完整藏文原文 · 德格版页 当前仅加载第 5 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
སློང་ལྷན་ཅིག་གནས་པ་དང་། ཉེ་གནས་དག་གིས་རྐུ་སེམས་ཀྱིས་མཁན་པོ་དང་། སློབ་དཔོན་དག་གི་ཆོས་གོས་དག་རྐུ་བར་བྱེད་ཅིང་དེ་དག་གིས་དེ་དག་ཁྱེར་ཏེ་གནས་ཁང་ནས་ཁྱམས་སུ་དང་། ཁྱམས་ནས་གནས་ཁང་དུ་འཇུག་པ་དང་། གནས་ཁང་ནས་ཡང་ཁྱམས་
D3.005.0071b01.01སུ་འབྱུང་བ་དང་། སྟེང་གི་གཞིར་འཛེག་པ་དང་། དེ་ནས་ཡང་འབབས་ཤིང་འོག་གི་གཞིར་འབབ་པ་དང་། སྒོ་ཁང་དུ་འཇུག་པ་དང་། སྒོ་ཁང་ནས་ཕྱི་རོལ་གྱི་བང་རིམ་དུ་འབྱུང་བ་དང་། ཕྱི་རོལ་གྱི་བང་རིམ་ནས་ལྕོང་དུ་འབབ་པ་དང་། ལྕོང་ནས་ཐང་ལ་འཛེག་པ་དང་། ཐང་
D3.005.0071b02.01ནས་ཡང་ལྕོང་དུ་འབབ་པ་དང་། ལྕོང་ནས་ཐིབས་པོར་འཇུག་པ་དང་། ཐིབས་པོ་ནས་བླ་གབ་མེད་པར་འབྱུང་བར་བྱེད་ན་ཐམས་ཅད་དུ་ཡང་གོམ་པ་རེ་རེ་ལ་ཉེས་བྱས་སུ་འགྱུར་རོ། །ཇི་སྲིད་དུ་མིག་སྔར་སྣང་བར་གྱུར་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །མིག་སྔར་སྣང་བར་མ་
D3.005.0071b03.01གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ།། །།སྡོམ་ལ། རྐུན་ཤས་ནོད་པར་བྱེད་པ་དང་། །འགྱོད་པར་གྱུར་ཅིང་ཟློག་བྱེད་དང་། །ཁྱིམ་དུ་སྦྲོན་པར་བྱེད་པ་ཡི། །སྡེ་ཚན་
D3.005.0071b04.01ཡང་དག་བསྡུས་པ་ཡིན། །འདི་ལྟར་དགེ་སློང་དགོན་པ་ན་གནས་པ་དེ་ལ་ཆོམ་རྐུན་པ་གྲོང་འཇོམས་པ་དག་འོངས་ཏེ་རྨས་པ། འཕགས་པ་གྲོང་ཆེ་གེ་མོ་ཞིག་ཤེས་སམ། ཤེས་སོ། །འཕགས་པ་འོ་ན་གྲོང་དེར་བུད་མེད་མང་བ་དང་། སྐྱེས་པ་ཉུང་བ་དང་། ལ་གཅན་པ་
D3.005.0071b05.01དང་། ཐག་རིང་བ་དང་། ཁྱི་ཟ་བ་མེད་པ་དང་། འཇུག་སླ་བ་དང་། འབྱུང་སླ་བ་དང་། བདག་ཅག་གིས་དེར་མི་སྨས་མི་ཉམས་པར་ལས་བྱ་བར་ནུས་སམ། བདེ་ལེགས་སུ་ཕྱིར་འོངས་ན་འཕགས་པ་ལ་ཡང་སྐལ་བ་སྦྱིན་ནོ་ཞེས་ཟེར་བ་ལ། གལ་ཏེ་དགེ་སློང་གིས་འདི་
D3.005.0071b06.01སྐད་ཅེས་ཤེས་ལྡན་དག་གྲོང་དེ་ཏེ་པོར་བུད་མེད་མང་བ་དང་། སྐྱེས་པ་ཉུང་བ་དང་། ལ་གཅན་པ་དང་། ཐག་རིང་བ་དང་། ཁྱི་ཟ་བ་མེད་པ་དང་། འཇུག་སླ་བ་དང་། འབྱུང་སླ་བ་དང་། ཁྱེད་ཅག་གིས་དེར་མི་སྨས་མི་ཉམས་པར་ལས་བྱ་བར་ནུས་སོ་ཞེས་སྨྲས་ཏེ། ཆོམ་
D3.005.0071b07.01