལས། གལ་ཏེ་འབྲུ་དེ་དག་འདྲེ་བ་ན་སྐྱེས་པ་འམ། བུད་མེད་དམ། མ་ནིང་དེའི་སྲོག་ཉེ་བར་འགགས་པར་མ་གྱུར་
D3.005.0144a02.01ན་དགེ་སློང་ལ་ཉེས་པ་སྦོམ་པོར་འགྱུར་རོ། །གལ་ཏེ་འབྲུ་དེ་དག་འདྲེས་པར་གྱུར་པ་ན་སྐྱེས་པ་འམ། བུད་མེད་དམ། མ་ནིང་དེའི་སྲོག་ཀྱང་ཉེ་བར་འགགས་པར་གྱུར་ན་དགེ་སློང་ཕམ་པར་འགྱུར་རོ། །དགེ་སློང་གིས་སྐྱེས་པ་དང་། བུད་མེད་དང་། མ་ནིང་ལ་གསད་པའི་སེམས་ཀྱིས་
D3.005.0144a03.01ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། འོ་མ་བྲེའུ་ཆུང་གང་ངམ། ཞོ་བྲེའུ་ཆུང་གང་སྣོད་དུ་བླུགས་ཏེ་སོར་མོས་དཀྲུག་པར་བྱེད། གསང་སྔགས་རྗོད་པར་བྱེད་ཅིང་། འདི་ཡང་ཁྲག་ཏུ་གྱུར་ཅིག །སྐྱེས་པ་འམ། བུད་མེད་དམ། མ་ནིང་ཆེ་གེ་མོ་ཞིག་
D3.005.0144a04.01གི་སྲོག་ཀྱང་ཉེ་བར་འགག་པར་གྱུར་ཅིག་སྙམ་པ་ལས་གལ་ཏེ་དེ་ཁྲག་ཏུ་འགྱུར་བ་ན་སྐྱེས་པ་འམ། བུད་མེད་དང་། མ་ནིང་དེའི་སྲོག་ཉེ་བར་འགགས་པར་མ་གྱུར་ན། དགེ་སློང་ལ་ཉེས་པ་སྦོམ་པོར་འགྱུར་རོ། །གལ་ཏེ་དེ་ཁྲག་ཏུ་གྱུར་པ་ན། སྐྱེས་པ་འམ། བུད་མེད་དམ། མ་
D3.005.0144a05.01ནིང་དེའི་སྲོག་ཀྱང་ཉེ་བར་འགགས་པར་གྱུར་ན་དགེ་སློང་ཕམ་པར་འགྱུར་རོ། །དགེ་སློང་གིས་སྐྱེས་པ་དང་། བུད་མེད་དང་། མ་ནིང་ལ་གསད་པའི་སེམས་ཀྱིས་ཚོན་སྣ་ལྔའི་སྐུད་པས་སྣམ་སྦྱར་ལ་འཚེམ་པར་བྱེད། གསང་སྔགས་རྗོད་པར་བྱེད་ཅིང་། སྣམ་སྦྱར་འདི་ཡང་བཙེམས་པར་
D3.005.0144a06.01གྱུར་ཅིག །སྐྱེས་པ་འམ། བུད་མེད་དམ། མ་ནིང་ཆེ་གེ་མོ་ཞིག་གི་སྲོག་ཀྱང་ཉེ་བར་འགགས་པར་གྱུར་ཅིག་སྙམ་པ་ལས་གལ་ཏེ་སྣམ་སྦྱར་དེ་འཚེམ་པ་ན་སྐྱེས་པ་འམ། བུད་མེད་དམ། མ་ནིང་དེའི་སྲོག་ཉེ་བར་འགགས་པར་མ་གྱུར་ན་དགེ་སློང་ལ་ཉེས་པ་སྦོམ་པོར་འགྱུར་རོ། །གལ་
D3.005.0144a07.01