完整藏文原文 · 德格版页 当前仅加载第 5 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་མ་རྒན་མོ་དེ་ཀུན་ནས་དཀྲིས་པ་དང་བྲལ་བར་གྱུར་པ་དེའི་ཚེ་དགེ་སློང་དེ་སད་པར་བྱས་ཏེ་སྨྲས་པ། འཕགས་པ་བདག་གི་སྡུམ་པ་ཕྱོགས་ག་གེ་མོ་ཞིག་ན་མཆིས་ཀྱིས། གལ་ཏེ་ཡང་བཞེད་པར་གྱུར་ན་སྤྱོན་ཅིག །དགེ་སློང་དེས་སྨྲས་པ། སྐལ་ཆད་མ་བསྟི་གནས་སུན་པར་བྱེད་པ་དེ་ཡང་
D3.005.0046b01.01རེ་ཞིག་ཁོ་བོ་བདག་གིར་མི་བྱེད་ན། ཁྱོད་ཀྱི་ཁྱིམ་དུ་འོང་བར་འགྱུར་རེ་སྐན། དགེ་སློང་དེ་བདག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས་དེས་དགེ་སློང་རྣམས་ལ་སྐབས་དེ་རྒྱས་པར་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་།
D3.005.0046b02.01དེ་ནས་བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། དགེ་སློང་ཁྱོད་ཀྱིས་རེག་པ་བདག་གིར་མ་བྱས་སམ། དེས་གསོལ་པ། བཙུན་པ་བདག་གིས་རེག་པ་བདག་གིར་མ་བགྱིས་ཏེ། བདག་དང་པོ་ཉིད་ནས་གཉིད་སྟུག་པོས་ནོན་པས་རེག་པ་བདག་གིར་བགྱིད་
D3.005.0046b03.01པར་ག་ལ་འགྱུར། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་སློང་རེག་པ་བདག་གིར་མ་བྱས་པ་འདི་ལ་ནི་ལྟུང་བ་མེད་མོད་ཀྱི། འོན་ཀྱང་ངས་དགེ་སློང་གྲོང་མཐའ་པའི་ཀུན་དུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་གྲོང་མཐའ་
D3.005.0046b04.01པ་ཉིན་པར་གློས་ཕབ་སྟེ་གཉིད་ལོག་པས་སྒོ་སྒོ་གཏན་གྱིས་གཅད་པར་བྱ་བ་འམ། སྲུང་མ་དགེ་སློང་གཞག་པར་བྱ་བའམ། གོས་བཅིང་བར་བྱའོ། །སྒོ་སྒོ་གཏན་གྱིས་གཅོད་པར་མི་བྱེད་དམ། སྲུང་མ་དགེ་སློང་འཇོག་པར་མི་བྱེད་དམ་གོས་འཆིང་བར་མི་བྱེད་པར་ཉིན་པར་
D3.005.0046b05.01དེ་བཞིན་དུ་གློས་ཕབ་སྟེ་གཉིད་ལོག་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་དགོན་པ་པ་བསམ་གཏན་བཞི་པ་ཐོབ་པ་ཞིག་འདུག་
D3.005.0046b06.01པ་དེ་ཡང་དང་ཡང་དུ་བཅོམ་ལྡན་འདས་དང་། དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་བྱ་བའི་ཕྱིར་ཉེ་བར་འགྲོ་བས་དེ་དགེ་སློང་གསར་བུ་གསར་བུ་དག་གིས་ངོ་ཤེས་པར་བྱས་སོ། །དེ་ལ་དུས་གཞན་ཞིག་ན་གཡན་པའི་ནད་བྱུང་ནས་དེ་ལ་དགེ་སློང་གསར་བུ་
D3.005.0046b07.01