完整藏文原文 · 德格版页 当前仅加载第 5 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
ཁོ་བོས་མདང་སུམ་མིག་ལམ་ཆད་པ་ན་ཕྱོགས་འདི་ན་དྲུག་སྡེ་དག་མི་སྟ་རེ་དང་། གཞོར་དང་། གླེ་བ་དག་གིས་ལག་བྲེལ་བ་དག་དང་ལྷན་ཅིག་འདུག་པ་མཐོང་ན་དེ་དག་གིས་བཅད་པར་མ་གྱུར་ཏམ། བྲམ་ཟེས་སྨྲས་པ། ཀྱེ་ནང་པོ་འོན་ཏང་དེ་ལགས་སོ་ཞེས་དེ་དག་
D3.005.0249a01.01དེ་བཞིན་དུ་སེམས་ཁོང་དུ་ཆུད་ཅིང་འཁོད་པ་ན་དྲུག་སྡེ་དག་ལྷགས་ནས་དེ་དག་གིས་སྨྲས་པ། བྲམ་ཟེ་དག་ཅིའི་ཕྱིར་སེམས་ཁོང་དུ་ཆུད་ཅིང་འཁོད། འཕགས་པ་དག་ཕྱོགས་འདི་ན་གནས་ཀྱི་ཤིང་ལྗོན་པ་ཞིག་མཆིས་པར་གྱུར་པ་དེ་མཚན་མོ་གཞན་གྱིས་གར་མཆིས་མ་འཚལ་ཏོ། །
D3.005.0249a02.01དྲུག་སྡེ་དག་གིས་བགད་པར་བརྩམས་པ་དང་། བྲམ་ཟེས་སྨྲས་པ། འཕགས་པ་དག་ཁྱེད་ཅག་གིས་མ་བཀུམ་མམ། བཀྲེན་པ་དག་ཁྱེད་ཅག་རྟག་ཏུ་དེའི་དྲུང་ན་འཁོད་ཅིང་ཁོ་བོ་ཅག་ལ་ཀྱེ་དྲུག་སྡེ་དག་ཅི་བསོད་སྙོམས་མཆོག་དང་། བསོད་སྙོམས་དང་པོ་ཐོབ་བམ། སྣོད་
D3.005.0249a03.01ཁེངས་སམ་ཞེས་ཅོ་འདྲི་བར་བྱེད་པས། དེའི་ཕྱིར་འདི་ལྟར་ཁྱེད་ཅག་མི་དགའ་བར་བྱའོ། །དེ་དག་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ། །བྲམ་ཟེའི་ཚུལ་ནི་ཚིག་སྟེ། འདི་ལྟར་གནས་ཀྱི་ཤིང་ལྗོན་པ་ཡང་གཅོད་པར་གྱུར་ཏོ་ཞེས་སྨོད་པར་བྱེད། ཕྱར་ཀ་གཏོང་
D3.005.0249a04.01བར་བྱེད། ཁ་ཟེར་བར་བྱེད་དོ། །ཐོས་པ་གཅིག་ནས་གཅིག་ཏུ་བརྒྱུད་པས་ཀཽ་ཤཱམྦཱི་ན་གནས་པའི་སྐྱེ་བོའི་ཚོགས་དང་། ཡུལ་ཐ་དད་པ་ན་གནས་པ་དེར་ལྷགས་པ་དག་གིས་ཀྱང་ཐོས་ནས་དེ་དག་ཀྱང་ལམ་པོ་ཆེ་དང་། སྲང་དང་། བཞི་མདོ་དང་། སུམ་མདོ་དག་ན་སྨོད་པར་
D3.005.0249a05.01བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་ཅིང་གང་དག་མ་དད་པ་དེ་དག་གིས་ནི་བསོད་སྙོམས་ལ་ཞུགས་པ་དག་ལ་ཡང་བསོད་སྙོམས་སྦྱིན་པར་མི་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་།
D3.005.0249a06.01གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་བདག་པོ་ཡོད་པ་དགེ་འདུན་གྱི་ཕྱིར་གཙུག་ལག་ཁང་ཆེན་
D3.005.0249a07.01