完整藏文原文 · 德格版页 当前仅加载第 5 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་བསྙེན་བཀུར་བ་དགེ་སློང་ཀུན་དགའ་བོ་དང་དབྱར་གནས་པར་ཁས་ལེན་གྱིས། ཐམས་ཅད་ཉིད་ནི་བསོད་སྙོམས་ཀྱིས་ཉོན་མོངས་པར་གྱུར་ན་མི་རུང་ངོ་། །དགེ་སློང་དེ་དག་གིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་སྨོན་འགྲིན་
D3.005.0179a01.01ཇི་ལྟ་བ་དང་། ཕེབས་པར་སྨྲ་བ་ཇི་ལྟ་བ་དང་། འགྲོགས་བཤེས་ཇི་ལྟ་བས་ཡངས་པ་ཅན་གྱི་ཉེན་ཀོར་སྤོང་བྱེད་ཀྱི་གྲོང་དུ་དབྱར་གནས་པར་ཁས་བླངས་སོ། །བཅོམ་ལྡན་འདས་ཀྱང་འོད་མ་ཅན་གྱི་གྲོང་དེ་ཉིད་དུ་བསྙེན་བཀུར་བ་ཚེ་དང་ལྡན་པ་ཀུན་དགའ་བོ་དང་དབྱར་གནས་པར་ཞལ་
D3.005.0179a02.01གྱིས་བཞེས་སོ། །དེ་ནས་དགེ་སློང་ལྔ་བརྒྱ་པོ་དེ་དག་འདི་སྙམ་དུ་སེམས་ཏེ། ཚེ་དང་ལྡན་པ་དག་ཤེས་པར་གྱིས་ཤིག །བཅོམ་ལྡན་འདས་ཀྱིས་འདི་སྐད་ཅེས། དགེ་སློང་དག་ད་ལྟར་མུ་གེ་ཉམ་ང་བ་དགོན་པ་སློང་མོ་པས་ཟས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་དག་ལ་ཟས་
D3.005.0179a03.01སྦྱིན་པ་དང་བྱ་བར་སེམས་པ་དཀའ་ན་སློང་མོ་པ་དག་ལ་ལྟ་སྨོས་ཀྱང་ཅི་དགོས་པ་དག་བྱུང་གིས། དགེ་སློང་ཁྱེད་ཅག་ཚུར་ཤེག་ལ། སྨོས་འདྲིན་ཇི་ལྟ་བ་དང་། ཕེབས་པར་སྨྲ་བ་ཇི་ལྟ་བ་དང་། འགྲོགས་བཤེས་ཇི་ལྟ་བས་ཡངས་པ་ཅན་གྱི་ཉེན་ཀོར་སྤོང་བྱེད་ཀྱི་གྲོང་དུ་དབྱར་གནས་པར་
D3.005.0179a04.01ཁས་ལོང་ཤིག །ང་ཡང་འོད་མ་ཅན་གྱི་གྲོང་འདི་ཉིད་དུ་བསྙེན་བཀུར་བ་དགེ་སློང་ཀུན་དགའ་བོ་དང་དབྱར་གནས་པར་ཁས་ལེན་གྱིས། ཐམས་ཅད་ཉིད་ནི་བསོད་སྙོམས་ཀྱིས་ཉོན་མོངས་པར་གྱུར་ན་མི་རུང་ངོ་ཞེས་བཀའ་སྩལ་ན། འདི་ན་བདག་ཅག་ལ་ཉེ་དུ་འགའ་ཡང་མེད་དེ་ཉ་པའི་
D3.005.0179a05.01གྲོང་ན་བདག་ཅག་གི་ཉེ་དུ་དག་འཁོད་ཀྱིས་བདག་ཅག་ཉ་པའི་གྲོང་དུ་དོང་སྟེ་ཉེ་དུ་རྣམས་བལྟས་ནས་ཉ་པའི་གྲོང་གི་ཉེན་ཀོར་དུ་ལོ་མ་དང་འདབ་མའི་སྦྱིལ་བུ་དག་བྱས་ཏེ་དབྱར་གནས་པར་ཁས་བླང་བར་བྱ་གོར་མ་ཆག་སྙམ་མོ། །དེ་ནས་དགེ་སློང་ལྔ་བརྒྱ་པོ་དེ་དག་ཉ་པའི་གྲོང་དུ་དོང་སྟེ་ཉེ་དུ་དག་ལ་
D3.005.0179a06.01བལྟས་ནས་ཉ་པའི་གྲོང་གི་ཉེན་ཀོར་དུ་ལོ་མ་དང་འདབ་མའི་སྦྱིལ་བུ་དག་བྱས་ཏེ་དབྱར་གནས་པར་ཁས་བླངས་སོ། །དེ་དག་འདི་སྙམ་དུ་སེམས་ཏེ། ཚེ་དང་ལྡན་པ་དག་ཤེས་པར་གྱིས་ཤིག །བདག་ཅག་ནི་ཐོས་པ་ཉུང་ངུ་དང་ལྡན་པ་དག་ཡིན་པས་བདག་ཅག་གི་ཉེ་དུ་དག་ཉེ་བར་འོང་
D3.005.0179a07.01