完整藏文原文 · 德格版页 当前仅加载第 5 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
སྙོམས་ལས་ཕྱིར་ལོག་པས་ལྷུང་བཟེད་དང་ཆོས་གོས་མཁོས་སུ་ཕབ་སྟེ། རྐང་པ་གཉིས་བཀྲུས་ནས། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འཁོད་དོ། །
D3.005.0290a01.01མཐའ་གཅིག་ཏུ་འཁོད་ནས། བཅོམ་ལྡན་འདས་ལ་དགེ་སློང་རབ་ཏུ་མང་པོ་དག་གིས་འདི་སྐད་ཅེས་གསོལ་ཏོ། །བཙུན་པ་འདི་ན་བདག་ཅག་དགེ་སློང་རབ་ཏུ་མང་པོ་དག་སྔ་དྲོ་ཤམ་ཐབས་འཚལ། ལྷུང་བཟེད་དང་། ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་
D3.005.0290a02.01ལ་ཞུགས་པ་ན་བདག་ཅག་དགེ་སློང་རབ་ཏུ་མང་པོ་དག་རྒྱལ་པོའི་ཁབ་ན་བསོད་སྙོམས་རྒྱུ་བས་ལྷས་བྱིན་ལ་རྙེད་པ་དང་། བཀུར་སྟི་རྣམ་པ་འདི་ལྟ་བུ་འདི་བྱུང་སྟེ། ལུས་འཕགས་མའི་བུ་མ་ག་དྷཱར་བྱུང་བའི་རྒྱལ་པོ་མ་སྐྱེས་དགྲ་ནང་པར་དང་། དགོངས་ཀར་ཤིང་རྟ་ལྔ་བརྒྱ་ཙམ་དང་
D3.005.0290a03.01ལྷན་ཅིག་བྱུང་ཞིང་དེ་ལ་བསྙེན་བཀུར་བགྱིད་དོ། །དེ་ལ་སྣོད་དུ་བསྒྲལ་བ་ལྔ་བརྒྱ་ཙམ་གྱི་ཟས་ཀྱི་ཚོམ་བུ་ཚོམ་བུ་དག་ཀྱང་འབུལ་བར་བགྱིད་དོ། །ལྷས་བྱིན་ཡང་དགེ་སློང་ལྔ་བརྒྱ་ཙམ་དང་ལྷན་ཅིག་ཟས་ཀྱི་གྲལ་དུ་བཀད་པར་བགྱིད་དོ་ཞེས་ཐོས་སོ། །དགེ་སློང་དག་ཁྱེད་ཅག་ལྷས་བྱིན་
D3.005.0290a04.01གྱི་རྙེད་པ་དང་བཀུར་སྟི་ལ་དགའ་བར་མ་བྱེད་ཅིག །དེ་ཅིའི་ཕྱིར་ཞེ་ན། དགེ་སློང་དག་ལྷས་བྱིན་གྱི་རྙེད་པ་དང་བཀུར་སྟི་ནི་གསོད་པར་འགྱུར་བ་དང་། ལྷས་བྱིན་གྱི་རྙེད་པ་དང་བཀུར་སྟི་ནི་ཟིལ་གྱིས་གནོན་པར་འགྱུར་བ་ཡིན་པའི་ཕྱིར་རོ། །དགེ་སློང་དག་འདི་ལྟ་སྟེ། དཔེར་ན་ཆུ་ཤིང་
D3.005.0290a05.01འབྲས་བུ་རྒྱས་པ་ནི་གསོད་པར་འགྱུར་བ་དང་། ཆུ་ཤིང་འབྲས་བུ་རྒྱས་པ་ནི་ཟིལ་གྱིས་གནོན་པར་འགྱུར་བ་དེ་བཞིན་དུ་ལྷས་བྱིན་གྱི་རྙེད་པ་དང་བཀུར་སྟི་ཡང་གསོད་པར་འགྱུར་བ་དང་། ལྷས་བྱིན་གྱི་རྙེད་པ་དང་བཀུར་སྟི་ཡང་ཟིལ་གྱིས་གནོན་པར་འགྱུར་བ་ཡིན་ནོ། །འདི་ལྟ་སྟེ་དཔེར་ན་འོད་མ་
D3.005.0290a06.01དང་། འདམ་བུའི་འབྲས་བུ་རྒྱས་པ་ནི་གསོད་པར་འགྱུར་བ་དང་། འོད་མ་དང་། འདམ་བུའི་འབྲས་བུ་རྒྱས་པ་ནི་ཟིལ་གྱིས་གནོན་པར་འགྱུར་བ་དེ་བཞིན་དུ་ལྷས་བྱིན་གྱི་རྙེད་པ་དང་བཀུར་སྟི་ཡང་གསོད་པར་འགྱུར་བ་དང་། ལྷས་བྱིན་གྱི་རྙེད་པ་དང་། བཀུར་སྟི་ཡང་ཟིལ་གྱིས་
D3.005.0290a07.01