完整藏文原文 · 德格版页 当前仅加载第 5 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱེད་ཅག་དགེ་བའི་ཆོས་ལ་འདུན་པ་སྐྱེས་པ་འདི་ནི་སངས་རྒྱས་འབྱུང་བ་དང་འདྲ་སྟེ་ལེགས་སོ་ལེགས་སོ། །སྲིང་མོ་དག་འཁོད་ཅིག་དང་ཁོ་བོས་ཁྱེད་ལ་ཆོས་བསྟན་པར་བྱའོ། །དེ་དག་གིས་དེའི་རྐང་པ་གཉིས་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འཁོད་པ་དང་།
D3.005.0209b01.01དེས་དེ་དག་ལ་ཆོས་སྟོན་པར་བརྩམས་སོ། །ཇི་ལྟ་ཇི་ལྟར་ཆོས་སྟོན་པ་དེ་ལྟ་དེ་ལྟར་ཀུན་དུ་ཆགས་སོ། །ཇི་ལྟ་ཇི་ལྟར་ཀུན་ཏུ་ཆགས་པ་དེ་ལྟ་དེ་ལྟར་དྲལ་ཏོ། །ཇི་ལྟ་ཇི་ལྟར་དྲལ་བ་དེ་ལྟ་དེ་ལྟར་དེ་དག་གི་ཡན་ལག་དང་ཉིང་ལག་དག་ལ་ཉུག་པར་བརྩམས་སོ། །འདི་ལྟ་སྟེ་དཔེར་
D3.005.0209b02.01ན་མི་གསང་སྔགས་ཉིད་རྗོད་པར་བྱེད་པ་འབྱུང་པོའམ། ཤ་ཟས་ཐལ་ལྕག་གི་བསྣུན་པས་བསྣུན་པར་གྱུར་པ་དེ་བཞིན་དུ་དེ་ཡང་དེ་དག་ལ་ཇི་ལྟ་ཇི་ལྟར་ཆོས་སྟོན་པར་བྱེད་པ་དེ་ལྟ་དེ་ལྟར་ཀུན་དུ་ཆགས་སོ། །ཇི་ལྟ་ཇི་ལྟར་ཀུན་དུ་ཆགས་པ་དེ་ལྟ་དེ་ལྟར་དྲལ་ཏོ། །ཇི་ལྟ་ཇི་ལྟར་དྲལ་བ་
D3.005.0209b03.01དེ་ལྟ་དེ་ལྟར་དེ་དག་གི་ཡན་ལག་དང་ཉིང་ལག་དག་ལ་ཉུག་པར་བརྩམས་སོ། །དེ་ན་གང་དག་བདག་གིར་བྱེད་པ་དེ་དག་ནི་དེ་དང་ལྷན་ཅིག་གཞོགས་སྟེགས་དང་། ཕྱར་གཡེང་དང་། ཐོ་འཚམ་པ་དང་། ཀུན་དུ་རྩེ་བ་དང་། ཀུན་དུ་ཅ་ཅོ་འདོན་པ་དང་། དགོད་པ་དང་། དྲེགས་པ་དང་།
D3.005.0209b04.01ལུས་སྒྱུར་བར་བྱེད་དོ། །གང་དག་བདག་གིར་མི་བྱེད་པ་དེ་དག་ནི་དེ་ནས་ཕྱིར་བྱུང་སྟེ། འཆགས་དང་། དགར་དང་། སྒོ་ཁང་དག་ན། གང་ལས་ཆུ་འབྱུང་དེ་ལས་འབར། །གང་ལས་སྐྱོབ་པ་དེ་ལས་འཇིགས། །འཇིགས་པ་མེད་ལས་འཇིགས་པ་སྐྱེས། །སྐྱབས་ལས་འཇིགས་
D3.005.0209b05.01པ་སྐྱེས་པར་གྱུར། །བདག་ཅག་གི་ཕྱོགས་གཅིག་ཏུ་བདེ་བ་ཞི་བ། བདེ་ལེགས་བརྗོད་པ། བདེ་ལེགས་སུ་འགྱུར་བ་གང་ཡིན་པ་དེ་ལས་འཇིགས་པ་དང་། ཡམས་དང་། གནོད་པ་དང་། འགོ་བའི་ནད་དང་། འཁྲུག་པ་བྱུང་བར་གྱུར་ཏོ་ཞེས་སྨོད་པར་བྱེད། ཕྱར་ཀ་གཏོང་བར་
D3.005.0209b06.01བྱེད། ཁ་ཟེར་བར་བྱེད་དོ། །དེ་དག་སྨོད་ཅིང་འདོད་པ་ན་དགེ་སློང་དག་གི་མངོན་སུམ་དུ་གྱུར་ནས་དེ་དག་གིས་དེ་དག་སྨོད་པ་ཐོས་པ་དང་། དེ་དག་གིས་སྨྲས་པ། སྲིང་མོ་དག་ཁྱེད་ཅག་སུ་ལ་སྨོད། འཕགས་པ་དག་ཁྱེད་ཅག་ལའོ། །ངེད་ཀྱིས་ཅི་བྱས། འཕགས་པ་དག་བདག་
D3.005.0209b07.01