完整藏文原文 · 德格版页 当前仅加载第 5 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
དུད་འགྲོའི་སྐྱེ་གནས་ངན་པར་སྐྱེས་པར་གྱུར་ན། བདག་ཅག་ད་ལྟར་དྲག་ཤུལ་ཅན། སུག་པ་དམར་བ། སྣུན་པ་དང་རབ་ཏུ་སྣུན་པ་ལ་ཞུགས་པ། གཞན་གྱི་སྲོག་འཕྲོག་པ། གཞན་གྱི་སྲོག་གཅོད་དུ་སྩོལ་པ། གཞན་གྱི་སྲོག་གཅོད་པས་འཚོ་བར་བགྱིད་
D3.005.0178a01.01པ་དག་ལགས་པས་བདག་ཅག་འདི་ནས་ཤི་འཕོས་པ་རྣམས་ཀྱི་འགྲོ་བ་ནི་ཅིར་འགྱུར། སྐྱེ་བ་ནི་ཅིར་འགྱུར། ཚེ་ཕྱི་མ་ནི་ཅིར་འགྱུར། གལ་ཏེ་བདག་ཅག་རིགས་དམའ་བར་སྐྱེས་པར་མ་གྱུར་ན། བདག་ཅག་གིས་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་།
D3.005.0178a02.01ཆུ་བོ་རྣམས་ལས་རྒལ་བར་བགྱི་བ་དང་། སྦྱོར་བ་རྣམས་ལས་ཡང་དག་པར་འདའ་བར་བགྱི་བའི་སླད་དུ་སྤྲོ་བར་བགྱི། འབད་པར་བགྱི། བརྩལ་བར་བགྱི་བ་ཞིག་ན་སྙམ་པས་བདག་ཅག་ཇི་ལྟར་སེམས་ཁོང་དུ་ཆུད་ཅིང་མི་མཆིས་སུ་རུང་། བཞིན་{བཟངས་,བཟང་}དག་ཐུབ་པའི་དབང་པོའི་གསུང་
D3.005.0178a03.01རབ་འདི་ལ་ནི་རིགས་གཅེས་པ་མ་ཡིན། ཁྱིམ་གཅེས་པ་མ་ཡིན། རུས་གཅེས་པ་མ་ཡིན་གྱི། ཐུབ་པའི་དབང་པོའི་གསུང་རབ་འདི་ལ་ནི་སྒྲུབ་པ་གཅེས་པ་ཡིན་ནོ། །ཡང་སྨྲས་པ། དེ་བཞིན་གཤེགས་རྣམས་རིགས་དང་ནི། །ཁྱིམ་དང་རུས་དག་རྟོག་མི་མཛད། །ཡུན་རིང་
D3.005.0178a04.01བྱས་པར་གྱུར་ཀྱང་ནི། །ལས་རྣམས་ལ་ནི་ཡོངས་རྟོག་མཛད། །གལ་ཏེ་ཁྱེད་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་འདོད་ན་ཚུར་ཤེག །ཡུ་བུ་ཅག་བཅོམ་ལྡན་འདས་ག་ལ་བ་དེར་འདོང་བ་དང་། བཅོམ་ལྡན་འདས་
D3.005.0178a05.01ཀྱིས་ཁྱེད་ཅག་རབ་ཏུ་འབྱིན་པར་འགྱུར་རོ། །འཕགས་པ་ལེགས་ཏེ། གལ་ཏེ་དེ་ལྟ་ན་བདག་ཅག་བཅོམ་ལྡན་འདས་ཀྱི་སྤྱན་སྔར་རབ་ཏུ་འབྱུང་དུ་མཆིའོ། །དེ་ནས་ཚེ་དང་ལྡན་པ་ཤཱ་རིའི་བུས་རིགས་ཀྱི་བུ་ལྔ་བརྒྱ་པོ་དེ་དག་ཁྲིད་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་
D3.005.0178a06.01ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་རིགས་ཀྱི་བུ་ལྔ་བརྒྱ་པོ་འདི་དག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་
D3.005.0178a07.01