完整藏文原文 · 德格版页 当前仅加载第 5 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་དགེ་སློང་དེ་ལ་སྨན་གང་ལགས་པ་དེ་ཉིད་སྨན་མ་ལགས་པ་ཉིད་དུ་གྱུར་པའི་རྒྱུ་ནི་གང་ལགས། རྐྱེན་ནི་གང་ལགས། བཅོམ་ལྡན་འདས་ཀྱིས་
D3.005.0150a01.01བཀའ་སྩལ་པ། དེ་སྔོན་ཁྱིམ་པའི་ཚེ་ན་རླུང་དང་བད་ཀན་ཅན་དུ་གྱུར་ལ། ད་ལྟར་ནི་རླུང་དང་མཁྲིས་པ་ཅན་དུ་གྱུར་པས་དེས་ན་དེ་ལ་སྨན་གང་ཡིན་པ་དེ་ཉིད་སྨན་མ་ཡིན་པ་ཉིད་དུ་གྱུར་ཏོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་
D3.005.0150a02.01ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལྷ་བརྒྱད་ཁྲི་དང་མ་ག་དྷཱར་བྱུང་བའི་བྲམ་ཟེ་དང་ཁྱིམ་བདག་བརྒྱ་སྟོང་ཕྲག་དུ་མ་དང་ལྷན་ཅིག་བདེན་པ་དག་ལ་བཀོད་པ་དེའི་ཚེ་ན་མ་ག་དྷཱར་བྱུང་
D3.005.0150a03.01བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་རྒྱལ་པོའི་ཁབ་ཏུ་འདི་སྐད་ཅེས་རྒྱལ་པོའི་ཁབ་ན་འཁོད་པ་དང་། ཕོ་བྲང་འཁོར་བ་དང་། ཡུལ་ཐ་དད་པ་ནས་ལྷགས་པའི་ཚོང་པའི་ཚོགས་ཤེས་ལྡན་དག་ཉོན་ཅིག །ངའི་ཡུལ་དུ་གང་གིས་ཀྱང་ཆོམ་རྐུན་མི་བྱའོ། །གང་ངའི་
D3.005.0150a04.01ཡུལ་དུ་ཆོམ་རྐུན་བྱེད་པ་དེ་ངས་ཡུལ་མེད་པར་བྱའོ། །བཅོམ་པ་རྣམས་ཀྱི་རྐུན་རྫས་ནི་ངའི་མཛོད་དང་བང་བ་ནས་སྦྱིན་ནོ་ཞེས་དྲིལ་གྱི་སྒྲ་བསྒྲགས་པ་བྱས་སོ། །གང་གི་ཚེ་བཅོམ་ལྡན་འདས་ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གཞོན་ནུའི་དཔེའི་མདོ་སྡེས་བཏུལ་བ་དེའི་ཚེ་ན་
D3.005.0150a05.01ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཀྱང་མཉན་ཡོད་དུ་འདི་སྐད་ཅེས་མཉན་ཡོད་ན་འཁོད་པ་དང་། ཕོ་བྲང་འཁོར་བ་དང་། ཡུལ་ཐ་དད་པ་ནས་ལྷགས་པའི་ཚོང་པའི་ཚོགས་ཤེས་ལྡན་དག་ཉོན་ཅིག །ངའི་ཡུལ་དུ་གང་གིས་ཀྱང་ཆོམ་རྐུན་མི་བྱའོ། །གང་ངའི་ཡུལ་དུ་ཆོམ་རྐུན་བྱེད་
D3.005.0150a06.01པ་དེ་ངས་བསད་པའི་གྱོད་ལ་བསྒྲིན་པར་བྱའོ། །བཅོམ་པ་རྣམས་ཀྱི་རྐུན་རྫས་ནི་ངའི་མཛོད་དང་བང་བ་ནས་སྦྱིན་ནོ་ཞེས་དྲིལ་གྱི་སྒྲ་བསྒྲགས་པ་བྱས་སོ། །དེའི་བར་སྐབས་ན་ཆོམ་རྐུན་པ་གང་དག་ཡུལ་མ་ག་དྷཱ་ན་གནས་པ་དག་དང་། ཆོམ་རྐུན་པ་གང་དག་ཡུལ་ཀོ་ས་ལ་ན་གནས་
D3.005.0150a07.01