完整藏文原文 · 德格版页 当前仅加载第 5 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་ཅིང་། དགེ་སློང་རྣམས་ཀྱིས་དེ་དག་ལ་ལས་འདི་ནི་རུང་བ་ཡིན་གྱིས་ཁྱེད་ཀྱིས་བྱའོ། །འདི་ནི་རུང་བ་མ་ཡིན་གྱིས་ཁྱེད་ཀྱིས་མི་བྱའོ་ཞེས་ལས་བསྟན་ནས། དེ་དག་ལས་རུང་བ་བྱེད་པས་ལྷ་འབངས་ལྷ་འབངས་ཞེས་བྱ་བའི་མིང་དུ་གྱུར་ཏོ། །དགེ་འདུན་གྱི་
D3.005.0103b01.01ཀུན་དགའ་ར་བ་སྐྱོང་བར་བྱེད་པས་རྩེ་རྒོད་རྩེ་རྒོད་ཅེས་བྱ་བའི་མིང་དུ་གྱུར་ཏོ། །དེ་དག་ཐམས་ཅད་གཙུག་ལག་ཁང་དུ་འཇུག་པས་ཀླག་ཅོར་གྱི་སྒྲས་དགེ་སློང་དག་གིས་སེམས་རྩེ་གཅིག་པ་ཉིད་མི་སྒྲུབ་ནས། བཅོམ་ལྡན་འདས་ཀྱིས་བཀའ་སྩལ་པ། ཇི་སྙེད་དག་
D3.005.0103b02.01གིས་ལས་འགྲུབ་པ་དེ་སྙེད་འཇུག་པར་བྱའི་ཐམས་ཅད་མི་བྱའོ། །དགེ་སློང་དག་གིས་དེ་དག་ཐམས་ཅད་ལ་ཟས་དང་གོས་སྦྱིན་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། གང་དག་ལས་བྱེད་པ་དེ་དག་ལ་ཟས་དང་གོས་སྦྱིན་པར་བྱའི་ཐམས་ཅད་ལ་མི་བྱའོ། །
D3.005.0103b03.01དགེ་སློང་རྣམས་ཀྱིས་དེ་དག་ན་བ་ཡལ་བར་བོར་ནས་བཅོམ་ལྡན་འདས་ཀྱིས་བཀའ་སྩལ་པ། གང་དག་ན་བ་དེ་དག་ལ་ཟས་དང་གོས་སྦྱིན་པར་བྱ་ཞིང་བསྙེན་བཀུར་ཡང་བྱའོ། །ཇི་ཙམ་དུས་གཞན་ཞིག་ན་ཉེ་དགའ་དགེ་སྐོས་བྱེད་པས་དེས་ལྷ་འབངས་དེ་དག་ལ་སྨྲས་པ། བཞིན་{བཟངས་,བཟང་}
D3.005.0103b04.01དག་ཁོ་བོ་དགེ་སྐོས་བྱེད་ཀྱིས་ཁྱེད་ཅག་ནང་པར་སྔར་ཤོག་ཤིག །རྒྱལ་པོའི་ཁབ་ན་སྟོན་ཟླ་ཐ་{ཆུངས་ཀྱི་,ཆུང་གི་}གཡོན་ཅན་ཞེས་བྱ་བ་ཆོམ་རྐུན་པ་དག་གིས་ཀུན་ཏུ་སྤྱོད་པ་དེ་དག་དགག་དབྱེ་བྱས་མ་ཐག་ཏུ་ཤེས་ལྡན་དག་བདག་ཅག་གིས་ལས་ཅི་ཞིག་བྱས་ན་དེས་བཙལ་མི་དགོས་པར་ལོ་
D3.005.0103b05.01སྐོར་དུ་ལོངས་སྤྱོད་ཅིང་བདེ་བར་གནས་པར་འགྱུར་ཞེས་ཕན་ཚུན་གྲོས་བྱེད་དོ། །དེ་ན་དགེ་སློང་གི་རྒྱུས་ཤེས་པ་ཅིག་འདུག་པ་དེས་སྨྲས་པ། ཤེས་ལྡན་དག་འཕགས་པ་དག་གི་གཡོག་གང་དག་གྲོང་ཁྱེར་གྱི་ཕྱི་རོལ་ན་འཁོད་པ་དེ་དག་གཞོམ་པར་བྱའོ། །གཞན་དག་
D3.005.0103b06.01གིས་སྨྲས་པ། རེ་ཞིག་དེ་དག་གི་ཇོ་བོ་གང་དག་ཡིན་པ་དེ་དག་ཀྱང་སྒོ་འཕར་བརྒྱ་སྙེད་བཟླ་བ་བྱས་ཀྱང་ལྟོ་ཁེངས་པ་འགྲུབ་པར་དཀའ་བས་དེ་དག་ལ་ཡང་ཅུང་ཟད་ཀྱང་མེད་ན་དེ་དག་གི་གཡོག་དེ་དག་ལྟ་སྨོས་ཀྱང་ཅི་དགོས། དགེ་སློང་གི་རྒྱུས་ཤེས་པ་དེས་སྨྲས་པ། ཤེས་
D3.005.0103b07.01