完整藏文原文 · 德格版页 当前仅加载第 5 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོང་རྣམས་ནི་མ་གཏོགས་ཏེ། དེ་དག་ནི་རྒྱུད་རྒྱ་ཆེན་པོ་དང་ལྡན་པ། རྒྱུད་ཟབ་མོ་དང་ལྡན་པ། རྒྱུད་བཟང་པོ་དང་ལྡན་པ། འཇིག་རྟེན་པ་ལ་ཕམ་པར་མི་ནུས་པ། འཇིག་རྟེན་ལས་འདས་པ་ལ་གཏིང་མེད་པ་ཡིན་ཏེ། དེ་དག་ནི་མང་བ་དང་། མཐུན་པ་དང་། ལོངས་སྤྱོད་
D3.005.0171a01.01དག་དོན་དུ་མི་གཉེར་བ་ཡིན་ནོ། །སེར་སྐྱས་སྨྲས་པ། ཡབ་དེ་བཞིན་བགྱིའོ། །བྲམ་ཟེ་སེར་སྐྱ་ཞི་བ་ན་བ་ལས་མ་ལངས་ཏེ། དེ་རྩ་བ་དང་སྡོང་བུ་དང་། འདབ་མ་དང་། མེ་ཏོག་དང་། འབྲས་བུའི་སྨན་དག་གིས་བསྙེན་བཀུར་བྱས་ཀྱང་ཉམས་པ་ཉིད་དུ་གྱུར་ནས། ཇི་ཙམ་ན་བསགས་པ་
D3.005.0171a02.01ཀུན་གྱི་མཐའ་ཟད་ཅིང་། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པོའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དུས་ཀྱི་ཆོས་དང་ལྡན་པར་གྱུར་ཏོ། །དེ་ཤེད་བུ་སེར་སྐྱ་དང་ནང་མིས་གོས་སྔོན་པོ་དང་། སེར་པོ་དང་། དམར་པོ་དང་། དཀར་པོ་དག་
D3.005.0171a03.01གིས་ཁྱོགས་སྤྱིལ་བརྒྱན་ཏེ་དུར་ཁྲོད་དུ་བསྐྱལ་ནས་བསྲེགས་ཏེ་དེའི་འོག་ཏུ་མྱ་ངན་བསང་བ་བྱས་ནས་འཁོད་དོ། །ལྷོ་ཕྱོགས་ནས་ལྷགས་པའི་སྨྲ་བ་དེ་དག་གིས་བྲམ་ཟེ་སེར་སྐྱ་ཞི་བ་དུས་ལ་བབ་ཅེས་ཐོས་སོ། །ཐོས་ནས་ཀྱང་ཕན་ཚུན་སྨྲ་བར་བརྩམས་པ། ཤེས་ལྡན་དག་བྲམ་ཟེ་སྨྲ་བ་དེ་
D3.005.0171a04.01དུས་ལ་བབ་ཀྱིས་ད་ནི་འདོང་བར་བྱའོ་ཞེས་དེ་དག་ཐམས་ཅད་འདུས་ཏེ་རྒྱལ་པོ་ཀྲྀ་ཀཱིའི་གན་དུ་དོང་ངོ་། །དེ་ནས་རྒྱལ་པོ་ལ་རྒྱལ་བ་དང་ཚེ་སྤེལ་བ་བྱས་ཏེ་སྨྲས་པ། ལྷ་བདག་ཅག་ལ་བླ་མ་ལས་ཡི་གེ་ཉུང་ཤས་ཤིག་བླངས་པ་མཆིས་ཏེ་བདག་ཅག་ལྷའི་སྤྱན་སྔར་བཀའ་མཆིད་རྣམ་པར་གཏན་ལ་
D3.005.0171a05.01དབབ་པ་བགྱིད་པར་འཚལ་ལོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་མཁན་པོ་དེ་བོས་ཤིག །བློན་པོ་རྣམས་ཀྱིས་སྨྲས་པ། ལྷ་བྲམ་ཟེ་སྨྲ་བ་དེ་དུས་ལ་བབ་བོ། །རྒྱལ་པོས་སྨྲས་པ། དེའི་ཕྱིར་འདི་དག་གཡུལ་དུ་ཕུག་རོན་བཞིན་དུ་འདུས་ཏེ་ངའི་དྲུང་དུ་ལྷགས་ཀྱིས། བྲམ་
D3.005.0171a06.01ཟེ་དེའི་བུའམ་ཕུ་ནུ་བོ་འགའ་ཅི་ཡོད། ལྷ་དེའི་བུ་ཤེད་བུ་སེར་སྐྱ་ཞེས་བགྱི་བ་མཆིས་སོ། །མཁན་པོའི་བུ་དེ་བོས་ཤིག །དེ་དག་གིས་དེ་བོས་ནས་དེས་རྒྱལ་པོ་ལ། རྒྱལ་བ་དང་ཚེ་སྤེལ་བ་བྱས་ཏེ་མཐའ་གཅིག་ཏུ་འདུག་པ་དང་། བློན་པོ་རྣམས་ཀྱིས་སྨྲས་པ། ལྷ་དེའི་བུ་ཤེད་བུ་སེར་སྐྱ་ཞེས་བགྱི་
D3.005.0171a07.01